完整藏文原文 · 德格版页 当前仅加载第 44 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་གང་དག་འབྱུང་བ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་ཡང་དག་པར་ཞུགས་པར་འགྱུར་རོ། །ལྷ་མོ་དེ་བཞིན་དུ་དགེ་བའི་རྩ་བ་དག་བྱས་པའི་སེམས་ཅན་རྣམས་དེའི་ཚེ་སངས་རྒྱས་ཀྱི་ཞིང་དེར་འདུ་བར་འགྱུར་རོ། །དེ་ནས་ལྷ་མོ་དཔལ་ཕྲེང་གི་ལུང་བསྟན་པ་ཕུན་
D92.044.0256b01.01སུམ་ཚོགས་པ་ཐོས་ནས་ལྷ་དང་མི་དཔག་ཏུ་མེད་པ་དག་གིས་སངས་རྒྱས་ཀྱི་ཞིང་དེར་སྐྱེ་བར་སྨོན་ལམ་བཏབ་བོ། །དེ་དག་ཐམས་ཅད་ཀྱང་འཇིག་རྟེན་གྱི་ཁམས་དེར་སྐྱེ་བར་བཅོམ་ལྡན་འདས་ཀྱིས་ལུང་བསྟན་ཏོ། །དེ་ནས་ལྷ་མོ་དཔལ་ཕྲེང་གིས་བཅོམ་ལྡན་འདས་ལས་མངོན་
D92.044.0256b02.01སུམ་དུ་བདག་ཉིད་ལུང་བསྟན་པ་ཐོས་ནས་ཐལ་མོ་སྦྱར་ཏེ་ཡི་དམ་ཆེན་པོ་བཅུ་ཡང་དག་པར་བླངས་སོ། །བཅུ་གང་ཞེ་ན་འདི་ལྟ་སྟེ། བཅོམ་ལྡན་འདས་ད་སླན་ཆད་བདག་གིས་ཚུལ་ཁྲིམས་ཀྱི་དུས་ལས་འདའ་བའི་སེམས་བསྐྱེད་པར་མི་བགྱི་སྟེ། བཅོམ་ལྡན་འདས་ཡི་དམ་དང་
D92.044.0256b03.01པོ་འདི་ནི་བྱང་ཆུབ་ཀྱི་སྙིང་པོའི་མཐར་ཐུག་གི་བར་དུ་བདག་གིས་ཡང་དག་པར་བླང་ངོ་། །བཅོམ་ལྡན་འདས་ད་སླན་ཆད་བདག་གིས་བླ་མ་དག་ལ་མ་གུས་པའི་སེམས་བསྐྱེད་པར་མི་བགྱི་སྟེ། བཅོམ་ལྡན་འདས་ཡི་དམ་གཉིས་པ་འདི་ཡང་བྱང་ཆུབ་ཀྱི་སྙིང་པོའི་མཐར་ཐུག་གི་བར་
D92.044.0256b04.01དུ་བདག་གིས་ཡང་དག་པར་བླང་ངོ་། །བཅོམ་ལྡན་འདས་ད་སླན་ཆད་བདག་གིས་གང་དུ་ཡང་སེམས་ཅན་ལ་ཁྲོ་བ་དང་། གནོད་སེམས་ཀྱི་སེམས་བསྐྱེད་པར་མི་བགྱི་སྟེ། བཅོམ་ལྡན་འདས་ཡི་དམ་གསུམ་པ་འདི་ཡང་བྱང་ཆུབ་ཀྱི་སྙིང་པོའི་མཐར་ཐུག་གི་བར་དུ་བདག་གིས་
D92.044.0256b05.01ཡང་དག་པར་བླང་ངོ་། །བཅོམ་ལྡན་འདས་ད་སླན་ཆད་བདག་གིས་གཞན་གྱི་དཔལ་དང་། གཞན་གྱི་ཕུན་སུམ་ཚོགས་པ་དག་ལ་ཕྲག་དོག་གི་སེམས་བསྐྱེད་པར་མི་བགྱི་སྟེ། བཅོམ་ལྡན་འདས་ཡི་དམ་བཞི་པ་འདི་ཡང་བྱང་ཆུབ་ཀྱི་སྙིང་པོའི་མཐར་ཐུག་གི་བར་དུ་བདག་གིས་
D92.044.0256b06.01ཡང་དག་པར་བླང་ངོ་། །བཅོམ་ལྡན་འདས་ད་སླན་ཆད་བདག་གིས་ཐ་ན་ཁམ་སླད་མ་ཙམ་ལ་ཡང་སེར་སྣའི་སེམས་བསྐྱེད་པར་མི་བགྱི་སྟེ། བཅོམ་ལྡན་འདས་ཡི་དམ་ལྔ་པ་འདི་ཡང་བྱང་ཆུབ་ཀྱི་སྙིང་པོའི་མཐར་ཐུག་གི་བར་དུ་བདག་གིས་ཡང་དག་པར་བླང་ངོ་། །བཅོམ་ལྡན་
D92.044.0256b07.01