完整藏文原文 · 德格版页 当前仅加载第 97 函德格 335a 版页；藏文 NFD、目录标记与异常页序保留在来源切片中，重复版页行以稳定序号区分。
མདོར་ན་ཐུགས་ཀྱི་དམ་ཚིག་ནི། །སྲིད་གསུམ་སེམས་ཅན་ཐམས་ཅད་ཀྱི། །སེམས་རྟོག་རྣམ་པ་ཐམས་ཅད་ཀུན། །སྐྱེ་མེད་དབྱིངས་ལས་མ་གཡོས་ཀྱང་། །སོ་སོར་རྟོགས་པ་ཐུགས་ཉིད་སྣང་། །སྣང་ཉིད་དབྱིངས་ལས་མི་འདའ་བར། །
D830.097.0335a01.01རྟོགས་པ་ཐུགས་སུ་རྒྱལ་བས་གསུངས། །དེ་ནི་རྩ་བའི་དམ་ཚིག་གི། །མདོ་ཉིད་རྒྱས་པར་བཤད་པ་ཡིན། །རྩ་བའི་དམ་ཚིག་གི་མདོ་རྒྱས་པར་བཤད་པའོ། །མི་སྤོང་དམ་ཚིག་ཅེས་བྱ་བ། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་ལྔ་རྣམས་
D830.097.0335a02.01ནི། །རིགས་ལྔའི་སངས་རྒྱས་ངོ་བོ་སྟེ། །ཡེ་ཤེས་ལྔ་ཡི་རང་བཞིན་པས། །སྤངས་ན་རྣལ་འབྱོར་དོན་དང་འགལ། །མི་དོར་དང་དུ་བླང་བ་ནི། །དྲི་ཆེན་དྲི་ཆུ་རཀྟ་དང་། །མྃ་ས་དང་ནི་ཟིལ་པ་ལྔ། །འབྲས་བུ་ལྔ་ཡིས་བསྡུས་པ་རྣམས། །རྣལ་འབྱོར་པས་ནི་
D830.097.0335a03.01རྟག་ཏུ་བཟའ། །འདི་ཡང་དམ་ཚིག་རྨད་པོ་ཆེ། །སྤྱད་པར་བྱ་བའི་དམ་ཚིག་ནི། །སྦྱོར་དང་སྒྲོལ་དང་མ་བྱིན་ལེན། །{བརྫུན་,རྫུན་}དང་ངག་རྩུབ་སྨྲ་དང་ལྔ། །དོན་དམ་སྐྱེས་བུས་སྤྱད་པར་བྱ། །ཤེས་པར་བྱ་བའི་དམ་ཚིག་ནི། །ཕུང་པོ་ལྔ་དང་འབྱུང་བ་ལྔ། །དབང་པོ་
D830.097.0335a04.01ཡུལ་ལྔ་ཁ་དོག་ལྔ། །རིགས་ལྔ་ཡེ་ཤེས་ལྔ་ཉིད་དུ། །དོན་ལྡན་སྐྱེས་བུས་ཤེས་པར་བྱ། །ལུང་དང་ལྡན་པའི་རྣལ་འབྱོར་པས། །གྲུབ་པར་བྱ་བའི་དོན་ཆེན་ཡང་། །སངས་རྒྱས་ལྔ་ལས་གཞན་མི་བསྒྲུབ། །གྲུབ་པར་བྱ་བའི་དམ་ཚིག་སྟེ། །འདི་དག་བསྲུང་
D830.097.0335a05.01བར་རབ་ཏུ་གཅེས། །དེ་ཡང་ཅི་ཕྱིར་བསྲུང་ཞེ་ན། །འདོད་ཆགས་རང་དང་སྤྱིར་སྣང་བ། །ཆགས་ཤིང་ཞེན་པ་ཐམས་ཅད་ཀུན། །པདྨ་རིགས་ཀྱི་ངོ་བོ་ཡིན། །ཞེ་སྡང་དེ་བཞིན་རྡོ་རྗེའི་རིགས། །གཏི་མུག་སངས་རྒྱས་ཡིན་པར་གསུངས། །ང་རྒྱལ་ཡིད་བཞིན་
D830.097.0335a06.01ནོར་བུ་སྟེ། །ཕྲག་དོག་ཞེས་བྱ་ལས་སུ་བཤད། །དེ་བས་སྤང་བར་བྱ་བ་མིན། །དྲི་ཆེན་སྣང་མཛད་གཙོ་བོ་ཡིན། །དྲི་ཆུ་གདོན་མི་ཟ་གྲུབ་པ། །རཀྟ་སྣང་བ་མཐའ་ཡས་སྐུ། །མྃ་ས་རིན་ཆེན་འབྱུང་ལྡན་གཙོ། །བྱང་ཆུབ་སེམས་ནི་རྡོ་རྗེ་སེམས། །དེས་ན་དང་དུ་
D830.097.0335a07.01