完整藏文原文 · 德格版页 当前仅加载第 98 函德格 132b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། བཛྲ་སཏྭ་མཱ་ཡཱ་ཛ་ལ་གུ་ཧྱ་སརྦ་ཨཱ་དརྴ་ནཱ་མ་ཏནྟྲ། བོད་སྐད་དུ། རྡོ་རྗེ་སེམས་དཔའི་སྒྱུ་འཕྲུལ་དྲ་བ་གསང་བ་ཐམས་ཅད་ཀྱི་མེ་ལོང་ཞེས་བྱ་བའི་རྒྱུད། །ཨོྃ་རྣམ་པར་སྣང་མཛད་ལ་ཕྱག་འཚལ་ལོ། །ཧཱུྃ་མི་བསྐྱོད་པ་ལ་ཕྱག་
D833.098.0132b01.01འཚལ་ལོ། །ཨྃ་སྣང་བ་མཐའ་ཡས་ལ་ཕྱག་འཚལ་ལོ། །དེ་ནས་དཔལ་ལྡན་རྡོ་རྗེ་འཆང་། །རྒྱལ་བ་ཀུན་གྱི་གསང་བའི་བདག །ཀུན་གྱིས་དབང་བསྐུར་གཏེར་འཛིན་པས། །དགྱེས་ཤིང་སྤྱན་གདངས་གུས་བཅས་པས། །རྒྱལ་བ་ཀུན་ལ་བསྟོད་བསྐོར་ནས། །
D833.098.0132b02.01སྤྱན་སྔར་གུས་འདུག་འདི་སྐད་གསོལ། །ཨེ་མའོ་སངས་རྒྱས་ཀུན་གྱི་གསུང་། །རྟོག་པ་ཀུན་གྱི་རྒྱལ་པོ་སྟེ། །ཆོ་ག་རྒྱས་པར་བསྟན་པའི་རྒྱུད། །དྲི་མེད་ཟབ་མོ་བརྟག་དཀའ་བ། །འདུལ་བ་མདོ་སྡེ་ཆོས་མངོན་དང་། །དམ་ཚིག་བསྒྲུབ་དང་གྲུབ་པ་དང་། །སྐུ་གསུང་
D833.098.0132b03.01ཐུགས་ཀྱི་ཆོ་གའི་རྒྱུད། །མ་ལུས་གཏན་ལ་འབེབས་པ་འདི། །རྡོ་རྗེ་སེམས་དཔའ་ཇི་ལྟར་ལགས། །སྒྱུ་འཕྲུལ་གང་གིས་བསྟན་པ་དེ། །དྲ་བའི་རྒྱུད་དེ་གང་ཕྱིར་བསྟན། །ལུང་ནི་གང་ཕྱིར་བརྗོད་པ་ཉིད། །གང་ཕྱིར་སྤྱི་ཞེས་བྱ་བར་བཤད། །གསང་བ་ཞེས་ནི་ཇི་ལྟ་
D833.098.0132b04.01བུ། །སྙིང་པོའི་དོན་ནི་ཅི་ཡི་ཕྱིར། །དེ་ཁོ་ཉིད་ཅེས་ཇི་ལྟར་བརྗོད། །ངེས་པ་ཞེས་པ་ཅི་ཡི་ཕྱིར། །མཚན་འདི་གང་ཟག་གང་ལ་གསུངས། །མཚན་གྱི་དྲི་བ་དྲིས་པའོ། །ཐུན་མོང་ཁྱད་པར་ཚུལ་ཉིད་ཀྱི། །སྟོན་པ་ཞེས་ནི་ཅི་ཡི་ཕྱིར། །གནས་དང་འཁོར་ནི་ཇི་ལྟ་བུ། །
D833.098.0132b05.01དུས་དང་སྡུད་པ་ཇི་ལྟ་བུ། །མི་བསྐྱོད་པ་ནི་ཇི་ལྟར་བྱ། །རྣམ་པར་སྣང་མཛད་ཇི་ལྟར་བརྗོད། །རིན་ཆེན་འབྱུང་ལྡན་གང་གི་ཕྱིར། །སྣང་བ་མཐའ་ཡས་གང་གི་ཕྱིར། །དོན་ཡོད་གྲུབ་པ་ཇི་ལྟ་བུ། །སྤྱན་དང་ནམ་མཁའི་དབྱིངས་མ་དང་། །གོས་དཀར་མོ་དང་མཱ་མ་ཀཱི། །
D833.098.0132b06.01སྒྲོལ་མ་ཞེས་པ་གང་གི་ཕྱིར། །ས་ཡི་སྙིང་པོ་ཅི་ཡི་ཕྱིར། །ནམ་སྙིང་སྤྱན་རས་གཟིགས་དབང་དང་། །ཕྱག་ན་རྡོ་རྗེ་གང་ཕྱིར་བརྗོད། །སྒེག་མོ་ཕྲེང་དང་གླུ་གར་ཅི། །བྱམས་དང་སྒྲིབ་སེལ་ཀུན་བཟང་དང་། །འཇམ་དཔལ་ཞེས་པ་ཅི་ཡི་ཕྱིར། །དུས་བཞི་བདུག་སྤོས་མེ་ཏོག་
D833.098.0132b07.01