完整藏文原文 · 德格版页 当前仅加载第 97 函德格 327b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལ་འདི་ནི་འཇིག་རྟེན་པའི་ལྷ་མཐུ་བོ་ཆེ་རྣམས་ཟིལ་གྱིས་གནོན་ཅིང་ཚིག་ཉན་པ་བསྒྲུབ་པའི་ཐབས་སོ། །ནམ་མཁའ་རྡོ་རྗེའི་དབུས་སུ་ནི། །ཉི་མའི་དཀྱིལ་འཁོར་དབུས་གནས་པར། །ཁམས་གསུམ་རྣམ་པར་རྒྱལ་བ་བསམ། །བྷི་ཞེས་བྱ་བའི་སྙིང་པོ་
D830.097.0327b01.01ཡིས། །མཐུ་ཆེན་རྣམས་ནི་དྲངས་ནས་སུ། །བསྡིགས་པ་དག་ཀྱང་བྱས་ནས་ནི། །ཟིལ་གྱིས་གནོན་ཅིང་ཉན་པར་འགྱུར། །ཞེས་གསུངས་སོ། དེ་ལ་འདི་ནི་ལྷ་མོ་ཙུན་དྷ་བསྒྲུབ་པའི་ཐབས་སོ། །སྔགས་ཀྱི་བདག་པོར་བདག་གནས་པའི། །སྙིང་གར་ཉི་མའི་
D830.097.0327b02.01དཀྱིལ་འཁོར་ལ། །ཙྃ་ཞེས་བྱ་བའི་འཕྲོ་འདུ་ལས། །བདག་ཉིད་ཙུན་དྷའི་གཟུགས་སུ་བསྒྱུར། །རྣམ་པའི་མཆོག་རྣམས་ཀུན་ལྡན་པའི། །ཁ་དོག་དཀར་པོ་རབ་ཏུ་བསྒོམ། །འདི་ནི་ཆོས་དབྱིངས་བསྒྲུབ་པ་སྟེ། །བུད་མེད་ཐམས་ཅད་འགྲུབ་པར་འགྱུར། །
D830.097.0327b03.01ཞེས་བཤད་དོ། །དེ་ལ་འདི་ནི་ཛྃ་བྷ་ལ་ནོར་བསྒྲུབ་པའི་ཐབས་སོ། །ནམ་མཁའི་དཀྱིལ་འཁོར་དབུས་སུ་ནི། །སངས་རྒྱས་དཀྱིལ་འཁོར་བསྒོམ་པར་བྱ། །སྙིང་གར་ཛྃ་གྱི་འཕྲོ་འདུ་ལས། །ཛྃ་བྷ་ལ་ཡི་གཟུགས་དག་གིས། །བར་སྣང་ཁམས་ཀུན་གང་བ་ནི། །
D830.097.0327b04.01མདོག་སྔོན་ཐོར་ཚུགས་ཀྱིས་བརྒྱན་པ། །གསུས་པོ་ཆེ་ལ་མི་ཐུང་གཟུགས། །ཡིད་བཞིན་ནོར་བུ་ཐོགས་པ་ཡིས། །དབུལ་བ་ཐམས་ཅད་སེལ་བར་བསམ། །འདོད་པ་ལ་ནི་དེ་དག་དབ་བ། །དེས་ནི་དབུལ་བ་སེལ་བར་བྱེད། །ནོར་དང་གཏེར་གྱི་བདག་པོར་འགྱུར། །
D830.097.0327b05.01ཞེས་གསུངས་སོ། །དེ་ལ་འདི་ནི་རྡོ་རྗེ་ཨཉྫ་ན་བསྒྲུབ་པའི་ཐབས་སོ། །ཤིང་གཅིག་དྲུང་ངམ་བཞི་མདོ་འམ། །མ་མོའི་གནས་སམ་ཞི་གནས་སུ། །རྡོ་རྗེ་ཨཉྫ་བསྒྲུབ་པར་བྱ། །པདྨ་བན་དྷ་ཁ་སྦྱར་དུ། །ཚིལ་ཆེན་བཤང་གཅི་ཁུ་བ་དང་། །མ་ཧཱ་ར་ཀྟ་ལས་
D830.097.0327b06.01བྱུང་བའི། །དུ་བ་བན་དྷར་ཆགས་པ་དང་། །བཤང་གཅི་རཀྟས་སྦྲུས་ནས་ནི། །རིལ་བུ་ལྕགས་གསུམ་གྱིས་དཀྲིས་པ། །གསུམ་དུ་བྱས་ན་དེ་ཉིད་ལ། །རང་གི་གསང་སྔགས་བརྒྱ་རྩ་བརྒྱད། །ཉི་ཤུ་དགུ་ཡི་ནམ་ཕྱེད་ན། །བཏབ་ན་དངོས་གྲུབ་གྲུབ་འགྱུར་
D830.097.0327b07.01