完整藏文原文 · 德格版页 当前仅加载第 98 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱག་ཞབས་ཞལ་ཡང་དེ་བསྐྱེད་དེ། །མཚོན་ཆ་སྣ་ཚོགས་འཛིན་པ་དེས། །ཇི་སྙེད་ཕྱོགས་བཅུ་འཇིག་རྟེན་དུ། །ཆོ་འཕྲུལ་བཞི་ལ་སོགས་པ་ཡི། །མཛད་པའི་གར་ཐབས་སྣ་ཚོགས་ཀྱིས། །དྲེགས་པ་ཆེ་དང་དབང་ཕྱུག་དང་། །ཚངས་པ་ཁྱབ་འཇུག་བརྒྱ་བྱིན་དང་། །དྲི་
D833.098.0151b01.01ཟ་གཤིན་རྗེ་གནོད་སྦྱིན་བཅས། །གདུག་པའི་ང་རྒྱལ་རྒྱུ་འབྲས་ཅན། །རྒྱུ་འབྲས་རྩད་ནས་བཅད་པའི་ཕྱིར། །མ་ལུས་བ་དག་མ་བཏང་བར། །ང་རྒྱལ་ཁྲོ་གཏུམ་ཞུམ་པ་ཡིས། །ཇི་སྐད་སྨྲས་ཀྱང་རང་རང་གི། །ཉོན་མོངས་རྒྱ་མཚོ་མ་སྐམས་པར། །ཐུགས་རྗེ་ཞེ་ལ་མནན་
D833.098.0151b02.01ཚུལ་གྱིས། །དེ་དག་མངོན་དུ་བཏུལ་བར་མཛད། །ལ་ལར་དཔལ་ཆེན་ཁྲག་འཐུང་སྟེ། །ལ་ལར་རྡོ་རྗེ་ཁྲག་འཐུང་ཉིད། །ལ་ལར་རིན་ཆེན་ཁྲག་འཐུང་སྟེ། །ལ་ལར་པདྨ་དེ་བཞིན་གཤེགས། །ལ་ལར་སྣ་ཚོགས་ལས་སུ་བཅས། །རང་རང་བཙུན་མོ་ཚོགས་དང་འཁྲིལ། །
D833.098.0151b03.01རིགས་ཀྱི་མཚོན་ཆ་སྣ་ཚོགས་འཛིན། །མདོག་དང་ཆ་ལུགས་དེ་བཞིན་ཏེ། །དེ་བཞིན་སྲས་དང་བཀའ་ཉན་དང་། །ཕོ་ཉ་ཡང་སྤྲུལ་ལ་སོགས་པ། །རྡོ་རྗེ་བ་སྤུ་བུ་ག་ནས། །ཕོ་ཉ་བྱེ་བ་དྲུག་ཅུ་དག །ཕྱོགས་བཅུ་ཀུན་དུ་རྒྱས་བཀྱེ་སྟེ། །ནམ་མཁའི་ཁམས་དང་མཉམ་པ་
D833.098.0151b04.01ཡི། །གདུག་པའི་ཚོགས་ནི་དེ་དག་ཀུན། །མ་ལུས་དུས་གཅིག་བཏུལ་ནས་ནི། །ཕྱིར་མི་ལྡོག་པའི་ས་ལ་བཀོད། །དེ་དག་གསུང་ཡང་སྣ་ཚོགས་ཏེ། །སྤྲུལ་པ་འགྱེད་པས་གསུང་གཅིག་ཏུ། །ཁམས་གསུམ་སྒྲ་ཡིས་གང་བར་མཛད། །ཧཱུྃ་ཧཱུྃ་ཧཱུྃ་བི་ཤྭ་ཀྲོ་དྷ་ཛྭ་ལ་མཎྜལ་
D833.098.0151b05.01ཕཊ་ཕཊ་ཕཊ། ཧ་ལ་ཧ་ལ་ཧ་ལ་ཧཱུྃ་ཕཊ། ཕཊ་ཕཊ་ཕཊ། ཏྲཏ་ཏྲ་ཏ་ཏྲ་ཏ། ཀྲོ་ཊ་ཀྲོ་ཊ་ཀྲོ་ཊ། ཧ་ལ་ཧ་ལ་ཧ་ལ། ཧུ་ལུ་ཧུ་ལུ་ཧུ་ལུ། ཏིཥྛ་ཏིཥྛ་ཏིཥྛ། བནྡྷ་བནྡྷ་བནྡྷ། ད་ཧ་ད་ཧ་ད་ཧ། གྲྀཧྞ་གྲྀཧྞ་གྲྀཧྞ། པ་ཙ་པ་ཙ་པ་ཙ། ཙྪིནྡ་ཙྪིནྡ་ཙྪིནྡ། གརྫ་གརྫ་གརྫ། ཧཱུྃ་ཧཱུྃ་ཧཱུྃ། བྷྱོ་བྷྱོ་བྷྱོ།
D833.098.0151b06.01ཕྲཊ་ཛྭ་ལ་རྃ། ཞེས་པའི་སྒྲ་ཡིས་ཐམས་ཅད་གང་། །ཇི་སྲིད་ནམ་མཁའི་མཐའ་ཐུག་པར། །རི་དང་གླིང་དང་རྒྱ་མཚོར་བཅས། །འཁོར་ཡུག་སྟོང་གསུམ་འཇིག་རྟེན་བཅས། །མ་ལུས་གཡོ་ཞིང་སྒྲས་བཀང་སྟེ། །གདུག་པའི་ཚོགས་དེ་འཁོར་བཅས་པ། །གང་གི་
D833.098.0151b07.01