完整藏文原文 · 德格版页 当前仅加载第 98 函德格 145b 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་པོའི་སྒྲ། །ཁྱིམ་བདག་དབང་ཆེན་ལེགས་དཔོན་དང་། །ཆགས་ཅན་གཏུམ་པོ་ལ་སོགས་པའི། །སྣ་ཚོགས་རོལ་པ་མཐའ་ཡས་པ། །དག་དང་མ་དག་ཚུལ་གྱིས་ནི། །གསུང་གི་རོལ་པ་མཐའ་ཡས་སྣང་། །ལ་ལར་བྱམས་དང་སྡང་བ་དང་། །གཡེང་དང་མི་གཡེང་རྨོངས་
D833.098.0145b01.01དང་རི། །སྡུད་དང་མི་སྡུད་ཡལ་བ་དང་། །གྲོལ་དང་མ་གྲོལ་རྣོ་རྟུལ་དང་། །མ་རིག་ཡེ་ཤེས་ལ་སོགས་པ། །ཐུགས་ཀྱི་རོལ་པ་མཐའ་ཡས་པ། །ཐམས་ཅད་མཁྱེན་པའི་ཚུལ་གྱིས་སྣང་། །མཐའ་ཡས་དབྱེར་མེད་དམ་པ་ཉིད། །ལུང་དང་རིགས་པ་མན་ངག་གི། །ཚད་མ་དག་
D833.098.0145b02.01གིས་གང་བཅལ་བ། །ཤེས་བྱ་ཁོང་དུ་ཆུད་པར་འགྱུར། །དེ་ནས་ཆོས་རྣམས་མ་ལུས་པ། །བདག་གཞན་ཕྱི་ནང་དབྱེར་མེད་པའི། །ཐམས་ཅད་མཁྱེན་པའི་ཚུལ་གྱིས་སྣང་། །མཐའ་ཡས་དབྱེར་མེད་དམ་པ་ཉིད། །དྲན་དང་ཤེས་བཞིན་བརྟན་པོ་ཡིས། །དུས་གསུམ་རྒྱ་མཚོ་གཏིང་
D833.098.0145b03.01ལྟ་བུར། །མི་གཡོ་གསལ་བའི་ངང་གྱུར་ནས། །སྒོ་གསུམ་མཉམ་པར་སྦྱོར་བ་ཡིས། །དང་པོ་རྟོགས་པའི་སྤྱོད་པ་སྟེ། །དེ་བཞིན་ཉིད་ལ་གསལ་བརྟན་ཏེ། །སྟོང་པ་ཤེས་རབ་སྤྱོད་པར་བཤད། །དེ་ནས་ཕྱོགས་བཅུ་མ་ལུས་པ། །རང་འབྱུང་བྱང་ཆུབ་སེམས་ཉིད་ཕྱིར། །གང་
D833.098.0145b04.01སྣང་རང་རྒྱུད་དངོས་མེད་དེ། །སྒྱུ་མ་མིག་ཡོར་བྲག་ཅ་དང་། །སྨིག་རྒྱུ་ཆུ་བུར་ལ་སོགས་པ། །གོང་མའི་སྟོབས་དང་འདི་ཉིད་སྟོབས། །མཉམ་པར་སྦྱོར་བས་བསྒོམ་པར་བྱ། །གང་ལ་མ་བལྟས་མངོན་བྱས་དང་། །ཏིང་འཛིན་རིམ་པ་གཉིས་མེད་པས། །ཀུན་ལ་སྙིང་རྗེའི་སྤྱོད་པ་དག །
D833.098.0145b05.01དམ་པ་འདི་ནི་སྤྱད་པར་བྱ། །རང་བཞིན་ཆེད་དུ་དམིགས་པ་དང་། །ཁྱབ་དང་ཤུགས་ལས་གང་བྱུང་བའི། །སྙིང་རྗེའི་སྤྱོད་པར་རྣམ་པར་སྤྱད། །དེ་ནས་སྒྱུ་མ་ལྟ་བུ་ཉིད། །རང་ཉིད་ཕྱོགས་མེད་སྣང་བ་ཡིས། །ཅིར་ཡང་བསྒྱུར་དུ་རུང་བའི་ཕྱིར། །རིག་པ་དབུ་མར་གང་གསལ་བ། །ཉི་
D833.098.0145b06.01ཟླ་བརྩེགས་པའི་གདན་དུ་འབར། །ས་བོན་གང་ལས་ཐབས་ཆོ་གས། །འཕྲོ་འདུ་ཞུ་ནས་མངོན་གྱུར་པ། །རྡོ་རྗེ་གསུམ་གྱི་ངོ་བོར་སྣང་། །དེ་ཉིད་གཅིག་དང་ལྔ་གསུམ་གྱིས། །བརྟན་འབར་མཛེས་པར་གསལ་གྱུར་ཏེ། །མདུན་དང་གཞན་དུ་སྐབས་དག་སྦྱོར། །གཅིག་དང་
D833.098.0145b07.01