完整藏文原文 · 德格版页 当前仅加载第 97 函德格 356b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་ཡང་དག་པའི་དོན་གླེངས་པ་ལས། ལྷ་སྦྱིན་འཁོར་དང་བཅས་པ་གླེང་བསླང་བ་མི་དགའ་ཞིང་། ངན་སེམས་ཀྱི་ཕྲག་དོག་སྐྱེས་ནས་རང་གི་གནས་སུ་བྱོལ་ཏེ། དེ་དག་ལ་མི་སྙན་པར་བརྗོད་པས་དེའི་རྣམ་པར་སྨིན་པས་ཡང་དག་པའི་དོན་ལས་
D830.097.0356b01.01གོལ་ཏེ། གནོད་སྦྱིན་ཁ་འབར་མའི་གནས་སུ་སྐྱེས་སོ། །དེ་བས་ན་དེ་བཞིན་དུ་ཤེས་པར་བྱའོ། །ཡང་སྨྲ་བའི་སེང་གེས་གསོལ་པ། གལ་ཏེ་གང་ཟག་ལ་ལ་དག་དོན་དང་ལྡན་པའི་རྣལ་འབྱོར་ལ་མངན་སེམས་ཀྱིས་སྒྲོ་སྐུར་འདེབས་པ་དེའི་རྣམ་
D830.097.0356b02.01པར་སྨིན་པ་ཇི་ལྟ་བུ་ལགས། གསང་བ་མཆོག་གི་བདག་པོས་བཀའ་སྩལ་པ། དོན་དང་ལྡན་པའི་སྐྱེས་བུ་ལ་མངན་སེམས་ཀྱིས་ཕྱིར་འདོགས་པ་ནི་མནར་མེད་པར་ལྟུང་སྟེ། ལྕེ་ལ་ཐོང་གཤོལ་འབར་བ་ལྔ་བརྒྱས་འདྲ་ལ་བར་འགྱུར་རོ། །དེ་
D830.097.0356b03.01ཡང་ཇི་ལྟར་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ། རྣལ་འབྱོར་དོན་དང་ལྡན་པ་རྣམ་པར་དག་པའི་བློ་གྲོས་ཞེས་བྱ་བ་ལ། མི་འཇིགས་བློ་གྲོས་ཞེས་བྱ་བ་དོན་དང་མི་ལྡན་པ་ཞིག་གིས། རྣམ་པར་དག་པའི་བློ་གྲོས་
D830.097.0356b04.01སྡེ་མང་པོ་སྐྱོང་བའི་སར་མི་འཇིགས་བློ་གྲོས་འོངས་ཏེ། མངན་སེམས་ཀྱིས་སྒྲོ་སྐུར་མང་པོ་བཏབ་པས་དེའི་རྣམ་པར་སྨིན་པས་མི་འཇིགས་བློ་གྲོས་མནར་མེད་པར་ལྟུང་ནས། ལྕེ་ལ་ཐོང་གཤོལ་འབར་བ་ལྔ་བརྒྱས་རྨོད་པར་གྱུར་ཏོ། །དེ་བས་
D830.097.0356b05.01ན་དེ་བཞིན་དུ་ཤེས་པར་བྱའོ། །ཡང་སྨྲ་བའི་སེང་གེས་གསོལ་པ། གང་ཟག་ལ་ལ་དག་གིས་ཤེས་རབ་ཀྱི་རྣལ་འབྱོར་ཁོང་དུ་མ་ཆུད་པར། སྒྲ་ཐོས་པ་ཙམ་གྱིས་གཞུང་སྤྱད་ན་ཇི་ལྟ་བུར་འགྱུར་བ་ལགས། གསང་བ་མཆོག་
D830.097.0356b06.01གི་བདག་པོས་བཀའ་སྩལ་པ། སྒྲ་ཕྱིར་འབྲེང་བའི་རྣལ་འབྱོར་དེ་ནི་ལོང་བའི་འདུ་ཤེས་ཐོབ་པར་འགྱུར་རོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ། རྒྱལ་པོ་རབ་གསལ་འཛིན་
D830.097.0356b07.01