完整藏文原文 · 德格版页 当前仅加载第 98 函德格 154a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱ། །བདེ་ཆེན་ཡིད་ཆོས་རང་རིག་ཉིད། །ཀུན་བཟང་རོ་ཡི་བདེ་བ་ཉིད། །ཉོན་མོངས་དྲུག་གི་ཡུལ་རྣམས་སུ། །སྤྲུལ་བའི་ཐིག་ལེར་རང་ཤར་བའོ། །འདུལ་བ་བཞི་ཡིས་དོན་མཛད་པ། །སྤྲུལ་བའི་མཛད་པ་བསམ་མི་ཁྱབ། །ཀུན་ཀྱང་དངས་མའི་རང་བཞིན་
D833.098.0154a01.01ལས། །ཡེ་ཤེས་ལྔ་ཡི་རོ་ལྡན་པ། །གནས་དང་ངོ་བོ་ལྔས་བརྒྱན་པ། །ཡེ་ཤེས་ལྔ་ཡིས་རྒྱས་བཏབ་པའོ། །ས་བོན་སྐུ་སྟེ་ཡི་གེ་གསུང་། །བདེ་ཐུགས་སྐུ་གསུང་དཀྱིལ་འཁོར་ལྡན། །འཕྲོ་འདུ་རྩ་བའི་ཐིག་ལེར་བཅས། །མ་ལུས་ཀུན་ལ་འདི་གནས་པས། །ཡན་ལག་ཉིད་
D833.098.0154a02.01དུ་འདི་ཤེས་བྱ། །སྟོང་ཉིད་རྡོ་རྗེ་ལ་སོགས་པ། །སྔོན་བྱས་རང་རྒྱུད་མེད་པ་ཡི། །རིགས་བརྟགས་གཟུངས་མ་བླང་བར་བྱ། །རང་རྒྱུད་སྒོ་གསུམ་དག་བྱས་ལ། །ལྷ་ཡི་རྣལ་འབྱོར་ལུས་སུ་བྱ། །རྡོ་རྗེ་སྙིང་པོ་གེ་སར་ཉིད། །ཕྲད་པ་ས་དང་གཤེར་བ་ཆུ། །དྲོད་མེད་བསྐྱོད་པ་རླུང་ཉིད་
D833.098.0154a03.01དེ། །བདེ་བའི་དངས་མ་ནམ་མཁའ་ཉིད། །བྷྲུྃ་དབྱིབས་བྷ་ག་བདེ་བའི་གནས། །སྣ་ཚོགས་འདུས་པའི་གཞལ་ཡས་ཁང་། །ཉི་ཟླ་པདྨ་ནུས་པའི་གདན། །ཆེ་བའི་ཡོན་ཏན་རྫོགས་པར་ལྡན། །ཐབས་དང་ཤེས་རབ་འབྲེལ་བའི་རོ། །ལྔ་ཕུང་འབྱུང་ལྔ་དག་པ་ཡི། །རང་བཞིན་
D833.098.0154a04.01དེ་དང་མཉམ་སྦྱར་བས། །ཡེ་ཤེས་ཕྲ་རགས་གཉིས་སུ་མེད། །ཐབས་དང་ཤེས་རབ་འབྲེལ་པ་ཡི། །དབང་པོ་ཡུལ་དུས་རྣམ་ཤེས་བཅས། །རང་རང་བདེ་བར་སྐྱེས་པའི་ལྷ། །ལྷན་ཅིག་སྐྱེས་པའི་ཡེ་ཤེས་ཉིད། །ཐབས་དང་ཤེས་རབ་གཉིས་མེད་ཅིང་། །རྒྱུ་བའི་རླུང་ལ་དབང་
D833.098.0154a05.01ཐོབ་ནས། །ཐབས་ལམ་བདེ་བའི་གཉེར་དག་གིས། །བརྟགས་པ་རང་གི་རྟོག་པ་ཟློག །དངོས་པོ་རྣམས་ཀྱི་ངོ་བོ་ལ། །བཟློག་བྱ་ངས་ཀྱང་མི་དམིགས་སོ། །བདེ་བའི་ཐིག་ལེ་ས་བོན་ལ། །ཐབས་བཞི་རླུང་གི་གར་ཐབས་ཀྱིས། །དགའ་བའི་ཚད་ལྡན་ནུས་པ་བཅས། །
D833.098.0154a06.01དངོས་འདི་ལྷན་ཅིག་སྐྱེས་པར་བརྟན། །བདེ་བའི་ཕྱག་རྒྱ་ཆེན་པོ་ནི། །ཕྱི་ནང་སྣོད་བཅུད་མ་ལུས་པ། །བདེ་བ་ཆེན་པོར་རོ་གཅིག་ཕྱིར། །མ་ལུས་ལྷན་ཅིག་སྐྱེས་པར་གནས། །བཅུད་འདུས་བདེ་བའི་ཐིག་ལེ་ནི། །ཡོན་ཏན་ཀུན་གྱི་ངོ་བོ་བས། །ཆེ་བའི་ཡོན་ཏན་ཀུན་རྫོགས་
D833.098.0154a07.01