完整藏文原文 · 德格版页 当前仅加载第 97 函德格 306b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཐམས་ཅད་རང་བཞིན་གྱི་དཀྱིལ་འཁོར་དུ་ལྷུན་གྱིས་གྲུབ་བོ། །དེ་ནས་སྨྲ་བའི་སེང་གེ་ལ་སོགས་པའི་འདུས་པའི་འཁོར་ཚོགས་རྣམས་རང་རང་གི་བསམ་པ་རངས་པར་གྱུར་ཏེ། ཨ་ལ་ལ་ཞེས་བྱ་བའི་སྒྲ་ཕྱུང་ནས་མགྲིན་གཅིག་ཏུ་ཆེད་དུ་བརྗོད་པ་འདི་བརྗོད་དོ། །ཨ་ཧོ་
D830.097.0306b01.01དམིགས་དང་མི་དམིགས་བརྟན་གཡོ་ཆོས་ཀུན་ལྷུན་གྲུབ་དཔག་མི་ལང་། །རང་རིག་ཡོན་ཏན་དཔག་མེད་བསམ་ཡས་མང་པོ་དེ་ཀུན་བརྗོད་མི་ལང་། །གསང་སྔགས་རྒྱ་མཚོ་ཐུགས་རྗེ་བསམ་ཡས་བསམ་ཁྱབ་ཇི་སྙེད་དཔག་མི་ལང་། །སྤྲུལ་པ་རྒྱ་མཚོ་གང་གཱའི་
D830.097.0306b02.01བྱེ་སྙེད་འགྲོ་བ་ཆོས་སྟོན་ཞིང་ཁམས་ཁྱབ་ཅེས་ཆེད་དུ་བརྗོད་པ་ཆེད་དུ་བརྗོད་དོ། །ལེའུ་སྟེ་ལྔ་པའོ།། །།རང་བཞིན་གྱི་དཀྱིལ་འཁོར་བསྟན་པའོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་མི་གཡོ་བ་རྣམ་པར་འཕྲོ་བ་ཞེས་བྱ་བའི་ཏིང་ངེ་འཛིན་
D830.097.0306b03.01ལ་སྙོམས་པར་ཞུགས་ནས་ཏིང་ངེ་འཛིན་གྱི་དཀྱིལ་འཁོར་འདི་གསུངས་སོ། །འདུས་པའི་འཁོར་ཚོགས་རྣམས་ཆོས་ཐམས་ཅད་ཏིང་ངེ་འཛིན་གྱིས་དབང་བསྒྱུར་དུ་རུང་ཙམ་དུ་རྟོགས་ཤིག །དེ་ཅིའི་ཕྱིར་ཞེ་ན། ཆོས་ཐམས་ཅད་ནི་ཏིང་ངེ་འཛིན་ཇི་ལྟར་འདོད་པ་དེ་ལྟར་
D830.097.0306b04.01དབང་བསྒྱུར་བའོ། །འདུས་པའི་འཁོར་ཚོགས་འདི་ལྟ་སྟེ། གསང་སྔགས་ཡ་མཚན་ཆེན་པོ་འདི། །ཏིང་འཛིན་དཀྱིལ་འཁོར་བསམ་ཡས་ཀྱང་། །མདོར་བསྡུས་རྣམ་པ་གསུམ་ཡོད་དེ། །བསྒོམ་པའི་ཏིང་འཛིན་དཀྱིལ་འཁོར་དང་། །བསྐྱེད་དང་ལྷག་པའི་
D830.097.0306b05.01ཏིང་འཛིན་ནོ། །ཐོག་མའི་རྣལ་འབྱོར་ཉིད་བསྒོམས་ཏེ། །དཀྱིལ་འཁོར་ཡིན་པར་རྒྱལ་བས་གསུངས། །དེ་ཡང་ཇི་ལྟར་བསྒོམ་ཞེ་ན། །ཏིང་ངེ་འཛིན་ཀྱང་རྣམ་གསུམ་སྟེ། །དང་པོར་དེ་བཞིན་ཉིད་ཀྱི་དང་། །དེ་བཞིན་ཉིད་ལ་གནས་བཅའི་ཕྱིར། །སྟོང་པ་ཆེན་
D830.097.0306b06.01པོའི་ཏིང་འཛིན་བསྒོམ། །གཉིས་པ་ཀུན་སྣང་ནམ་མཁའི་ངང་། །སྙིང་རྗེ་ཡུམ་གྱིས་ཁྱབ་པའི་ཕྱིར། །མཚམས་སྦྱོར་ཆེན་པོའི་ཏིང་འཛིན་བསྒོམ། །གསུམ་པ་རང་གི་ས་བོན་ནམ། །རབ་ཏུ་བརྟན་པའི་ཡིག་འབྲུ་ཨ། །དེ་ལས་ཕྲ་མོ་ཨ་འཕྲོས་འདུས། །སྤྲོས་
D830.097.0306b07.01