完整藏文原文 · 德格版页 当前仅加载第 98 函德格 146a 版页；藏文 NFD、目录标记与异常页序保留在来源切片中，重复版页行以稳定序号区分。
ངེས་མེད་རིམ་པ་དང་། །འཁོར་ལོ་ཞེས་བྱ་བཞི་རུ་གྱུར། །གང་གིས་གང་དེ་མ་བརྟེན་པར། །འཕྲོ་འདུ་བསྒོམས་པ་དོན་མེད་དེ། །སྐྱོན་བྲལ་གསལ་བརྟན་འདྲིས་པ་ཡིས། །གང་བསྒོམས་གསལ་བར་མངོན་དུ་འགྱུར། །ཐ་མལ་ཞེན་རྟོག་ཟློག་པ་དང་། །ལམ་གྱི་
D833.098.0146a01.01འབྲེལ་པར་བྱ་བ་དང་། །དངོས་གྲུབ་འབྲས་ལ་མྱུར་འཇུག་པས། །རྟགས་ཀྱི་ལྷ་ནི་བསྒོམ་པར་བྱ། །དེ་ལྟར་བརྟན་འགྱུར་གསལ་བ་ལ། །བདག་གཞན་ཕྱི་ནང་མ་ལུས་པའི། །སྒོ་གསུམ་སྐུ་གསུང་ཐུགས་གསལ་བས། །ཐུན་མོང་སྤྱོད་པ་རྣམ་བཅད་ལ། །སྒོ་གསུམ་མཉམ་
D833.098.0146a02.01བཞག་རྗེས་ཐོབ་མེད། །གང་གིས་དེ་ལྟར་གསལ་བྱའི་ཕྱིར། །ཕྱོགས་གཅིག་སྤྱོད་པ་བརྩམ་པར་བྱ། །དེ་ནས་རྩ་བ་གོམས་པ་དང་། །བསླབ་བྱ་ཁྱད་པར་མཐར་ཕྱིན་ལྟར། །གང་དེ་རིམ་པར་བསྟན་འཕེལ་ཕྱིར། །ཡན་ལག་སྤྲོས་པ་རྣམ་པར་བསྒོམ། །ལྷག་པ་བཅུ་གཅིག་
D833.098.0146a03.01དགུར་ལྡན་པའི། །གཅིག་ལས་རྒྱས་བསྡུས་ཕྱེ་བ་ཡིས། །འཁོར་ལོའི་རྩ་བ་ལྷ་དག་ཀྱང་། །ཡབ་ཡུམ་གནས་དགོད་གསལ་བར་བསྒོམ། །དེ་དག་ལྷག་པའི་ལྷ་དགུ་དག །ཡན་ལག་ཚུལ་དུ་སྤྲོས་ཏེ་བསྒོམ། །འདུལ་བ་གཉིས་ཀྱི་རང་བཞིན་གྱིས། །མཛེས་པའི་ཚུལ་དང་གདུག་
D833.098.0146a04.01པ་འདུལ། །ལྷ་དང་ཞལ་ཕྱག་དབུ་གྲངས་ཀྱང་། །རྩ་བ་ཡན་ལག་སྤྲོས་ཚུལ་གྱིས། །དཀྱིལ་འཁོར་གྲངས་དང་གང་སྦྱར་བའི། །རིམ་པར་སྤྲོས་ཤིང་བསྒོམ་པར་བྱ། །གྲངས་དང་གྲངས་མེད་ཚུལ་དག་གིས། །དཔག་ཚད་རྒྱང་གྲགས་མཁའ་དབྱིངས་སུ། །ཞི་དང་ཁྲོ་
D833.098.0146a05.01ལ་སོགས་པ་ཡི། །སངས་རྒྱས་སྤྲིན་ཚོགས་སྣ་ཚོགས་བསྒོམ། །དང་པོའི་བར་དང་ཐ་མའི་བར། །རིག་པའི་ཏིང་འཛིན་གསལ་བརྟན་ནས། །སྐུ་གསུང་ཐུགས་དང་ལྡན་པ་ཡི། །ཚོམ་བུ་རིམ་པར་བསྒོམ་པར་བྱ། །དགོན་པའི་རིམ་པའམ་ནགས་ཚལ་དང་། །ཆུ་འགྲམ་
D833.098.0146a06.01རི་རྩེ་དུར་ཁྲོད་དང་། །སྐྱོན་བྲལ་ཡོན་ཏན་རྫོགས་པ་སྟེ། །དགྲ་དང་ཕྱོགས་མཚམས་སྐྱོན་མེད་པའི། །བརྟག་པའི་རིམ་པ་ལྡན་པ་ཡིས། །ཤིས་དང་འཐད་པའི་ས་ཕྱོགས་སུ། །གཞལ་ཡས་རིམ་བརྩེགས་མཛེས་ལྡན་པ། །རྒྱན་དང་བཅས་པ་ལྡན་བྱས་ལ། །ཏིང་
D833.098.0146a07.01