完整藏文原文 · 德格版页 当前仅加载第 98 函德格 168b 版页；藏文 NFD、目录标记与异常页序保留在来源切片中，重复版页行以稳定序号区分。
དཀྱིལ་འཁོར་ཉིད། །རང་འབྱུང་མཐོ་དམན་མེད་པ་ཡི། །སྐུ་གསུང་ཐུགས་དང་ལུས་ངག་ཡིད། །མ་ལུས་གཞི་རྩ་སྙིང་པོ་སྟེ། །རང་འབྱུང་བྱང་ཆུབ་སེམས་ལ་འདུས། །དེ་ཉིད་རང་རིག་འོད་གསལ་བ། །དངོས་པོ་མ་ཡིན་དངོས་མེད་མིན། །གཉིས་ཀ་མ་ཡིན་གཉིས་མེད་མིན། །
D833.098.0168b01.01མཐའ་དབུས་ཆ་ཤས་ཀུན་བྲལ་བའི། །ཟབ་ཅིང་ཡངས་ལ་རྒྱ་ཆེ་བ། །དེ་བཞིན་གཤེགས་པའི་སྤྱོད་ཡུལ་ཏེ། །རྟོག་གེ་རྣམས་ཀྱི་ཡུལ་མིན་པས། །གསང་བའི་གསང་བ་བྱང་ཆུབ་སེམས། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སྐྱེ་བ་
D833.098.0168b02.01མེད་ལས་ཐམས་ཅད་སྐྱེས། །སྐྱེས་པ་ཉིད་ལས་སྐྱེ་བ་མེད། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །འགག་པ་མེད་ལས་ཐམས་ཅད་འགག །འགག་པ་ཉིད་ན་འགག་པ་མེད། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་
D833.098.0168b03.01རྒྱས་ཀུན་གྱི་གསང་། །གནས་པ་མེད་ལས་ཐམས་ཅད་གནས། །གནས་པ་ཉིད་ལ་གནས་པ་མེད། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །དམིགས་པ་མེད་ལས་ཐམས་ཅད་དམིགས། །དམིགས་པ་ཉིད་ན་དམིགས་པ་མེད། །ཨེ་མའོ་
D833.098.0168b04.01ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །འགྲོ་འོང་མེད་ལས་འགྲོ་དང་འོང་། །འགྲོ་འོང་ཉིད་ན་འགྲོ་འོང་མེད། །མ་སྐྱེས་རིག་པའི་བྱང་ཆུབ་སེམས། །དངོས་མེད་དངོས་པོའི་རང་བཞིན་དུ། །རྡོ་རྗེ་སེམས་དཔའི་ངོ་བོ་ཉིད། །གཡོ་དང་མི་གཡོར་བཅས་
D833.098.0168b05.01པ་ཡི། །ཕྱི་ནང་སྣོད་བཅུད་མ་ལུས་ལ། །རང་འབྱུང་སེམས་ཀྱི་དཀྱིལ་འཁོར་ཉིད། །རང་བཞིན་གནས་དང་རྟོགས་པ་དང་། །བསམས་དང་དམིགས་དང་གོམས་པ་ཡི། །སྐུ་གསུང་ཐུགས་ཀྱི་མཚན་མ་དང་། །ལྷ་དང་ལྷ་མིན་གསང་བ་དང་། །ཤ་ཟ་འབྱུང་པོ་མིའམ་
D833.098.0168b06.01ཅི། །གྲུལ་བུམ་{ཡི་དགས་,ཡི་དྭགས་}ཀླུ་རྣམས་དང་། །རྒྱུ་བའི་སྲོགས་ཆགས་མ་ལུས་དང་། །རྩ་ཤིང་གེལ་པ་འབྲས་བུ་དང་། །ཕུན་སུམ་ཚོགས་པ་མ་ལུས་པ། །མ་བཅོས་དོན་གྱི་ལྷ་ཉིད་དེ། །བྱང་ཆུབ་སེམས་སུ་ཁྱད་པར་མེད། །ལྷ་ཞེས་གཞན་དུ་བསྟན་པ་ཡང་། །ཚིག་གི་
D833.098.0168b07.01