完整藏文原文 · 德格版页 当前仅加载第 98 函德格 143b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་བལྟས་པའི་ཁྱད་པར་གྱིས། །རང་རེའི་མོས་དང་བསམ་པ་དང་། །ནུས་པའི་རིམ་པ་ཅིར་སྣང་ཡང་། །ནམ་མཁའ་དང་བའི་རང་བཞིན་ལས། །ཉི་ཟླ་གཟའ་སྐར་སྤྲིན་ཁུ་རླངས། །རང་འབྱུང་རང་དངས་འགྱུར་མེད་ལྟར། །ཇི་ལྟར་སྣང་བའི་ཆོས་རྣམས་ཀུན། །དངོས་
D833.098.0143b01.01དབང་དོན་ལས་མ་གཡོས་པས། །དེ་དག་དེ་ལྟར་ཉིད་སྣང་བས། །དེ་ཉིད་ནམ་མཁའི་ཁོངས་སུ་འདུ། །དེ་ནས་གཏན་ཚིགས་བཤད་པར་བྱ། །མ་ལུས་འགྲོ་བ་ཐམས་ཅད་ལ། །བྱང་ཆུབ་སྙིང་པོས་ཀུན་ཁྱབ་པས། །ཀུན་གྱིས་མཐོང་གོམས་བྱ་དགོས་པས། །སོ་སོ་ཐུན་མོང་
D833.098.0143b02.01གཏན་ཚིགས་དང་། །ཐུན་མོང་མ་ཡིན་ལ་སོགས་པ། །རྒྱ་མཚོ་ཀློང་དང་ཆུ་བོ་ལྟར། །མ་ལུས་འདུལ་ཤིང་འབྱུང་བ་ཡིན། །ཐུན་མོང་བཞི་སོགས་གང་ཡིན་པ། །ལོག་ལྟ་ཕྱོགས་འཛིན་དགག་པ་དང་། །དངོས་དབང་ཐབས་དང་འབྲེལ་མཚོན་ཕྱིར། །ཐུན་མོང་གཏན་ཚིགས་བརྗོད་
D833.098.0143b03.01པ་ཡིན། །གང་ཕྱིར་གཏན་ཚིགས་ཐམས་ཅད་ཀྱིས། །རང་ལས་འཕྲུལ་ཕྱིར་མེ་ལོང་ཉིད། །མ་ལུས་གཅིག་དང་ཐ་དད་མིན། །གང་གི་མཐའ་ལས་ཡོངས་གྲོལ་ཏེ། །དབུས་སུ་གཟུང་མེད་གཏན་ལ་ཕེབས། །གཅིག་དང་དུ་མ་བྲལ་བའོ། །རྒྱུ་དང་རྐྱེན་དང་འབྲས་བུ་སྟེ། །ཐབས་
D833.098.0143b04.01དེ་གདོད་ནས་དག་པ་གསུམ། །མ་ལུས་རང་སྣང་རྟོགས་པ་ཉིད། །མཚན་ཉིད་དེ་ཡི་མཚན་ཉིད་དོ། །རྒྱུ་གཅིག་པ་དང་ཡིག་འབྲུའི་ཚུལ། །བྱིན་གྱིས་བརླབས་དང་མངོན་སུམ་པ། །མ་ལུས་རྟོགས་པ་བཞིར་ཤར་ཏེ། །དེ་ཉིད་རྟོགས་པ་བཞིར་སྣང་ངོ་། །མ་སྐྱེས་ངང་ལས་གང་སྣང་
D833.098.0143b05.01བ། །ཆུ་དང་རླབས་བཞིན་གཅིག་པས་ན། །དེ་དང་དེར་གཅིག་དབྱེར་མེད་པས། །དངོས་པོ་ལོ་རྒྱུས་ཉིད་ཀྱིས་ཤེས། །འཁོར་དང་མྱ་ངན་འདས་པ་ཡི། །རྩ་བ་ཆགས་སྡང་ལྔ་ཉིད་དེ། །གཞི་རྩ་མ་བཅོས་སྐད་ཅིག་མ། །དེ་ཉིད་རང་སྤྱིར་གང་སྣང་བ། །རྟོགས་པས་སྤྱི་དང་རང་
D833.098.0143b06.01མཚན་ཤེས། །སྣོད་བཅུད་རྒྱུད་རྣམས་མཐའ་ཡས་དང་། །མཉམ་གཉིས་ལྷག་པའི་མཉམ་གཉིས་ཀྱིས། །དངོས་པོ་སྣང་གྲགས་ཆོས་རྣམས་ཀུན། །མ་བཅོས་དེ་བཞིན་ཉིད་དུ་གནས། །མ་ལུས་སྙིང་པོ་ཐིག་ལེ་དང་། །ལྔ་བདག་བརྒྱད་ཅུ་རྩ་གཉིས་རྒྱུ། །ས་ཡ་བཅུ་
D833.098.0143b07.01