完整藏文原文 · 德格版页 当前仅加载第 98 函德格 146b 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་མཉམ་པའི་ཤེས་རབ་ཐབས། །མི་ལྡན་གོང་མའི་འོད་ཀྱིས་སྤྱད། །བདག་དང་གཞན་གྱི་ནུས་པ་ཡིས། །མཉམ་ནས་ཚོགས་ལ་འཇུག་པར་བྱ། །ཡོ་བྱད་ལྔ་ལྡན་ཐོགས་མེད་པར། །ཆོ་གའི་རིམ་པ་ཇི་བཞིན་བརྩམ། །བྲོ་གླུ་གར་དང་ཏིང་འཛིན་བཅས། །བར་
D833.098.0146b01.01ཆད་མེད་པར་བསྒྲུབ་པར་བྱ། །གལ་ཏེ་འདོད་པ་མ་རྫོགས་པར། །སྒྱུ་མའི་ལུས་དེ་མ་བརྟན་ན། །ཡིད་ཀྱིས་རྡོ་རྗེ་གསུམ་གསལ་བས། །རྣམ་པར་སྨིན་པའི་རིག་འཛིན་དེ། །ཕྱིན་ཅད་འཇིགས་བྲལ་ཁྱུང་བཞིན་ནོ། །དེ་བས་འབྲེལ་པའི་སྤྱོད་ལྡན་ན། །དབང་སྒྱུར་ཟག་མེད་
D833.098.0146b02.01ས་ཐོབ་སྟེ། །བརྒྱ་དང་སྟོང་སོགས་འཇིག་བྲལ་ཞིང་། །གླིང་དང་འཇིག་རྟེན་བརྒྱ་སྟོང་དུ། །འདུལ་བའི་ཆོ་འཕྲུལ་མཐའ་ཡས་སྣང་། །འཇིགས་པ་མེད་ཅིང་མི་ལྡོག་ས། །དཔའ་བོ་རྫོགས་པའི་རྣལ་འབྱོར་པས། །གཞན་དོན་སྤྱོད་པའི་ཁྱད་པར་དག །འདུལ་བའི་དབང་
D833.098.0146b03.01ནི་སྣ་ཚོགས་ཀྱིས། །རྣམ་པར་བརྩེ་བ་སྣ་ཚོགས་སྤྲོ། །འདི་ནི་རྒྱལ་བ་ཐམས་ཅད་ཀྱི། །ཤེས་རབ་ཕྱི་ཡི་སྤྱོད་པ་སྟེ། །ཆོ་ག་རྒྱས་པར་བསྟན་པ་ཡིན། །དེ་ནས་གཞན་ཡང་བཤད་བྱ་བ། །ནང་དུ་འཇུག་པའི་རིམ་པ་ཡི། །སྤྱོད་པའི་ཁྱད་པར་ཆོ་ག་དག །དེ་ནས་རིམ་པ་འདི་དག་
D833.098.0146b04.01བཤད། །ལུས་ཅན་འགྲོ་བ་ཐམས་ཅད་ལ། །ཙཀྲ་བཞི་དང་སྐུ་གསུང་ཐུགས། །སྤོར་དང་འབར་མ་འཁྱིལ་པ་དང་། །འབྲེལ་དང་མ་འབྲེལ་ཁུག་པ་དང་། །འཛིན་དང་འཛག་དང་གནས་པ་དང་། །དེ་བཞིན་ཁྱབ་དང་འཁྲུལ་བའི་རྩ། །གང་དུ་རྒྱུ་དང་གནས་འཛིན་པས། །རྩ་ཞེས་དེ་ལ་
D833.098.0146b05.01མངོན་བཤད་དེ། །དེ་དག་རྒྱུ་དང་ལམ་འབྲས་དང་། །ཐབས་དང་ཤེས་རབ་གཉིས་མེད་པས། །བདེ་བ་ཆེན་པོ་སྐྱེད་པར་བྱེད། །གོང་དང་འོག་གི་རང་བཞིན་ལས། །སྤྱི་དང་ཁྱད་པར་ཁ་སྦྱོར་འབྱུང་། །ས་བོན་ཁྱབ་བྱེད་འཁོར་ལོ་ཡིས། །ཐམས་ཅད་ཁྱབ་ཅིང་འཛག་པའི་རྩ། །དངས་
D833.098.0146b06.01སྙིགས་རླུང་དང་འབྲེལ་བ་ཡིས། །གང་དེ་ཕོ་མོའི་བཅུད་རྐྱེན་གྱིས། །ཟག་དང་ཟག་མེད་བདེ་བ་སྐྱེད། །ལུས་ཀུན་ཁྱབ་པར་གནས་པ་ཉིད། །དངས་མ་ཐུར་གྱི་རླུང་དང་འགྲོགས། །གང་ན་སྒྲ་སྦྱོར་འཁོར་ལོ་ཅན། །དེས་ཀྱང་ཀུན་ཁྱབ་རྒྱུ་བ་ཅན། །འཁྲུལ་ཞིང་འཁོར་བས་
D833.098.0146b07.01