完整藏文原文 · 德格版页 当前仅加载第 98 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
བརྟན་གཡོ་སྟེ། །ཇི་ལྟར་སྣང་གྲགས་ཐམས་ཅད་ཀུན། །ངེས་པའི་རང་བཞིན་བཞི་བཅུ་གཉིས། །རང་བཞིན་ལོངས་སྤྱོད་རྫོགས་སྐུར་བཤད། །དེ་ཉིད་ཕྱག་རྒྱ་སྣ་ཚོགས་ཏེ། །ཀུན་དུ་སྐུ་དང་གསུང་དང་ཐུགས། །ཡོན་ཏན་ཕྲིན་ལས་བསམ་ཡས་
D833.098.0150a01.01མཆོག །རང་བཞིན་སྤྲུལ་སྐུ་བསམ་མི་ཁྱབ། །ཇི་སྙེད་འགྲོ་བ་མ་ལུས་ཀྱི། །ལུས་ཅན་སྙིང་ལ་གང་གནས་པའི། །རང་འབྱུང་ཟག་མེད་ཡེ་ཤེས་གཟུགས། །མི་ཤིགས་ཐིག་ལེ་བདེ་ཆེན་པོ། །ནམ་མཁའ་ལྟ་བུར་ཀུན་ཁྱབ་པ། །མི་གནས་ཆོས་སྐུའི་རང་བཞིན་ཡིན། །
D833.098.0150a02.01དེ་ཉིད་རྩ་བའི་རང་བཞིན་ལས། །མ་ལུས་སྣོད་བཅུད་རང་བཞིན་ཅན། །རྟོག་པ་མ་ལུས་དཀྱིལ་འཁོར་ཏེ། །ལོངས་སྤྱོད་རྫོགས་པའི་རང་བཞིན་ཉིད། །དེ་ཉིད་ཐིག་ལེ་ཕྲ་རགས་པར། །སྣང་བའི་མཛད་པ་བསམ་མི་ཁྱབ། །དེ་ཡིས་དེ་འདུལ་སྣང་བའི་རྒྱུ། །སྤྲུལ་པ་
D833.098.0150a03.01རང་བཞིན་ཞེས་བཤད་དོ། །གང་འདིར་ཕུང་པོ་འབྱུང་བ་དང་། །རྣམ་ཤེས་དབང་པོ་ཡུལ་དུས་དང་། །ཉོན་མོངས་རྟག་ཆད་ཡིད་ཆོས་བཅས། །གང་ལ་མངོན་པར་མི་སྣང་ཡང་། །རང་བཞིན་མ་བཅོས་དཀྱིལ་འཁོར་ཏེ། །ཀུན་ལ་ཁྱབ་པར་སྣང་བ་ཡིན། །རང་སྙིང་དངས་
D833.098.0150a04.01མ་ལྔར་ལྡན་པ། །དངས་མའི་ཕུང་པོ་འབྱུང་བ་དང་། །དབང་པོའི་ཡུལ་དུ་བཅས་པ་ཡི། །རྩ་བཅུད་ཐིག་ལེར་བཅས་པ་ཉིད། །སྐུ་གསུང་ཐུགས་སུ་རང་སྣང་བ། །མ་ལུས་ཀུན་ལ་རྒྱས་བཏབ་པོ། །བཅུད་འདུས་ཐིག་ལེ་ཆེན་པོ་ཉིད། །ཉི་ཟླ་འདྲེས་པའི་རང་བཞིན་
D833.098.0150a05.01ཉིད། །བདེ་བའི་ཐིག་ལེ་རང་སྣང་བ། །མ་ལུས་འདུས་པའི་ཚུལ་དག་གིས། །ཐབས་ཀྱིས་མངོན་དུ་གྱུར་ན་ཡང་། །གཉིས་མེད་ཐིག་ལེ་བདེ་བའི་རོ། །འགྲོ་བ་ཀུན་ལ་རང་བཞིན་སྣང་། །དེ་དག་ཡབ་ཡུམ་སྐུ་གསུང་ཐུགས། །རྩ་བཅུད་ཐིག་ལེར་བཅས་པ་ཉིད། །
D833.098.0150a06.01འདུ་འབྲལ་མེད་པར་ཡེ་གནས་པའི། །གང་ཕྱིར་རྒྱལ་བ་ཐམས་ཅད་ཀྱི། །ཟག་མེད་ཡེ་ཤེས་རང་སྣང་བ། །དཔག་མེད་ཡོན་ཏན་རྒྱ་མཚོ་ཉིད། །ཡེ་ཤེས་འོག་མིན་ཕོ་བྲང་སྟེ། །ཟག་མེད་ཡོན་ཏན་རྒྱན་ལྡན་པའི། །འཁོར་ལོ་འབར་བའི་ཕོ་བྲང་དབུས། །མི་འཇིགས་
D833.098.0150a07.01