完整藏文原文 · 德格版页 当前仅加载第 44 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
རོལ་ཏུ་ཕྱིན་པ་རྣམས་ལགས་སོ། །བཅོམ་ལྡན་འདས་འདི་ལ་དེ་བཞིན་གཤེགས་པའི་མཐུས་དོན་ཆེན་པོ་བསྟན་པ་གཞན་ཡང་བདག་གིས་སྤོབས་སོ། །བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་དེ་བཞིན་གཤེགས་པས་གནང་གི་ཁྱོད་ཀྱིས་སྤོབས་པར་གྱིས་ཤིག །དེ་ནས་
D92.044.0261b01.01བཅོམ་ལྡན་འདས་ལ་ལྷ་མོ་དཔལ་ཕྲེང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་དམ་པའི་ཆོས་ཡོངས་སུ་འཛིན་པ་པོ་དམ་པའི་ཆོས་ཡོངས་སུ་འཛིན་པ་པོ་ཞེས་བགྱི་བ་ནི་བཅོམ་ལྡན་འདས་དམ་པའི་ཆོས་ཡོངས་སུ་འཛིན་པ་ཡང་གཞན་མ་ལགས་ལ། དམ་པའི་ཆོས་ཡོངས་སུ་
D92.044.0261b02.01འཛིན་པ་པོ་ཡང་གཞན་མ་ལགས་ཏེ། བཅོམ་ལྡན་འདས་དམ་པའི་ཆོས་ཡོངས་སུ་འཛིན་པ་པོ་ཉིད་དམ་པའི་ཆོས་ཡོངས་སུ་འཛིན་པ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་རིགས་ཀྱི་བུ་འམ་རིགས་ཀྱི་བུ་མོ་གང་དམ་པའི་ཆོས་ཡོངས་སུ་འཛིན་པ་དེས་ནི་བཅོམ་ལྡན་འདས་དམ་པའི་
D92.044.0261b03.01ཆོས་ཡོངས་སུ་གཟུང་བའི་སླད་དུ་ཡན་ལག་གསུམ་ཡོངས་སུ་གཏོང་བར་འགྱུར་ཏེ། གསུམ་གང་ཞེ་ན། འདི་ལྟར་ལུས་དང་སྲོག་དང་ལོངས་སྤྱོད་རྣམས་ཏེ། བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོ་ལུས་ཡོངས་སུ་གཏོང་བས་ནི་སངས་རྒྱས་ཀྱི་སྐུ་འཁོར་བའི་ཕྱི་མའི་
D92.044.0261b04.01མཐའི་མུ་དང་མཉམ་པ་རྒ་བ་དང་། ན་བ་དང་འཆི་བ་དང་བྲལ་བ་མི་ཤིགས་པ། རྟག་པ། བརྟན་པ། ཞི་བ། ཐེར་ཟུག་པ། འཆི་འཕོ་དང་བྲལ་བ། མཐའ་ཡས་པ། ཡོན་ཏན་བསམ་གྱིས་མི་ཁྱབ་པ་དང་ལྡན་པ་འཐོབ་པར་འགྱུར་རོ། །བཅོམ་ལྡན་འདས་རིགས་ཀྱི་བུ་འམ། རིགས་
D92.044.0261b05.01ཀྱི་བུ་མོ་སྲོག་ཡོངས་སུ་གཏོང་བས་ནི་སངས་རྒྱས་ཀྱི་ཆོས་རྣམ་པར་འཕྲུལ་བར་གནས་པ་འཁོར་བའི་ཕྱི་མའི་མཐའི་མུ་དང་མཉམ་པ་འཆི་འཕོ་དང་བྲལ་བ། མཐའ་ཡས་པ་རྟག་པ་ཡོན་ཏན་བསམ་གྱིས་མི་ཁྱབ་པ་དང་ལྡན་པ་ཐམས་ཅད་ཐོབ་པར་འགྱུར་རོ། །བཅོམ་ལྡན་འདས་རིགས་ཀྱི་བུ་འམ་
D92.044.0261b06.01རིགས་ཀྱི་བུ་མོ་ལོངས་སྤྱོད་ཡོངས་སུ་གཏོང་བས་ནི་སེམས་ཅན་ཐམས་ཅད་ཀྱིས་མཆོད་པ་འཁོར་བའི་ཕྱི་མའི་མཐའི་མུ་དང་མཉམ་པ་སེམས་ཅན་ཐམས་ཅད་དང་ཐུན་མོང་མ་ལགས་པ། བས་པར་མི་འགྱུར་བ། རྣམ་པར་རྟོག་པ་མ་མཆིས་པ། རྟག་པར་རྒྱུན་མི་འཆད་ཅིང་རྟག་ཏུ་
D92.044.0261b07.01