完整藏文原文 · 德格版页 当前仅加载第 98 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
ཆ་ཤས་བྲལ། །འདི་ནི་ཟག་མེད་རང་བྱུང་བ། །རྐྱེན་དང་བྲལ་བའི་བདེ་ཆེན་ཉིད། །དཔེར་ན་མེ་དང་ཚ་བའམ། །རྒྱ་མཚོ་དང་ནི་རླན་བཞིན་ནོ། །རླུང་དང་ཐིག་ལེ་རིག་པ་དང་། །ཚེ་དང་ལོངས་སྤྱོད་འབྱུང་བ་དང་། །འདོད་ལྔ་ཀུན་ལ་དབང་སྒྱུར་ཐོབ། །བདེ་བའི་ཕྱག་རྒྱ་
D833.098.0192b01.01ཆེན་པོ་ནི། །མ་ལུས་ཟག་མེད་ཐིག་ལེ་སྟེ། །རྒྱ་བྲལ་རིག་པའི་ཐིག་ལེ་ཉིད། །སྙིགས་མའི་ཟག་པ་རླུང་ཟད་པས། །ཏིང་འཛིན་བདེ་ཆེན་ཐིག་ལེར་གསལ། །རིག་པ་བདེ་ཆེན་རོར་གསལ་བས། །ཅི་མཐོང་བདེ་ཆེན་ཕྱག་རྒྱ་ཉིད། །འདུ་བས་སྒྱུར་བའི་སྤྱོད་ཡུལ་ལམ། །
D833.098.0192b02.01མུན་འགྱུར་དུག་རྩི་ཇི་བཞིན་དུ། །རྒྱ་དང་བྲལ་བའི་ཞིང་ཁམས་དག །བདེ་ཆེན་ཕྱག་རྒྱ་ཆེན་པོར་འགྱུར། །གང་དག་བསྒོམས་པའི་སྐྱེས་བུ་ནི། །ཐ་མལ་པ་དང་བརྐམ་ཆགས་པ། །རྣམ་པའི་སྤྲོས་པ་མ་ལུས་པ། །བསྒོམས་དང་ཆེད་དུ་མ་བྱས་པར། །བདེ་ཆེན་ཐིག་ལེར་ལྷུན་
D833.098.0192b03.01གྱིས་གྲུབ། །དཔེར་ན་ཆུ་དང་རླབས་བཞིན་ནམ། །རྒྱ་མཚོར་ཕྱིན་པའི་འདུ་ཤེས་ལྟར། །གོམས་པས་བདེ་ཆེན་གསལ་མཐར་ཕྱིན། །རྐྱེན་དང་གནོད་པ་མ་ལུས་པ། །རེག་དང་མཐོང་ཐོས་དྲན་པས་ཀྱང་། །བདེ་ཆེན་ཐིག་ལེ་ཉམས་སུ་འབར། །བསྐལ་པ་དུ་མར་གནས་གྱུར་
D833.098.0192b04.01ཅིང་། །འབྱུང་བ་ལྔ་དང་སྤྱོད་ཡུལ་ཀུན། །རང་ལུས་བདེ་བར་བསྲེ་བ་འགྲུབ། །གསང་བའི་ལམ་ལ་གོམས་བྱེད་ན། །མཚོན་བྱེད་རིག་པའི་བདེ་བ་ཡིས། །ལྷན་ཅིག་སྐྱེས་པའི་དགའ་བ་རྟོགས། །མཐར་ཕྱིན་ལམ་གྱི་རིམ་པ་འགྲུབ། །དབང་པོ་དར་ཞིང་ཆགས་པ་དང་། །བདེ་
D833.098.0192b05.01ཆེན་མོས་པའི་རྣལ་འབྱོར་པས། །ཨེ་དང་བྃ་ལ་གནས་པ་ཡི། །བྱང་ཆུབ་རྡོ་རྗེ་དྲིལ་ལས་འབྱུང་། །དངོས་པོ་ལྷན་ཅིག་སྐྱེས་པ་ཡིས། །མ་ལུས་བདེ་བར་རྟོགས་བྱས་ལ། །ཕྱི་ནང་སྦྱོར་བའི་ཆོ་ག་ཡིས། །གང་ཞིག་རྟགས་དང་ལྡན་པའི་ཚེ། །གསང་བའི་ཕྱག་རྒྱ་བཞི་ལྡན་པས། །
D833.098.0192b06.01བདེ་ཆེན་མཆོག་ལ་རོལ་པར་བྱ། །ཡེ་ཤེས་ཉི་ཟླ་མཉམ་ལྡན་པས། །རེ་དོགས་ཆད་པའི་ཐིག་ལེ་འབྱུང་། །ལྷུང་མེད་གནས་དང་ཐིམ་པ་དང་། །བདག་པོ་གདུང་ཅན་ཕྲད་པ་ལས། །ཉིན་མཚན་བྲལ་བའི་སྣང་བ་ལྟར། །དུས་གཅིག་ཉི་ཟླ་ཤར་བའི་ཚེ། །མ་ལུས་བདེ་བས་ཁྱབ་གྱུར་
D833.098.0192b07.01