完整藏文原文 · 德格版页 当前仅加载第 97 函德格 308a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོར་ཚུགས་ལ་སོགས་ཆ་ལུགས་ཀུན། །རང་བཞིན་ཀུན་རྫོབ་དཀྱིལ་འཁོར་འདི། །རྣལ་འབྱོར་རིག་པའི་རྩལ་ཡིན་ཏེ། །ནམ་མཁའི་དབྱིངས་ཀྱི་དབུས་སུ་བསུ་བསམ། །ཡང་ན་གཟུགས་བརྙན་དཀྱིལ་འཁོར་ལའོ། །ལྷག་པའི་ཏིང་འཛིན་ཞེས་
D830.097.0308a01.01བྱ་བ། །དེ་ལྟར་གསལ་བའི་རྣམ་པ་ཀུན། །ཡུམ་གྱི་མཁའ་ལས་གསལ་བར་བསྒོམ། །རྣལ་འབྱོར་རིག་པའི་ཁྱད་པར་རོ། །ཞེས་གསུངས་པས་འདུས་པའི་འཁོར་ཚོགས་ཐམས་ཅད་ཀྱིས་ཆོས་ཐམས་ཅད་ཏིང་ངེ་འཛིན་གྱིས་དབང་བསྒྱུར་བར་མཐོང་ངོ་། །
D830.097.0308a02.01འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་ཏིང་ངེ་འཛིན་གྱི་དཀྱིལ་འཁོར་རྣམ་པར་ཕྱེ་བའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོས་གཟུགས་བརྙན་ལྟ་བུ་རྣམ་པར་འཕྲོ་
D830.097.0308a03.01བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ལས་དང་པོ་པའི་རྣལ་འབྱོར་པ་ཡིད་ཆེས་པར་བྱ་བའི་ཕྱིར་འདུས་པའི་འཁོར་ཚོགས་རྣམས་ལ་བཀའ་སྩལ་པ། འདུས་པའི་འཁོར་ཚོགས་རྣམས་ཆོས་ཐམས་ཅད་ནི་གཟུགས་བརྙན་ལྟ་བུའི་རྣམ་པ་ཡིན་
D830.097.0308a04.01པར་ཤེས་པར་བྱའོ། །དེ་ཅིའི་ཕྱིར་ཞེ་ན། ཆོས་ཐམས་ཅད་ནི་གཟུགས་བརྙན་ལྟ་བུའི་རྣམ་པར་སྣང་ཞིང་དེ་ལས་མ་འདས་པའི་ཕྱིར་རོ། །དེ་བས་ན་གཟུགས་བརྙན་གྱི་དཀྱིལ་འཁོར་ཅི་འདྲ་བར་བྱ་ཡིས་ཉོན་ཅིག །དེ་ལ་འདི་ནི་རྒྱུད་ཀྱི་རྣམ་གྲངས་སོ། །མི་
D830.097.0308a05.01ཤེས་པ་ཡི་འགྲོ་བ་ལ། །མཚོན་པས་གསལ་བའི་དོན་སྟོན་ཕྱིར། །གཟུགས་བརྙན་དཀྱིལ་འཁོར་བཤད་པར་བྱ། །དེ་ཡང་ཇི་ལྟ་བུ་ཞེ་ན། །བརྟན་ཞིང་མཛེས་པའི་ཁང་བུ་ལ། །འཇམ་པོར་ཞལ་ཞལ་བྱས་ནས་ནི། །ཁ་དོག་ལྔ་ཡི་གཟུགས་བྲིས་པ། །
D830.097.0308a06.01དེ་ཡང་དངོས་གྲུབ་རྟེན་དུ་བཤད། །རས་སམ་གྲོ་ག་འམ་ཤིང་ཤུན་ནམ། །ཏ་ལའི་ལོ་མའམ་དུར་ཁྲོད་རས། །ཞིང་ཆེན་རས་ལ་སོགས་པ་ལ། །ཕྱག་རྒྱའི་གཟུགས་སུ་བྲིས་ན་ཡང་། །མཚན་མ་འབྱུང་བའི་རྟེན་དུ་བཤད། །རྡོ་དང་ཤེལ་རྡོ་ལ་
D830.097.0308a07.01