完整藏文原文 · 德格版页 当前仅加载第 97 函德格 331a 版页；藏文 NFD、目录标记与异常页序保留在来源切片中，重复版页行以稳定序号区分。
ཆག་རམས་བསྟོད་པའི་མཎྜལ་བཞི། །གྲུ་བཞིར་གཞི་ལས་སྤགས་པར་བྱ། །དེ་དག་མ་ཏང་གཟུགས་སུ་བྱ། །སྙིང་ག་མན་ཆད་དབུས་སུ་བསྣོལ། །མཎྜལ་ཆེན་པོའི་འོག་ཏུ་གཞུག །དབུས་སུ་འཁོར་ལོའི་ཐིག་བཏབ་ལ། །དཔལ་
D830.097.0331a01.01ཆེན་ལྔ་ཡི་ཕྱག་རྒྱ་གཞག །བར་ཁྱམས་གཉིས་ཀྱིས་མཛེས་པ་ལ། །གནས་དང་ཡུལ་གྱི་ཕྱག་རྒྱ་དགོད། །སྒོ་བཞིར་སྒོ་སྲུང་དེ་བཞི་གཞག །ཡན་ལག་སྤྲུལ་པའི་མགོ་བརྙན་གནས། །ཕྱི་རོལ་ཁྱམས་ལ་མེ་རིར་བྱ། །དེ་མཐའ་ཐོད་པ་ཚར་
D830.097.0331a02.01གསུམ་བལྟམས། །དེ་ཡི་ཕྱི་རིམ་མེ་བུར་འཚུབ། །གུ་གུ་ཐུལ་དང་ཟ་ར་ཚགས། །ཞིང་དང་སྦྲུལ་ཆུན་སྒོ་ཁྱུད་ལ། །བན་དྷ་སྙིང་པོར་བཅས་པ་དག །སོ་སོའི་གནས་སུ་དེ་བཞིན་གཞག །རྡོ་རྗེའི་དབྱིབས་སུ་བརྩིགས་པའི་ཐབ། །ཟུར་བཞི་ཁ་བཞི་དག་ལ་བྱ། །སྙིང་གར་འཁོར་
D830.097.0331a03.01ལོའི་ཐབ་ཏུ་བྱ། །རིགས་དང་མཐུན་པའི་ཡམ་ཤིང་བརྩིག །ཧོམ་ལྔ་འབྲེལ་པའི་ལས་ཆེན་ལ། །ཐབ་ཁུང་ལྔ་ཡི་བྱེ་བྲག་ཏུ། །རྒྱུད་དྲུག་ཡམ་ཤིང་སྤུངས་པ་ལས། །ཡེ་ཤེས་ལྔ་ཡི་མེ་ཀློང་དུ། །ཉོན་མོངས་ལྔ་ཡི་བསྲེག་སྦྱང་ཐིམ། །བྱ་བར་འོས་པ་
D830.097.0331a04.01མཐའ་དག་ཀུན། །རྣལ་འབྱོར་ཅན་གྱིས་ཅི་རིགས་བྱ། །ཞེས་གསུངས་སོ། །དེ་ལ་འདི་ནི་མ་ཏང་འགྲེང་བུ་གནོན་པའི་ཐབས་སོ། །དཀྱིལ་འཁོར་མ་ཏང་གཟུགས་སུ་བྱ། །མགོ་བོ་ལྷོ་ནུབ་མཚམས་སུ་བསྟན། །མགོ་ལུས་ཡན་ལག་རྣམས་ལ་ནི། །
D830.097.0331a05.01མཎྜལ་བཅུ་གཅིག་རབ་ཏུ་བྱ། །ཞལ་དུ་ཧོམ་ཁུང་གྲུ་གསུམ་ལ། །ཡམ་ཤིང་དག་གིས་བརྫངས་ནས་ནི། །སྦྱིན་སྲེག་ཧོམ་གྱི་ལས་རྣམས་བྱ། །སྙིང་གར་གྲུ་གསུམ་རྩེ་གསུམ་ལ། །བང་རིམ་གསུམ་པར་བྱས་ནས་ནི། །ཕུར་བུ་ཉི་ཤུ་རྩ་གསུམ་དགོད། །
D830.097.0331a06.01ཞེ་སྡང་རྡོ་རྗེའི་ཏིང་འཛིན་བྱ། །ལྟེ་བར་གྲུ་གསུམ་མཐིང་ནག་ལ། །ཟུར་ལ་ཐོད་པ་ཚར་གསུམ་བྲི། །གཞུ་བདུན་དགྲ་སྟ་བརྒྱད་ཀྱང་དགོད། །ཕུར་བུ་དགུ་དང་ཁ་ཊྭཱཾ་དགུ། །རྩང་དམར་དྲུག་ཅུ་རྩ་བརྒྱད་དགོད། །ཡུམ་གྱི་མཁའ་རུ་བསྒོམས་ནས་སུ། །གཟིར་
D830.097.0331a07.01