完整藏文原文 · 德格版页 当前仅加载第 97 函德格 354a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་རྣམས་ལ་གསང་བའི་ཚུལ་དུ་བཅོས་ནས། ལོག་པའི་ཚོགས་བསྐྱངས་པས་ཚོམ་བུ་ལྔ་བརྒྱ་དང་བཅས་པར་ཡང་དག་པའི་དོན་ལས་གོལ་ཞིང་། ངན་འགྲོ་ལོག་པའི་ལམ་དུ་ལྷུང་བར་གྱུར་པ་དེ་བཞིན་དུ་ཤེས་པར་
D830.097.0354a01.01བྱའོ། །དེ་ནས་ཡང་སྨྲ་བའི་སེང་གེས་གསོལ་པ། གང་ཟག་ལ་ལ་དག་གསང་བའི་དོན་ཟབ་མོ་རྟོགས་པ་མེད་པར་དགའ་བའི་གཞུང་བོར་ཏེ། གཞན་ངེས་པའི་རྣལ་འབྱོར་རྣམས་ལ་སྐུར་པ་འདེབས་པའི་རྣམ་པར་སྨིན་པ་ནི་ཇི་ལྟ་བུར་འགྱུར་བ་ལགས།
D830.097.0354a02.01གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེ་གང་ཟག་ལ་ལ་དག་རང་ཉིད་གསང་བའི་དོན་ལ་ཡིད་ཆེས་པའི་ངེས་པ་མེད་པར་གཞན་ངེས་པའི་རྣལ་འབྱོར་པ་རྣམས་ལ་སྒྲོ་སྐུར་གྱི་སུན་འབྱིན་པའི་བློ་སྐྱེ་ཞིང་བདག་གི་ནི་ཡིན། གཞན་
D830.097.0354a03.01གྱི་ནི་མ་ཡིན་ཞེས་བདག་ལ་བསྟོད་ཅིང་གཞན་ལ་སྨོད་པ་ནི་དོན་ལས་འབན་ཐག་ཆད་དེ་མནར་མེད་པར་ལྟུང་ངོ་། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ། བསྐལ་པ་ཀུན་དུ་བཀོད་པ་ཞེས་བྱ་བའི་དུས་དེ་
D830.097.0354a04.01ཉིད་ལ། དཔལ་སྦྱིན་ཞེས་བྱ་བའི་རྣལ་འབྱོར་ཞིག་ཏུ་ཁས་འཆེས་པ་ཞིག་ཡང་དག་པའི་དོན་ལ་ཤེད་མ་བྱེ་ཞིང་། ལམ་གྱི་བགྲོད་ཐབས་ལ་མི་མཁས་པས་དེས་བཀའ་ངེས་པའི་གཞུང་ནི་མ་རྟོགས། ཆོས་མ་ཡིན་པའི་ཆོས་ལ་ཆོས་སུ་སྤྱོད་
D830.097.0354a05.01ཅིང་ནོར་བས། བདག་ཉིད་སུན་འབྱིན་ཅིང་ལོག་པའི་ཚད་མས་གཞན་ངེས་པའི་དོན་སྤྱོད་པའི་རྣལ་འབྱོར་པ་ལ་ཁྱོད་ཀྱི་དེ་ནི་ཡང་དག་པའི་དོན་མ་ཡིན། ཡང་དག་པའི་བདུད་རྩི་དང་འདྲ་བ་ནི་ངའི་ཆོས་འདི་ཡིན་ནོ་ཞེས་བདག་བསྟོད། གཞན་
D830.097.0354a06.01ལ་ནི་སྨོད་པས་ཡང་དག་པའི་དོན་དང་ནི་གཏན་དུ་འགྱངས། མནར་མེད་པའི་སེམས་ཅན་དམྱལ་བ་ཆེན་པོར་བསྐལ་པ་བཅུ་གཉིས་ཀྱི་བར་དུ་འཁྱམས་པར་གྱུར་ཏོ། །དེ་བཞིན་དུ་ཤེས་པར་བྱའོ། །དེ་ནས་ཡང་སྨྲ་བའི་སེང་གེས་གསོལ་པ།
D830.097.0354a07.01