完整藏文原文 · 德格版页 当前仅加载第 97 函德格 314b 版页；藏文 NFD、目录标记与异常页序保留在来源切片中，重复版页行以稳定序号区分。
འཁྲིལ་བའི་ཚུལ་གྱིས་རྣམ་པར་གནས་པ་དང་། དགྱེས་ཏེ་ཧ་ཧ་ཞེས་བརྗོད་པས་བྱང་ཆུབ་སེམས་ལས་དཀར་མོའི་ཚོགས་དང་། རྐུན་མོའི་ཚོགས་དང་། སྤོས་མོའི་ཚོགས་དང་། གཏུམ་མོའི་ཚོགས་དང་། རྨོངས་མོའི་ཚོགས་དང་། ཐལ་བྱེད་མའི་ཚོགས་དང་།
D830.097.0314b01.01སྨེ་ཤ་ཅན་གྱི་ཚོགས་དང་། མ་མོའི་ཚོགས་རྣམས་འཐོན་ཏོ། །དེ་ནས་ཡང་དགྱེས་ཏེ་ཧེ་ཧེ་ཞེས་བརྗོད་པས་བྱང་ཆུབ་སེམས་ལས་སེང་གདོང་གི་ཚོགས་དང་། སྟག་གདོང་གི་ཚོགས་དང་། ཝ་གདོང་གི་ཚོགས་དང་། ཁྱི་གདོང་གི་ཚོགས་དང་།
D830.097.0314b02.01བཞད་གདོང་གི་ཚོགས་དང་། དུར་བྱའི་གདོང་གི་ཚོགས་དང་། བྱ་རོག་གི་གདོང་གི་ཚོགས་དང་། འུག་པའི་གདོང་གི་ཚོགས་རྣམས་འཐོན་ཏོ། །དེ་ནས་ཡང་དགྱེས་ཏེ་ཕཊ་ཅེས་བརྗོད་པས་བྱང་ཆུབ་སེམས་ལས་རྟ་གདོང་གི་ཚོགས་དང་།
D830.097.0314b03.01ཕག་གདོང་གི་ཚོགས་དང་། སེང་གདོང་གི་ཚོགས་དང་། སྦྲུལ་གདོང་གི་ཚོགས་འཐོན་ནས་ཉི་ཤུ་རྩ་བརྒྱད་འཁོར་དང་བཅས་པ་རྣམས་རང་རང་གི་གདན་ག་ལ་བ་དེར་ཡུད་ཙམ་གྱིས་ཕྱིན་པར་ཕཊ་ཅེས་སྤྲོས་སོ། །དེའི་ཚེ་འཇིག་རྟེན་གྱི་ཁམས་མཐའ་ཡས་མུ་མེད་
D830.097.0314b04.01པ་རྣམས་ན་དྲེགས་པ་གང་ཇི་སྙེད་ཡོད་པ་ཐམས་ཅད་ཚུལ་ཇི་ལྟར་འདུལ་བ་དང་། ཐབས་ཅིས་འདུལ་བ་སྣ་ཚོགས་ཀྱིས་བཅོམ་ལྡན་འདས་ཀྱི་མཐུས་བཏུལ་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཁྲོ་བོ་དེ་དག་ལ་དྲེགས་པའི་ཚོགས་སླར་གསོལ་ཅིག་ཅེས་
D830.097.0314b05.01བཀའ་སྩལ་པས། ཁྲོ་བོ་དེ་དག་གིས་གསོལ་པ། བཅོམ་ལྡན་འདས་ཉིད་ཀྱིས་གསོ་བར་གསོལ་ཞེས་པ་དང་། བཅོམ་ལྡན་འདས་ཉིད་ཀྱིས་ཁྲོ་བོ་དེ་དག་གཅིག་ཏུ་ཧཱུྃ་ཞེས་པས་བསྡུས་ཏེ། དབུ་དགུ་ཕྱག་{བཅྭ་,བཅོ་}བརྒྱད་པའི་ཚུལ་དུ་རྣམ་པར་གནས་སོ། །དེ་ནས་ཡེ་
D830.097.0314b06.01ཤེས་རྔམ་པའི་རྒྱལ་པོ་དེས་ཕྱག་བཅོ་བརྒྱད་བསྣོལ་ཏེ་བཙིར་བས་མི་གཙང་བའི་འདམ་ཆེན་པོར་འཁྱིལ་ཏོ། །དེ་ནས་བདུད་རྩི་འབྱུང་བའི་ཏིང་ངེ་འཛིན་ལ་ཞུགས་ནས་བདུད་རྩི་འབྱུང་ཞེས་བྱ་བ་གནམ་ནས་རྣམ་པར་ཕྱུང་ངོ་། །ཨོྃ་བཛྲ་ཨ་མྲྀ་ཏམ་ཧཱ་ཀྲོ་དྷི་ཤྭ་རི་
D830.097.0314b07.01