完整藏文原文 · 德格版页 当前仅加载第 97 函德格 352b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཡོ་བྱད་ཅི་ཡོད་པ་རྒྱལ་པོའི་སྤྱན་སྔར་ཕུལ་ཏེ་རྒྱལ་པོ་གནས་པའི་ཡུལ་ཕྱོགས་སུ་ཡིད་ཀྱིས་ཕྱོགས་ཏེ་སྨོན་ལམ་བཏབ་ཅིང་རྗེས་སུ་ཡི་རང་བར་བྱས་སོ། །དེའི་རྣམ་པར་སྨིན་པས་རྒྱལ་པོ་དང་བྲམ་ཟེ་གཉིས་འབྲས་བུ་མཐོ་དམན་མེད་པར་ཐོབ་པ་བཞིན་དུ་
D830.097.0352b01.01ཤེས་པར་བྱའོ། །ཡང་སྨྲ་བའི་སེང་གེས་གསོལ་པ། གསང་བའི་ཐེག་པ་འདིའི་བསླབ་པ་མཐར་ཕྱིན་པ་འདི་ཡོན་ཏན་གྱི་ཁྱད་པར་ཇི་ལྟ་བུ་ལགས། གསང་བ་མཆོག་གི་བདག་པོས་བཀའ་སྩལ་པ། གསང་བའི་ཐེག་པ་འདི་འདིའི་བསླབ་པ་
D830.097.0352b02.01མཐར་ཕྱིན་པའི་ཆེ་བའི་ཁྱད་པར་གྱིས་ཐེག་པ་མཐའ་དག་གི་བསླབ་པ་ཡང་མཐར་ཕྱིན་ཅིང་ལུང་བསྟན་པ་ཡང་ཐོབ་པར་འགྱུར་རོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་སུ་ང་དྲན་པ་ཐོག་མའི་ཚེ་བྲམ་ཟེའི་བུ་གསལ་སྦྱིན་ཞེས་
D830.097.0352b03.01བྱ་བས་གསང་བ་ཆེན་པོ་འདིའི་བསླབ་པ་མཐར་ཕྱིན་ཏེ། རང་གི་སེམས་གོམས་པར་བྱས་པས་ཐེག་པ་མཐའ་དག་གི་བསླབ་པ་མཐར་ཕྱིན་ཅིང་། དེ་ཉིད་དུ་བར་སྣང་ལས་ལུང་བསྟན་པའི་སྒྲ། རིགས་ཀྱི་བུ་ཁྱོད་དུས་ཕྱི་མའི་ཚེ་ཆོས་ཀྱི་རྒྱལ་པོ་ཆེན་
D830.097.0352b04.01པོར་གྱུར་ནས། ཞིང་ཁམས་རྣམ་པར་དག་པ་ཞེས་བྱ་བར་སངས་རྒྱས་ནས། སྨྲ་བའི་སེང་གེ་ཞེས་བྱ་བར་གྲགས་པར་འགྱུར་རོ་ཞེས་བྱ་བར་ལུང་བསྟན་པ་དེ་བཞིན་དུ་ཤེས་པར་བྱའོ། །ཡང་སྨྲ་བའི་སེང་གེས་གསོལ་པ། ཚོགས་ཆེན་པོ་གཅིག་
D830.097.0352b05.01གི་བསོད་ནམས་ཀྱི་ཁྱད་པར་ཇི་ལྟ་བུ་ལགས། གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེ་སོ་སོའི་སྐྱེ་བོའམ། ཉན་ཐོས་སམ། རང་སངས་རྒྱས་སམ། ས་ལ་གནས་པའི་བྱང་ཆུབ་སེམས་དཔའ་སངས་རྒྱས་ཀྱི་ཞིང་
D830.097.0352b06.01ཡོངས་སུ་གང་བ་སྙེད་ལ་སྦྱིན་མཆོད་སངས་རྒྱས་ཀྱི་ཞིང་བྱུར་བུར་གཏམས་པས་བསྐལ་པའམ། བསྐལ་པ་གྲངས་མེད་པར་བྱིན་པའི་བསོད་ནམས་ཀྱིས་ནི་རྣལ་འབྱོར་གཅིག་ལ་ཚོགས་གཅིག་སྐད་ཅིག་ཏུ་མཆོད་པ་རྒྱ་ཆེར་བྱས་པའི་བསོད་ནམས་དང་ཡེ་ཤེས་
D830.097.0352b07.01