完整藏文原文 · 德格版页 当前仅加载第 98 函德格 152b 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་གྱིས། །ཡེ་ཤེས་ལྔ་ཡི་རོ་དང་བཅས། །བདེ་ཆེན་སྐྱེ་བ་མེད་པའི་དོན། །ཟག་མེད་ཁྱབ་པ་མངོན་དུ་སྨིན། །ཡེ་ཤེས་ནམ་མཁའི་གཟུགས་ཅན་ཉིད། །ཕྱི་ནང་མེད་པའི་རང་འབྱུང་སྟེ། །གསལ་དང་བདེ་བའི་རང་བཞིན་ཅན། །ཐབས་དང་ཐིག་ལེས་དབང་བསྒྱུར་ནས། །ལུས་
D833.098.0152b01.01ཅན་ཀུན་ལ་གསལ་བར་སྐྱེ། །གནས་བཞི་འབྱུང་བའི་དངས་མ་ཉིད། །རྟེན་ཅན་བརྟེན་པར་བཅས་པ་ཉིད། །རང་འབྱུང་ཐིག་ལེ་བདེ་བ་ཉིད། །ཕྱོགས་ཆ་མེད་པར་གསལ་ཁྱབ་པས། །བདེ་བ་ཆེན་པོའི་ལུས་སུ་འགྱུར། །རང་འབྱུང་སྙིང་པོ་དངས་མའི་ལུས། །འབྱུང་བ་ཟག་མེད་སྙིང་
D833.098.0152b02.01པོར་ཐིམ། །ཐིག་ལེ་སྤྲོས་པ་མེད་པ་སྟེ། །ཐམས་ཅད་མ་ལུས་ཁྱབ་པར་སྣང་། །རང་ལུས་རྩ་བཅུད་ཕྱི་ནང་ཀུན། །སྙིགས་མ་དངས་མར་སྨིན་བྱས་ཏེ། །དངས་མ་ཡེ་ཤེས་སྙིང་པོར་གསལ། །དེ་ཉིད་རྒྱུ་བ་མེད་པ་ཡི། །རང་འབྱུང་ཐིག་ལེ་སྤྲོས་པ་མེད། །དངས་མ་ཟག་མེད་སྟོབས་
D833.098.0152b03.01ལས་སྣང་། །གང་ཕྱིར་སྐྱེས་དང་སྤྲུལ་པ་དང་། །བརྟགས་པའི་གཟུངས་མ་ལས་བྱུང་བ། །དབང་པོ་གཉིས་ནི་བསྲུབས་པ་ལས། །སྐད་ཅིག་བཅུ་དྲུག་མཐའ་ཡི་ཚེ། །ཉི་ཟླ་འདྲེས་པའི་གར་ཐབས་ལས། །དངོས་པོ་ལྷན་ཅིག་སྐྱེས་པ་གསལ། །སེམས་ལྔ་རྫོགས་པའི་སྙིང་པོ་
D833.098.0152b04.01ཉིད། །བརྗོད་མེད་རང་སྣང་བསྟན་པ་ཉིད། །མ་ལུས་སྐུ་གསུང་ཐུགས་གནས་པ། །འཁྱུད་པའི་གར་གསུམ་བསྡམ་པ་ཡིས། །གནས་དང་འབྱུང་བ་མ་ལུས་པ། །རང་རིག་ཡེ་ཤེས་གཟུགས་སུ་སྣང་། །ཐབས་དང་ཤེས་རབ་དབྱེར་མེད་པའི། །བྱང་ཆུབ་སེམས་ཀྱི་ཐིག་ལེ་སྟེ། །
D833.098.0152b05.01རྟེན་དང་བརྟེན་པར་བཅས་པ་ཉིད། །རང་ཉིད་གསལ་བར་བྱིན་བརླབས་ནས། །ཇི་ལྟར་སྣང་སྲིད་ཆོས་ཐམས་ཅད། །ལྷན་ཅིག་སྐྱེས་པའི་ངོ་བོར་གསལ། །མ་ལུས་བདེ་བ་ཆེན་པོའི་རིགས། །དམ་པའི་སྦྱོར་བ་སྣང་བར་འགྱུར། །འདི་ནི་ཕྱི་ནང་གསང་བ་ཡི། །ཏིང་འཛིན་དཀྱིལ་
D833.098.0152b06.01འཁོར་ཉིད་དུ་བཤད། །གང་ཕྱིར་མཚན་མའི་རྣལ་འབྱོར་པས། །དངོས་དང་དངོས་མེད་རྣམ་སྤངས་པའི། །རང་རིག་སྐྱེ་མེད་དེ་བཞིན་ཉིད། །མ་བཅོས་རང་རིག་འོད་གསལ་བ། །དེ་བཞིན་ཉིད་དེ་དང་པོར་བསྒོམ། །དེ་ནས་སྙིང་རྗེ་ནམ་མཁའ་ལྟར། །གསལ་ལ་སྟོང་པའི་རྣལ་
D833.098.0152b07.01