完整藏文原文 · 德格版页 当前仅加载第 97 函德格 304b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བ་ཐམས་ཅད་ཀྱི། །འདུས་བྱས་མ་བྱས་ཆོས་རྣམས་ཀུན། །ཆོས་ཀྱི་སྐྱེད་བྱེད་ཡིན་པར་གྲགས། །རྣམ་པར་ཤེས་པའི་ཡུལ་ཡིན་པས། །ཀུན་དུ་བཟང་མོའི་རང་བཞིན་ཡིན། །དེ་ལ་སོགས་ཏེ་མཐའ་ཡས་མཆོག །ཆོས་དབྱིངས་མཉམ་དང་མི་མཉམ་
D830.097.0304b01.01པ། །ནམ་མཁའི་ཁམས་ཀྱི་མཐའ་ཀླས་པ། །ཇི་སྙེད་རྣམ་གྲངས་ཡོད་པའི་ཆོས། །ཀུན་ཀྱང་ཕྱག་རྒྱའི་རང་བཞིན་པས། །རང་བཞིན་དཀྱིལ་འཁོར་ཆེན་པོ་ཡི། །རྣམ་གྲངས་ཡིན་པར་རྒྱལ་བས་གསུངས། །ཞེས་ཆེད་དུ་བརྗོད་པ་གསུངས་སོ། །དེ་ནས་
D830.097.0304b02.01ཡང་བཅོམ་ལྡན་འདས་གསང་བ་མཆོག་གི་བདག་པོ་དེས་རང་བཞིན་ཀུན་རྫོབ་ཀྱི་དཀྱིལ་འཁོར་འདི་གསུངས་སོ། །ཀུན་རྫོབ་མཚན་མའི་གནས་ཆེན་ཀྱང་། །འོག་མིན་བླ་མེད་གནས་མཆོག་གམ། །ལྕང་ལོ་ཅན་ནམ་བདེ་བ་ཅན། །པདྨ་ཅན་ལ་སོགས་པ་
D830.097.0304b03.01ཡི། །རང་བཞིན་ལྷུན་གྲུབ་དཀྱིལ་འཁོར་དེ། །མཚན་མའི་རྣལ་འབྱོར་ངོ་ལ་སྣང་། །དེ་ཡང་ཇི་ལྟ་བུ་ཞེ་ན། །མཁའ་འམ་ཡིད་ཀྱི་ནམ་མཁའ་ལ། །འབྱུང་ཆེན་བརྩེགས་པའི་ལྷུན་གྱིས་གྲུབ། །དེ་སྟེང་རིན་ཆེན་སྣ་བཞི་ལས། །ལྷུན་གྱིས་གྲུབ་པ་ཚད་དཔག་
D830.097.0304b04.01མེད། །དེ་ལ་བརྟེན་པའི་ས་གཞི་ནི། །རིན་ཆེན་སྣ་ཚོགས་གཅལ་དུ་བཀྲམ། །མནན་ནེམ་བཏེག་འཕར་མཛེས་པའི་གཞི། །དེ་ལ་ཕོ་བྲང་གཞལ་མེད་ཁང་། །གྲུ་བཞི་ལྷམ་པ་མཛེས་པར་སྣང་། །རིན་ཆེན་སྣ་བཞིའི་རྒྱུ་ལས་གྲུབ། །གློ་འབུར་བཞི་ཡང་མཁར་
D830.097.0304b05.01ཐབས་ཚུལ། །བུམ་པའི་རྩེ་མོ་ཆོས་ཀྱི་ཏོག །རྨ་བྱའི་མདོངས་དང་ལྡན་པའོ། །སྒོ་བཞི་སྒོ་ཁྱུད་བཞི་དང་ལྡན། །རྟ་བབས་བརྒྱད་དང་ཡང་དག་ལྡན། །དབུས་ན་འཁོར་ལོ་རྩིབས་བཞི་པ། །ལྟེ་བར་བཅས་ཤིང་རྩིབས་རྟེན་ལྡན། །གྲུ་ཆད་བར་ཁྱམས་མཛེས་པར་ལྡན། །
D830.097.0304b06.01རིན་ཆེན་འོད་ཟེར་འབར་བས་འཁྲིགས། །སེམས་ཅན་པདྨ་ཉི་ཟླ་དང་། །རིན་ཆེན་འབར་བའི་གདན་མཆོག་ལྡན། །རིན་ཆེན་ཁྲི་རྐང་རྣམ་རྟེན་ལྡན། །ཕོ་བྲང་དེ་ཡི་གདན་མཆོག་ཀྱང་། །ཉི་ཟླ་ནོར་བུ་རིན་ཆེན་འབར། །བླ་རེ་རྒྱལ་མཚན་ན་བཟའ་གདུགས། །དར་
D830.097.0304b07.01