完整藏文原文 · 德格版页 当前仅加载第 97 函德格 331b 版页；藏文 NFD、目录标记与异常页序保留在来源切片中，重复版页行以稳定序号区分。
གནན་དྲག་པོའི་ལས་རྣམས་བྱ། །ཡན་ལག་མགོ་མཚན་གཡས་གཡོན་ལ། །གནས་ཀྱི་མ་མོ་བརྒྱད་རྣམས་ཀྱི། །བྲི་འམ་མཚན་མ་གཞག་པར་བྱ། །གཞན་རྣམས་ཀྱང་ནི་ཅི་རིགས་པར། །མ་ཏང་དགུག་དང་དབབ་དང་གནོན། །བྱིན་བརླབས་
D830.097.0331b01.01མཁས་པས་ཚུལ་བཞིན་བྱ། །བྱ་བ་ཐམས་ཅད་ཅི་རིགས་བྱ། །དེས་ནི་གནོན་པའི་ལས་ཆེན་འགྲུབ། །ཅེས་གསུངས་སོ། །དེ་ལ་འདི་ནི་རྡོ་རྗེ་ཚེ་བསྒྲུབ་པའི་ཐབས་སོ། །ཐམས་ཅད་འབྱོར་པར་བྱས་ནས་ནི། །ས་སྟེངས་སྐྱོང་ནུལ་ལེགས་བྱས་ལ། །
D830.097.0331b02.01དབུས་སུ་པདྨ་འདབ་བརྒྱད་ལ། །ཟླ་གམ་དམར་པོ་སྒོ་བཞིར་ལྡན། །རྡོ་རྗེའི་ར་བས་བསྐོར་བར་བྱ། །དཔལ་ལྡན་ཚེ་ཡི་ཕྱག་རྒྱ་དགོད། །རིན་ཆེན་སྣ་ཚོགས་བུམ་པ་ལ། །ཚེ་ཡི་རྫས་ཀྱིས་གང་བ་དེ། །པདྨ་བན་དྷས་ཁ་བཀབ་ལ། །གཟུངས་ཐག་བཏགས་
D830.097.0331b03.01ནས་དབུས་སུ་གཞག །ཚེ་དཔག་མེད་པར་དེ་མངའ་གསོལ། །བུམ་པ་རིན་ཆེན་ལས་བྱས་བཞི། །གསང་བའི་ཡུམ་དུ་དེ་མངའ་གསོལ། །རིགས་དང་མཐུན་པའི་བུམ་པ་བཞི། །རིགས་ལྔའི་སངས་རྒྱས་གཙོ་གཟུངས་དང་། །སོ་སོའི་འཁོར་གྱི་སེམས་
D830.097.0331b04.01དཔའ་རྣམས། །གཙོ་གཟུངས་ཟུང་དུ་འབྲེལ་བར་ནི། །ཕྱོགས་ཕྱོགས་དག་ཏུ་ཚོམ་བུར་བྲི། །སྒོ་བཞིར་སྒོ་སྲུང་ལ་སོགས་གཞག །སེམས་དཔའི་ཕྱག་རྒྱ་ཀུན་བཀོད་ནས། །ཚེ་དཔག་མེད་པའི་ཐུགས་ཀ་ནས། །འཁྱིལ་ཅིང་འཚེར་བའི་བྱང་ཆུབ་
D830.097.0331b05.01སེམས། །ཉི་ཟླའི་གའུ་གནས་པ་དེ། །ཨ་ཡུ་བྱང་ཆུབ་སེམས་སུ་ཞུ། །དེ་ལས་རྒྱལ་མཚན་མཆོད་ལྡན་དང་། །རིན་ཆེན་གཏེར་དང་དབང་བསྐུར་མཛད། །གསང་བའི་ཚེ་གཏེར་འཛིན་དང་བཞི། །ཐུགས་ཀར་འཕྲོས་ནས་དེ་བཞིན་དུ། །ཚོམ་བུ་རིམ་གྱིས་
D830.097.0331b06.01སྤྲོས་ནས་ནི། །དཀར་དམར་འོད་ཀྱིས་བདག་ལ་བསྟིམས། །སྐྱེ་མེད་དབྱིངས་སུ་སྦས་ནས་ནི། །མི་འགྱུར་ཕྱག་རྒྱས་གདབ་པར་བྱ། །ཡང་ན་ཏིང་འཛིན་ཁྱད་པར་གྱིས། །ལོ་འམ་ཟླ་བའི་མཐའ་དག་ཏུ། །སྐྱ་རེངས་འཆར་བའི་དུས་སུ་ནི། །ཕྱག་རྒྱ་ཆེན་པོས་
D830.097.0331b07.01