完整藏文原文 · 德格版页 当前仅加载第 44 函德格 255b 版页；藏文 NFD、目录标记与异常页序保留在来源切片中，重复版页行以稳定序号区分。
དོན་བཟང་ངོ་ཞེས་ངེས་པར་བཟུང་སྟེ། དོན་དུ་ངེས་པར་བཟུང་ནས་མགོ་གཅོགས་ཏེ་ཡ་མཚན་དུ་བཟུང་ནས་ལྷ་མོ་དཔལ་ཕྲེང་གིས་ནང་ཀོར་མ་ཟླ་བ་ལྟ་བུ་ལ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་ཞེས་བྱའི་སྒྲ་འདི་ནི། །འཇིག་རྟེན་དག་ན་ཤིན་ཏུ་དཀོན། །གལ་ཏེ་ཚིག་འདི་བདེན་
D92.044.0255b01.01གྱུར་ན། །བདག་གིས་ཁྱོད་ལ་བགོ་བ་སྦྱིན། །གལ་ཏེ་བཅོམ་ལྡན་སངས་རྒྱས་དེ། །འཇིག་རྟེན་དོན་དུ་བྱུང་གྱུར་ན། །དེ་ནི་བདག་ལ་ཐུགས་རྗེ་ཡིས། །བསྟན་པའི་ཆེད་དུ་འདིར་སྤྱོན་ཅིག །དེ་ནས་དེ་ཡི་སྐད་ཅིག་ལ། །མགོན་པོ་གཤེགས་ནས་མཁའ་ལ་བཞུགས། །བསམ་
D92.044.0255b02.01གྱིས་མི་ཁྱབ་སངས་རྒྱས་སྐུ། །འོད་ཟེར་འགྱེད་ཅིང་བཞུགས་པ་མཐོང་། །དེ་ནས་དེ་ཚེ་ལྷ་མོ་ནི། །གུས་པས་འཁོར་བཅས་ལངས་ནས་ཀྱང་། །སྤྱི་བོར་ཐལ་མོ་སྦྱར་བྱས་ནས། །སྨྲ་བའི་མཆོག་ལ་བསྟོད་པ་ནི། །མགོན་པོ་ཁྱོད་ཀྱི་སྐུ་གཟུགས་དང་། །དཔལ་དཔེ་གང་
D92.044.0255b03.01ནའང་ཡོད་མ་མཆིས། །བསམ་ཡས་དཔེ་ཟླ་མ་མཆིས་པའི། །འཇིག་རྟེན་མགོན་ལ་ཕྱག་འཚལ་ལོ། །མགོན་པོ་ཁྱོད་ཀྱི་སྐུ་གཟུགས་དང་། །ཡེ་ཤེས་ལ་ཡང་བས་མ་མཆིས། །ཁྱོད་ཀྱི་སངས་རྒྱས་ཆོས་མི་བས། །དེ་བས་ཐུབ་ཁྱོད་སྐྱབས་ཀྱང་ལགས། །བསམ་ཡས་
D92.044.0255b04.01རྩལ་ལྡན་ཁྱོད་ཀྱིས་ནི། །སྐུ་གསུང་ཐུགས་ཀྱི་སྐྱོན་རྣམས་བསལ། །ཉམས་མ་མཆིས་པའི་ས་བརྙེས་པ། །ཆོས་རྒྱལ་ཁྱོད་ལ་ཕྱག་འཚལ་ལོ། །ཤེས་བྱ་ཐམས་ཅད་ཁྱོད་ཀྱིས་མཁྱེན། །ཡེ་ཤེས་སྐུ་ཡི་དབང་ཕྱུག་སྟེ། །སངས་རྒྱས་ཆོས་རྣམས་ཐམས་ཅད་ཀྱི། །མཐར་ཕྱིན་
D92.044.0255b05.01ཁྱོད་ལ་ཕྱག་འཚལ་ལོ། །གཞལ་ཡས་ཁྱོད་ལ་ཕྱག་འཚལ་ལོ། །དཔེ་ལས་འདས་ལ་ཕྱག་འཚལ་ལོ། །བསམ་ཡས་ཆོས་ཁྱོད་ཕྱག་འཚལ་ལོ། །མཐའ་ཡས་གཟུགས་ཁྱོད་ཕྱག་འཚལ་ལོ། །བདག་ནི་ད་ལྟར་མགོན་པོས་བསྐྱབས། །བྱང་ཆུབ་ས་བོན་རྣམ་པར་བསྐྱེད། །
D92.044.0255b06.01སླན་ཆད་སྲིད་པ་གཞན་དག་ཏུ། །ཐུབ་པས་བདག་ལ་ཕན་གདགས་མཛོད། །བཅོམ་ལྡན་འདས་ཀྱིས་བཀའ་སྩལ་པ། །སྔོན་ཚེ་རྣམས་སུ་ལྷ་མོ་ཁྱོད། །ངས་ནི་བྱང་ཆུབ་སྦྱོར་བ་བྱས། །ཕྱིས་ཀྱང་ཚེ་རབས་གཞན་དག་ཏུ། །ངས་ནི་རྗེས་སུ་གཟུང་བར་བྱ། །ལྷ་མོ་
D92.044.0255b07.01