完整藏文原文 · 德格版页 当前仅加载第 98 函德格 152a 版页；藏文 NFD、目录标记与异常页序保留在来源切片中，重复版页行以稳定序号区分。
དབང་དུ་མ་བཏང་བར། །གདུག་པ་དུས་གཅིག་བཏུལ་བར་མཛད། །དེ་ཚེ་དེ་ཡི་འཁོར་གཡོག་ཀྱང་། །ཞུམ་པས་སྨྲས་ཤིང་གསོལ་བཏབ་ནས། །རང་སྙིང་ཕུལ་ནས་དམ་མནོས་ཏེ། །དམོད་བཙུགས་རང་གི་ལམ་ལ་བཞག །འབར་བའི་དཀྱིལ་འཁོར་
D833.098.0152a01.01དེ་དག་ཀྱང་། །ལ་ལར་གཏི་མུག་རྨུགས་པར་མཛད། །ལ་ལར་ཆགས་ལ་ཆགས་ཆེན་པོ། །ལ་ལར་གཡེམ་ལ་གཡེམ་པར་སྟོན། །སྡང་ལ་དྲག་ཤུལ་སྤྱོད་པ་སྟེ། །ང་རྒྱལ་ཅན་ལ་རི་བོས་གནོན། །ཞི་ལས་སློང་དང་ཞི་བ་ཉིད། །གསལ་དང་ཞེ་ལ་གནོན་པ་དང་། །ཆགས་
D833.098.0152a02.01ཁྲོ་དང་ནི་སྡང་ཁྲ་དང་། །རྨོངས་ཁྲོ་གནོན་ཁྲོ་ལ་སོགས་པས། །བསྐལ་པ་ཞིང་གི་རྡུལ་སྙེད་དུ། །རང་གི་མཁྱེན་པའི་ཡེ་ཤེས་ཀྱིས། །གདུལ་བའི་ཐབས་ནི་སྣ་ཚོགས་སུ། །སྒྱུ་འཕྲུལ་དྲ་བ་མངོན་རྫོགས་པའི། །ཐུགས་ཀྱི་སྤྲུལ་པ་སྣང་བར་མཛད། །གང་ཕྱིར་སྤྲོས་མེད་གོམས་པ་
D833.098.0152a03.01ཉིད། །དེ་ཉིད་ཏིང་འཛིན་དཀྱིལ་འཁོར་ཏེ། །ཕྱི་ནང་སྣོད་བཅུད་མ་ལུས་པ། །ཇི་སྙེད་ཕྱོགས་བཅུར་གནས་པ་ཀུན། །རང་རིག་རྒྱལ་པོར་གནས་པ་ཉིད། །འདི་ཉིད་ཕོ་མོ་མ་ནིང་དང་། །མཚན་མེད་ལ་སོགས་གང་ཡང་མིན། །དངོས་དང་དངོས་མེད་ལས་འདས་པའི། །དེ་བཞིན་
D833.098.0152a04.01ཉིད་དབྱིངས་ཡེ་ཤེས་ཏེ། །རིག་པ་སྐྱེ་བ་མེད་པའི་ངང་། །འདི་ཉིད་གསལ་བར་བསྒོམ་པར་བྱ། །ཨོྃ་དྷརྨ་དྷཱ་ཏུ་སྭ་བྷཱ་བ་ཨཱཏྨ་ཀོ྅ཧྃ། སྐྱེས་དང་མ་སྐྱེས་ལ་སོགས་པའི། །ཐ་སྙད་མིང་ལ་མི་གནས་ཤིང་། །བློ་ཡི་སྦྱོར་བ་ལས་འདས་པས། །འདི་ནི་དེ་བཞིན་ཉིད་ཅེས་
D833.098.0152a05.01བཤད། །འདི་ལ་རིམ་པ་མེད་པ་སྟེ། །སྐྱེས་བུ་མཆོག་གི་ཡུལ་དུ་གསུངས། །མ་ལུས་རང་རིག་རྡོ་རྗེ་ཉིད། །ཁྱབ་པའི་ཚུལ་གྱིས་ནམ་མཁའ་སྟེ། །རྣམ་དག་རང་བཞིན་འོད་གསལ་བ། །དམ་པའི་ཏིང་འཛིན་ཆེན་པོ་ཉིད། །གང་གིས་མ་ལུས་མངོན་གསལ་ནས། །ཕྱི་ནང་
D833.098.0152a06.01ཆོས་རྣམས་ཐམས་ཅད་ཀུན། །གོམས་ནས་སྤྲོས་མེད་དེ་བཞིན་ཉིད། །དེ་དག་ཏིང་འཛིན་ཐུན་མོང་ཉིད། །མི་ཤིགས་ཐིག་ལེ་དངས་མའི་བདག །བཞི་འདུས་ལྔ་བདག་གཉིས་སུ་མེད། །རྩ་བཅུད་ཐིག་ལེར་བཅས་པ་ཉིད། །ཐབས་དང་བཅས་པའི་ཏིང་
D833.098.0152a07.01