完整藏文原文 · 德格版页 当前仅加载第 98 函德格 147a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་ལོ་སྟེ། །གསུང་གི་འཁོར་ལོ་ངག་གི་རྟེན། །རྫོགས་དང་མ་རྫོགས་གང་མི་གསལ། །སྒྲ་སྦྱོར་དག་དང་མ་དག་གྱུར། །བདེ་དང་སྙན་དང་མི་སྙན་དང་། །བྱ་དང་དྲི་ཟ་བུང་བ་དང་། །ཆགས་པའི་སྒྲ་ནི་སྣ་ཚོགས་བྱེད། །མདོག་དམར་ལུས་ཁྱབ་ཀླུ་ལ་སོགས། །ཨུ་
D833.098.0147a01.01ཐའི་རླུང་དང་འགྲོགས་ཏེ་གནས། །དྷརྨ་ཙཀྲ་སྲོག་གི་རྟེན། །མ་ལུས་གཞི་རྩ་ཀུན་གྱི་སྲོག །རྩ་བཞི་ཡན་ལག་བརྒྱད་དང་ལྡན། །དངས་མ་ལྔ་འདུས་ཀུན་གྱི་གཙོ། །ཕྱི་རིམ་རིན་ཆེན་སུལ་མང་འདྲ། །མི་ཤིགས་ཐིག་ལེ་བདེ་ཆེན་པོ། །རིན་ཆེན་ཕུང་པོ་ཟ་མ་ཏོག །སྣ་ཚོགས་ཡེ་ཤེས་ལྔ་ཡི་
D833.098.0147a02.01བདག །ཐུང་ངུ་ཨ་ཡི་རང་བཞིན་ཅན། །སྲོག་གི་རླུང་དང་འགྲོགས་ཏེ་གནས། །ཕྱི་རིམ་པདྨ་འདབ་བརྒྱད་དེ། །ཆོས་ཉིད་ཡེ་ཤེས་ཡོན་ཏན་དང་། །རང་རྒྱུད་བཞི་ལ་ཡན་ལག་བརྒྱད། །ཐུན་མོང་ཕྱི་ཡི་རིམ་པ་ཡིན། །འདི་ལ་རྩ་གསུམ་རིམ་པ་སྟེ། །ཟག་པའི་རྩ་དང་མངོན་ཤེས་རྩ། །ཆོས་
D833.098.0147a03.01ཉིད་རིམ་པ་གསུམ་དུ་གནས། །རླུང་ཡང་གཅིག་གམ་གཉིས་ཡིན་ཏེ། །དེ་ལས་བྱེ་བྲག་དཔག་མེད་པའོ། །གནས་པ་དང་ནི་རྒྱུ་བའི་རླུང་། །གནས་པ་སྲོག་དང་ཡེ་ཤེས་ཏེ། །རྒྱུ་བ་བཞི་ནི་མངོན་པར་བརྗོད། །ཕྱི་ནང་ཅན་དང་གྱེན་ཐུར་ཅན། །དེ་རེའང་དངས་སྙིགས་ཁྱད་པར་གྱིས། །
D833.098.0147a04.01རིམ་པ་བརྒྱད་དུ་མངོན་སྣང་ཡིན། །གཉིད་དང་འགྲོ་བའི་ས་བོན་གྱིས། །ཆགས་སྡང་དྲན་རྟོག་ཀུན་གྱི་གཞི། །གང་དུ་གནས་དང་གནས་མ་ཡིན། །རྒྱུ་ཞིང་འཕོ་བ་རླུང་གིས་ཏེ། །བདེ་དང་སྡུག་བསྔལ་ཇི་སྙེད་པ། །མྱོང་ཞིང་སྐྱེད་པར་བྱེད་པ་ཡིན། །འདི་ནི་གནས་དང་མི་གནས་ཀྱིས། །སྲོག་
D833.098.0147a05.01དབང་དྲན་པ་དབང་སྒྱུར་བས། །གནས་དང་འཕོ་བ་ཕ་རོལ་དག །གནས་པ་སྲོག་གི་རླུང་ཅན་ནོ། །གང་དུ་འཁྲུལ་པ་འཛེད་པ་ནི། །མ་ལུས་འགྱེད་ཅིང་སྤྲོ་བ་ཡི། །གྱེན་ཐུར་འཛེག་ཅིང་འགེངས་འབྱུང་བའི། །སྒོ་གཉིས་ལུས་ཀུན་ཁྱབ་པའི་རྩ། །དྲུག་ཅུ་རྩ་བཞི་སྙིང་པོ་ཅན། །ཕྱི་
D833.098.0147a06.01རིམ་བཞི་ཡི་རྒྱུན་དུ་འཁྱིལ། །དབུས་ནས་འཁྱིལ་པ་ཐིག་ལེའི་རྩ། །འཕེན་པ་བདེ་བའི་རླུང་དང་འགྲོགས། །གང་དུའང་འཁྲུལ་ཅིང་སྤྲུལ་པའི་ཕྱིར། །སྤྲུལ་པའི་འཁོར་ལོ་ཤེས་རབ་ཉིད། །དེ་འོག་གྲུ་གསུམ་འབར་བའི་རྩ། །གྱེན་དུ་འབར་དང་ཐུར་དུ་འཕྲོ། །འོད་ཀྱིས་འབར་
D833.098.0147a07.01