完整藏文原文 · 德格版页 当前仅加载第 98 函德格 184a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་གཏེར་ཁ་འབྱེད། །ཕྱི་ནང་རྒྱུ་བ་ཐིག་ལེར་བཅས། །སྙིང་ནས་བདེ་བར་འབར་གྱུར་ནས། །རང་ལུས་རྟགས་སུ་བདེ་ཆེན་འབར། །མངོན་ཤེས་རིན་ཆེན་རྩ་ལ་ཕོག །རིག་པའི་མངོན་ཤེས་ལྔ་རུ་འཆར། །དེ་ནས་མི་འགྱུར་སྟོང་པའི་རྩ། །འགྱུར་
D833.098.0184a01.01མེད་ཀུན་སྣང་རླུང་ལ་ཐིམ། །དམན་པས་མི་འགྲུབ་ཁྱད་པར་ཐབས། །གསང་བའི་ཐིག་ལེ་འབབ་ཞོན་གྱིས། །རྩ་བཅུད་ཏིང་འཛིན་འབྲེལ་བའི་སྟོབས། །བསྐལ་པ་དུ་མའི་སྟོབས་འགགས་ཏེ། །དངས་མའི་ཡེ་ཤེས་རླུང་དུ་གྲུབ། །ཕྱིན་པ་མེད་པར་མཐར་
D833.098.0184a02.01སོང་བ། །བདེ་ཆེན་གོམས་པའི་སྟོབས་ལས་གྱུར། །བཅུད་ལྔ་འདུས་པའི་ཐིག་ལེ་ནི། །རོ་ལྔ་འདྲེས་པའི་བདེ་ཆེན་དེ། །བསྒོམ་དང་མཐར་ཕྱིན་ཁྱད་པར་གྱིས། །བདེ་བ་ཆེན་པོ་རིགས་མཆོག་གནས། །དེ་ནས་གང་ཡིན་བརྗོད་བྱ་བ། །ཟབ་མོ་ཀུན་རྫོགས་བརྟུལ་
D833.098.0184a03.01ཞུགས་ཅན། །དབང་པོ་དར་ཞིང་སྨིན་པ་ཡི། །ཆགས་ཅན་ཉི་ཟླ་འཛིན་ནུས་པས། །སྤྱི་གཙུག་ཐིག་ལེའི་འཁོར་ལོ་དང་། །གསང་བའི་འོག་མིན་ནུས་ལྡན་པ། །འབྱོར་པའི་རྟེན་ཅན་འདི་ཉིད་གནས། །ཐབས་དང་རོལ་པའི་ཁྱད་པར་དང་། །ཏིང་འཛིན་རླུང་གི་
D833.098.0184a04.01དབང་ཐོབ་སྟེ། །འབྱུང་བཞི་སྙིགས་ཕྱེ་དངས་དུས་སུ། །ཉི་ཟླ་འདྲེས་པའི་གར་ཐབས་ཀྱིས། །ལྷ་མོ་རྣམས་དང་ལྷན་ཅིག་ཏུ། །རོལ་པའི་ཐབས་ཀྱིས་གང་རྩེན་པ། །བྱེ་བྲག་བརྒྱད་ཅུ་གཉིས་འདུས་པའི། །པདྨའི་སྙིང་པོ་ཀུན་བཀུག་སྟེ། །ཐིག་ལེ་དཔའ་བོ་ལྔ་ཡི་
D833.098.0184a05.01སྟོབས། །མི་སྡོད་འཕྲོ་བའི་རང་བཞིན་ཉིད། །ཐབས་དང་ལྡན་པའི་རྣལ་འབྱོར་གྱིས། །བཅིངས་ལ་གཟུང་ཞིང་གནས་པར་བྱ། །དེ་དང་རྩེ་ཕྲད་གཉིས་བཟློག་པས། །བདེ་བའི་མྱུ་གུ་གསོ་བྱས་པས། །ཐ་མལ་ཞེན་པ་ཀུན་བྲལ་ནས། །རྟོག་དང་ལྷན་ཅིག་གང་སྐྱེས་
D833.098.0184a06.01པ། །དངས་སྙིགས་ཕྱེ་བའི་ཉམས་དག་གིས། །སྙིགས་མ་བག་ཆགས་ཞེན་བཅས་པ། །དེ་ཡི་སྟོབས་ཀྱིས་གནས་མི་འགྱུར། །གསང་བའི་ཐིག་ལེ་སྟོབས་ལྡན་པས། །རིགས་ངན་ཐམས་ལ་ཞེན་ཆགས་དང་། །དྲན་རྟོག་མ་ལུས་ཕམ་བྱས་ཏེ། །ཕྱི་ནང་སྣོད་བཅུད་མ་
D833.098.0184a07.01