完整藏文原文 · 德格版页 当前仅加载第 97 函德格 323a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་ཐམས་ཅད་ཀྱི། །སྒྲ་རྣམས་ཐམས་ཅད་ཇི་སྙེད་པ། །རྣ་བའི་དྲུང་དུ་འདོད་པ་བཞིན་ལ། །སྙིང་གི་བྱེ་བྲག་ཐམས་ཅད་ལ། །སངས་རྒྱས་སེམས་ཅན་ཐམས་ཅད་ཀྱི། །དྲན་པའི་མངོན་ཤེས་ཀུན་བསྡུས་ནས། །ཟོས་སམ་སྙིང་གར་
D830.097.0323a01.01བཞག་ན་ནི། །སངས་རྒྱས་སེམས་ཅན་ཐམས་ཅད་ཀྱི། ཐུགས་དང་སེམས་ཀྱི་རྒྱུད་དག་ནི། །མཁྱེན་ཅིང་རིག་པ་ཀུན་ཤེས་འགྱུར། །ཡུམ་གྱི་མཁའ་ལས་བྱུང་བ་ཡི། །རཀྟ་དག་ནི་ཐམས་ཅད་ལ། །སངས་རྒྱས་སེམས་ཅན་ཐམས་ཅད་ཀྱི། །གནས་
D830.097.0323a02.01རྣམས་མ་ལུས་ཀུན་བསྡུས་ནས། །ཟོས་སམ་སྙིང་གར་བཞག་ན་ནི། །སྔོན་གྱི་གནས་ཀྱི་གཏན་ཚིགས་རྣམས། །ཞག་གསུམ་ལོན་བཞིན་གསལ་བར་འགྱུར། །སྙིང་གར་ཡེ་ཤེས་སེམས་དཔའ་བསྒོམ། །ཕྱོགས་བཅུར་གནས་པའི་སངས་རྒྱས་རྣམས། །
D830.097.0323a03.01བཀུག་ནས་དེ་དག་རྫུ་འཕྲུལ་རྣམས། །ཕྲོགས་ནས་སྙིང་གར་བསྡུ་བྱས་ན། །སངས་རྒྱས་དག་ནི་ཐམས་ཅད་ཀྱི། །རྡོ་རྗེ་རྫུ་འཕྲུལ་ཐམས་ཅད་ཀུན། །འགྲུབ་པར་འགྱུར་བར་གདོན་མི་ཟ། །ཞེས་གསུངས་སོ། །དེ་ལ་འདི་ནི་རྡོ་རྗེ་བསྲུང་བ་བསྒྲུབ་པའི་ཐབས་སོ། །སྐུ་གསུང་
D830.097.0323a04.01ཐུགས་ནི་རྣམས་བསྒོམས་ལ། །སྙིང་གར་ཉི་ཟླའི་དཀྱིལ་འཁོར་ལས། །ཁྲོ་བོ་འོད་ཀྱི་ཕྲེང་བ་ཡིས། །བསྲུང་བར་བྱ་བའི་ཟུག་རྔུ་རྣམས། །ཕྱུང་སྟེ་མེད་པར་བསམས་ནས་ནི། །ལྷ་རྣམས་དག་ནི་ཐམས་ཅད་ཀྱི། ཕྱག་རྒྱ་དག་ནི་ཐམས་ཅད་དམ། །ཡང་ན་རྡོ་རྗེ་
D830.097.0323a05.01རྒྱ་གྲམ་མམ། །རྡོ་རྗེ་གོ་ཆའི་ཕྱག་རྒྱ་ཡིས། །ལུས་དང་ངག་སེམས་རབ་བསྲུངས་ན། །སངས་རྒྱས་ཀྱིས་ཀྱང་མི་ཚུགས་ན། །ཕལ་པ་རྣམས་ཀྱིས་སྨོས་ཅི་དགོས། །ཞེས་གསུངས་སོ། །ལས་འདི་སྦྱར་བར་བྱ་བ་ཡང་། །ལྗོངས་སམ་གྲོང་ཁྱེར་གྲོང་དག་ཏུ། །
D830.097.0323a06.01སྔགས་ཀྱི་བདག་པོར་རབ་གནས་ལ། །ནད་ཀུན་སྤོང་བའི་ལས་འདི་བྱ། །རྡོ་རྗེ་རྩེ་ལྔ་འོད་འཕྲོ་བ། །བསྐལ་པའི་མེ་བཞིན་བསམས་ནས་སུ། །སྤྲོས་པས་ནད་རྣམས་བསྲེགས་ནས་ནི། །སླར་ཡང་རྡོ་རྗེ་ཉིད་ལ་བསྡུ། །དེ་ནས་རྡོ་རྗེ་དེ་ཉིད་ལས། །འོད་ཟེར་
D830.097.0323a07.01