完整藏文原文 · 德格版页 当前仅加载第 97 函德格 341a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་བརྙན་ནང་དུ་དེ་བཅུག་པ། །སྲིན་བུ་མེ་ཁྱེར་འདྲ་བར་གསལ། །ཞགས་པའི་ཕྱག་རྒྱས་དམ་དུ་གཞུག །ལྕགས་སྒྲོག་ཕྱག་རྒྱས་སྒྲོག་ཏུ་གཞུག །དྲིལ་བུའི་ཕྱག་རྒྱས་བརྟན་པར་བྱ། །གུ་གུལ་ནག་པོའི་དུད་པས་བདུག །ཡུངས་
D830.097.0341a01.01ཀར་རྒྱལ་པོའི་མཚོན་གྱིས་བརྡེག །རྡོ་རྗེ་མིག་གིས་བལྟར་མངོན་པར། །ཉམས་པ་དེ་ཉིད་གནོན་པར་ནི། །ཉིན་མཚན་ཀུན་ལ་དྲངས་ཏེ་བསམ། །ཡང་ན་སུྃ་བྷའང་ལྷག་པར་འཇེབས། །དེ་ནི་དགུག་པའི་མཆོག་ཏུ་གསུངས། །གལ་ཏེ་གསད་པའི་ལས་
D830.097.0341a02.01བྱ་ན། །དགུག་པ་དེ་ཉིད་སྦྱར་བྱས་ཏེ། །དུག་ཤིང་སྙིང་པོའི་ཚེར་མ་ཡིས། །ཁུགས་པའི་གཟུགས་དེ་དབུག་པར་བྱ། །དྲག་པོར་གྱུར་པའི་ཕུར་པ་ཡིས། །དཔྲལ་བ་སྙིང་མགྲིན་པུས་མོ་གཉིས། །གནས་ལྔ་དག་ཏུ་བཏབ་པར་བསྒོམ། །རྡོ་རྗེ་རྩེ་མོའི་སྔགས་ཀྱིས་
D830.097.0341a03.01གདབ། །རྡོ་རྗེ་རྩེ་གཅིག་ཕྱག་རྒྱ་དང་། །བེ་ཅོན་རྡོ་རྗེ་གནོད་སྦྱིན་དང་། །རྡོ་རྗེ་བརྗིད་པས་ཕུར་པ་གནོན། །བསྐལ་པའི་མཐར་ཡང་ཟུག་བསམས་ཏེ། །གུ་གུལ་དུད་པས་མྱོས་སུ་གཞུག །ཡུངས་ཀར་རྒྱལ་པོས་བརྡེག་པར་བྱ། །དེ་ནས་གཟུགས་ཀྱི་དངོས་
D830.097.0341a04.01པོ་དེ། །རབ་ཏུ་རྣོ་བའི་མཚོན་ཆ་ཡིས། །ཕོ་ནི་རྐང་པ་གཡས་ནས་གཏུབ། །མོ་ནི་རྐང་པ་གཡོན་ནས་གཏུབ། །རྨད་དུ་བྱུང་བའི་གཏོར་མ་དང་། །བཅས་ཏེ་འབར་བའི་ལྷ་ཚོགས་ལ། །དྲག་པོ་ཧོམ་དུ་སྦྱིན་སྲེག་བྱ། །ཉིན་མཚན་གུང་ལ་བྱ་བར་གསུངས། །ལས་
D830.097.0341a05.01འདི་བྱས་ན་ངེས་པར་ཡང་། །ལྷ་ཡིས་བསྲུངས་ཀྱང་འཆི་བར་འགྱུར། །གལ་ཏེ་སྐམ་པའི་ལས་བྱས་ན། །དགུག་པ་དེ་ཉིད་སྦྱར་བྱས་ཏེ། །དེ་ཡི་མིང་ནས་སྨོས་ནས་ནི། །གཟུགས་དེ་དུག་གི་ཚེར་མས་དབུག །དུག་དང་སྐྱེ་ཚེ་ལན་ཚྭ་དང་། །འབྲུ་མར་ཚ་བར་
D830.097.0341a06.01རབ་བསྲེས་ཏེ། །ཚ་བའི་རིམས་ཀྱིས་གདབ་པའི་ཕྱིར། །དེ་ཡི་ལུས་ནང་གང་བར་དགང་། །ཚེར་མའི་མེ་ལ་བསྐམ་པར་བྱ། །མཚན་མ་མིང་དུ་བཅས་པ་སྟེ། །ཁམ་ཕོར་རམ་ནི་ཐོད་པར་གཞུག །དགྲ་ཡི་སྒོ་གང་མནན་བྱས་ན། །སྐམ་པར་འགྱུར་བར་གདོན་མི་
D830.097.0341a07.01