完整藏文原文 · 德格版页 当前仅加载第 98 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
རིན་ཆེན་ང་རྒྱལ་བཅས་པས་གདབ། །ཟངས་སམ་བྱུ་རུ་དམར་ཤིང་རྣམས། །མགོ་བོ་རྒྱ་མདུད་རྩེ་ཟླ་གམ། །ལོགས་ལ་དབང་གི་ལྷ་བཀོད་ལ། །ཆགས་པ་རྡོ་རྗེར་གསལ་བས་གདབ། །ལྕགས་སམ་ནག་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟུར་གསུམ། །ལོགས་
D833.098.0185b01.01ལ་དྲག་པོའི་ལྷ་བཀོད་དེ། །ཞེ་སྡང་རྡོ་རྗེར་གསལ་བས་གདབ། །ཨོྃ་དང་ཏྲྃ་ཧྲི་ཧཱུྃ་ཉིད་ལས། །འབྱུང་ལྔའི་རིམ་པ་གསལ་སྟེངས་སུ། །ཨེ་བྃ་མ་ཡ་བྷྲུྃ་ལས་བསྐྱེད། །གཞལ་ཡས་ཟླུམ་པོ་གྲུ་བཞི་དང་། །ཟླ་གམ་གྲུ་གསུམ་ཇི་བཞིན་དབྱིབས། །ཁ་དོག་རང་གི་ཚུལ་བཞིན་བསྐྱེད། །
D833.098.0185b02.01རང་རང་ས་བོན་གདན་སྟེངས་ལ། །འོད་བཞི་འཕྲོ་འདུའི་ཆོ་ག་ཡིས། །ལས་བཞི་གཙོ་བོ་ལས་བཞིན་བསྐྱེད། །འཁོར་མང་གཙོ་བོའི་ཆ་འདྲ་བ། །ཕྱག་མཚན་རང་རང་ཐུགས་རྟགས་ལ། །ལས་བཞི་རྟགས་ཀྱི་མཚན་མ་སྟེ། །ཁ་དོག་ལས་ཀྱིས་དབྱེ་བར་བཤད། །དབང་
D833.098.0185b03.01བསྐུར་ལས་བཞི་རིགས་ཀྱིས་བརྒྱན། །ལས་བཞི་འོད་ཀྱི་འཕྲོ་འདུ་ཅན། །ཆོ་གས་གསལ་བར་བསྐྱེད་བྱས་ལ། །སྤྱན་དྲང་བསྟིམ་སོགས་ལས་རྫོགས་བྱ། །ལས་དང་ཏིང་འཛིན་བཞི་ཉིད་ཀྱིས། །ལས་བཞི་རྩེ་གཅིག་ཏིང་འཛིན་བྱ། །གང་དུ་དམིགས་པ་རྩེ་གཅིག་པས། །
D833.098.0185b04.01ལས་བཞི་བྱ་བའི་ཆོ་ག་དག །མ་ལུས་པ་དག་འགྲུབ་འགྱུར་ན། །ཕྲ་མོའི་ལས་རྣམས་སྨོས་ཅི་དགོས། །ཤར་ཕྱོགས་སུ་ནི་ཁ་བལྟས་ཏེ། །དང་བའི་ཡིད་ནི་མི་གཡོ་བས། །རྫོགས་པའི་སྐྱིལ་ཀྲུང་ལ་གནས་ཏེ། །མ་རུངས་གདུག་པ་ཞི་བར་བྱ། །ལྷོ་ཕྱོགས་
D833.098.0185b05.01སུ་ནི་ཁ་བལྟས་ཏེ། །དགའ་བའི་འདུ་ཤེས་རྩེ་གཅིག་པས། །རིན་ཆེན་སྐྱིལ་ཀྲུང་ལ་གནས་པས། །དཔལ་དང་གཟི་བྱིན་འཕེལ་བར་བྱ། །ནུབ་ཀྱི་ཕྱོགས་སུ་ཁ་བལྟས་ཏེ། །ཆགས་དང་ཞེན་པ་རྩེ་གཅིག་པ། །པདྨའི་སྐྱིལ་ཀྲུང་ལ་གནས་ཏེ། །མ་ལུས་དབང་དུ་
D833.098.0185b06.01བསྡུ་བར་བྱ། །བྱང་ཕྱོགས་ཉིད་དུ་ཁ་བལྟས་ཏེ། །ཁྲོས་པའི་སེམས་ཀྱིས་སོ་བཅའ་ཞིང་། །རུས་སྦལ་དང་ནི་གྱད་སྟབས་ཀྱིས། །གདུག་པ་བསྒྲལ་ཏེ་ལམ་དུ་གཞུག །སོ་སོའི་སྔགས་ཀྱི་རིམ་པ་དག །སྔ་དྲོ་ཞི་བའི་ལས་བྱས་ཏེ། །གུང་ལ་རྒྱས་པ་ཉིད་དུ་བྱ། །
D833.098.0185b07.01