完整藏文原文 · 德格版页 当前仅加载第 97 函德格 357b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་གསང་བ་མཆོག་གི་བདག་པོས་ཞལ་འཛུམ་པ་མཛད་དེ། སྨིན་{རིངས་,རིང་}བསྒྱུར་ནས་བཙུན་མོ་རྔམ་པ་ཀྲོ་དྷའི་རྒྱལ་མོ་ལ་རྣམ་པར་འཇུག་པར་གྱུར་ཏོ། །དེའི་ཚེ་ཆོས་ཐམས་ཅད་གཉིས་སུ་མེད་པའི་བྱང་ཆུབ་ཀྱི་རང་བཞིན་དུ་གནས་པར་གྱུར་ཏེ།
D830.097.0357b01.01དེའི་ཚེ་བྱང་ཆུབ་སེམས་དཔའ་དེ་དག་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོས། བཙུན་མོ་བྱ་བ་མོ་ཀུན་དུ་བཟང་མོ་དང་གཉིས་སུ་མེད་པའི་དཀྱིལ་འཁོར་ལ་ཐིམ་པར་མཛད་དོ། །དེ་ནས་བཅོམ་ལྡན་འདས་གསང་བ་མཆོག་གི་བདག་
D830.097.0357b02.01པོས་སྨྲ་བའི་སེང་གེ་ལ་བཀའ་སྩལ་པ། སྨྲ་བའི་སེང་གེ་དང་ས་ཆོས་འདི་བསྡུས་ཏེ་བཤད་ཀྱིས་ཉོན་ཅིག །གསང་བ་ཆེན་པོའི་རང་བཞིན་ནི། །བསྐྱེད་པ་མེད་ཅིང་བསྒྲུབ་པ་མེད། །བསྒོམ་པ་མེད་ཅིང་གཟུགས་ཀྱང་མེད། །
D830.097.0357b03.01ཕྱག་རྒྱ་མེད་ཅིང་འཇུག་སྒོའང་མེད། །འདོད་པ་མེད་ཅིང་བསྲུང་བ་མེད། །བརྟུལ་ཞུགས་མེད་ཅིང་བསྲུང་བའང་མེད། །ཡེ་ནས་རྣམ་དག་བརྗོད་མེད་ཆོས། །སྐྱོན་དང་ཡོན་ཏན་དབྱིངས་སུ་དག །ངོ་བོ་ཉིད་ནི་བརྗོད་དུ་མེད། །
D830.097.0357b04.01དེ་ལ་གསལ་འདྲིས་གོམས་པར་བྱོས། །མེད་པའི་དོན་ལས་ཀུན་འབྱུང་བ། །གསལ་འདྲིས་གོམས་པ་བྱ་བའི་ཕྱིར། །སྨྲ་བའི་སེང་གེ་ཁྱོད་ཉིད་ཀྱིས། །ཚིག་དོན་མ་ལུས་ཐམས་ཅད་ཀུན། །ཤེས་རབ་བློ་ལ་གསལ་བསྡུས་
D830.097.0357b05.01ནས། །མི་ནུབ་རྒྱལ་མཚན་རྩེ་མོ་ལྟར། །ནན་ཏན་གྱིས་ནི་བརྩོན་འགྲུས་བྱའོ། །ཞེས་གཏད་དོ། །དེ་ནས་སྨྲ་བའི་སེང་གེས་ཨ་ལ་ལ་ཧོ་ཞེས་པའི་སྒྲ་ཕྱུང་སྟེ། ཡིད་ཀྱི་དཀྱིལ་འཁོར་པདྨོ་ལྟ་བུའི་སྒོ་ཕྱེ་སྟེ་གསང་བའི་དོན་འདི་
D830.097.0357b06.01ཉིད་ཐུགས་རིན་པོ་ཆེ་ལ་བཞག་སྟེ་གསུང་གི་དཀྱིལ་འཁོར་དུ་གནས་སོ། །དེ་ནས་སྨྲ་བའི་སེང་གེས་བཅོམ་ལྡན་འདས་གསང་བ་མཆོག་གི་བདག་པོ་དང་། གསང་བའི་མདོ་འདི་ཉིད་དང་། འདུས་པའི་འཁོར་ཚོག་རྣམས་ལ་བསྟོད་
D830.097.0357b07.01