完整藏文原文 · 德格版页 当前仅加载第 98 函德格 195a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷན་ཅིག་ཏུ། །མོས་དང་ཆགས་པའི་ཁྱད་པར་གྱིས། །ཆ་ལུགས་མཐའ་ཡས་སྣང་བ་ནི། །ལ་ལར་ཆགས་པར་ལྟ་བའི་ཚུལ། །དེ་བཞིན་འཇམ་པར་སྨྲ་བ་དང་། །ལ་ལར་འཁྱུད་ཅིང་ལྟ་བ་སྟེ། །ལ་ལར་སེན་ཐབས་ཞལ་སྦྱོར་ཞིང་། །ལ་ལར་མཉེ་
D833.098.0195a01.01དང་རྡེབས་དང་འབུད། །འགྱེད་དང་འདུད་དང་འགྱིང་བ་ཡི། །དཀར་འཛིན་སྟོན་དང་ལྟེ་བ་སྟོན། །འོ་དང་འཚིར་དང་དགོད་པ་དག །སྣ་ཚོགས་རོལ་པ་འདི་དག་གིས། །མ་ཆགས་པ་དག་ཆགས་བྱེད་ཅིང་། །ཆགས་པ་མྱུར་དུ་ཉམས་པར་བྱེད། །ཐ་སྐམ་མྱུར་དུ་བེངས་བྱེད་
D833.098.0195a02.01ཅིང་། །བདེ་ཆེན་ལོ་ཏོག་སྐྱེད་པར་བྱེད། །བྱེ་བ་རྡུལ་སྙེད་བཅས་པ་ཡི། །ལྷ་དང་ལྷ་མོ་འཁོར་བཅས་པས། །སྟེག་ཅིང་འཛུམ་པས་ལྷན་ཅིག་ཏུ། །རོལ་ཅིང་གླུ་ནི་ལེན་པར་བྱེད། །ཨེ་མའོ་སངས་རྒྱས་ཀུན་གྱི་རང་བཞིན་བདེ་བ་ཆེ། །ལྷན་ཅིག་སྐྱེས་པ་མཁའ་ལྟར་
D833.098.0195a03.01རྡུལ་དང་བྲལ་བ་སྟེ། །རྡོ་རྗེ་པདྨར་བཅུག་བསྐྱོད་པས་ནི་བརྟགས་པའི་སྣང་བ་ནུབ། །མ་ལུས་ཁྱབ་པས་མཁའ་ལྟར་དགའ་བར་བྱས་ཀྱང་དབང་པོ་རླུང་གིས་རླབས། །བདེ་བའི་ས་བོན་ཟག་པ་རྣམས་ནི་སླར་ཡང་ལྡང་བར་བྱེད། །རྒྱུ་བ་རྣམ་པར་ཆད་པའི་ཁ་སྦྱོར་བདེ་ཆེན་
D833.098.0195a04.01ནི། །ནམ་མཁའི་རྒྱ་མཉམ་ཡུན་ཡང་དེ་སྲིད་བར་དུ་གནས་པ་སྟེ། །འདོད་པའི་ཡོན་ཏན་ལྔ་ནི་ལྷ་མོ་ཁྱོད་ལ་ཚང་བ་སྟེ། །བདག་ནི་ཁྱོད་ལ་བསྟེན་ཅིང་དགའ་བས་མིག་བཏེག་མ་ལུས་རྒྱལ་བའི་ཞིང་དུ་བལྟ། །གང་ཚེ་འགྲོ་བ་ཐ་མལ་བདེར་སྤྱོད་ཡུལ་ལ་ཆགས་པར་ཞུགས་
D833.098.0195a05.01པ་ན། །དགའ་དང་བདེ་དང་རྩེ་གཅིག་ཡིད་འོང་འདོད་པར་རབ་ཞུགས་པས། །དབང་པོ་གཉིས་རོལ་ཉི་ཟླ་ཕྲད་ཅིང་བདེ་ཆེན་མཆོག་སྐྱེས་ཆེ། །སྐྱེ་རྒ་ན་འཆི་རེ་དོགས་ངོ་ཚ་མི་ཚ་གྲགས་པའི་ཆོས་བརྒྱད་ཚོད་ཀྱང་བྱིས་པས་མི་ཤེས་སོ། །གང་ཞིག་ཐབས་དང་ཤེས་རབ་
D833.098.0195a06.01བྲལ་བས་གསང་བའི་དོན་འཇུག་པ། །རྒྱ་མཚོ་ལ་ནི་ས་བོན་བཏབ་བཞིན་འདོད་པའི་འབྲས་བུ་མི་འབྱུང་སྟེ། །ཉན་ཐོས་རང་རྒྱལ་བྱང་ཆུབ་སེམས་དཔའ་ཐ་སྐབས་ཏེ། །རྒྱལ་བ་ཉིད་ཀྱང་ཐབས་དང་ཤེས་རབ་བྲལ་བས་བྱང་ཆུབ་མྱུ་གུ་གཏན་ནས་སྐམས་ཏོ། །འདི་ནི་གླུ་
D833.098.0195a07.01