完整藏文原文 · 德格版页 当前仅加载第 44 函德格 266a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་མ་རིག་པའི་གནས་ཀྱི་སའི་རྐྱེན་གྱིས་ཟག་པ་མ་མཆིས་པའི་ལས་ཀྱི་རྒྱུ་ལས་བྱུང་བའི་དགྲ་བཅོམ་པ་རྣམས་དང་། རང་སངས་རྒྱས་རྣམས་དང་། བྱང་ཆུབ་སེམས་དཔའ་དབང་ཐོབ་པ་རྣམས་ཀྱི་ཡིད་ཀྱི་ལུས་གསུམ་འབྱུང་སྟེ།
D92.044.0266a01.01བཅོམ་ལྡན་འདས་མ་རིག་པའི་གནས་ཀྱི་ས་ནི་ས་གསུམ་པོ་འདི་དག་ཏུ་ཡིད་ཀྱི་ལུས་གསུམ་པོ་འདི་དག་འབྱུང་བ་དང་། ཟག་པ་མ་མཆིས་པའི་ལས་མངོན་པར་སྒྲུབ་པའི་རྟེན་ལགས་སོ། །བཅོམ་ལྡན་འདས་རྐྱེན་མཆིས་ན་རྐྱེན་འབྱུང་སྟེ། དེ་ལྟ་ལགས་པས་མ་རིག་པའི་
D92.044.0266a02.01གནས་ཀྱི་ས་ནི་ཡིད་ཀྱི་ལུས་གསུམ་པོ་རྣམས་དང་། ཟག་པ་མ་མཆིས་པའི་ལས་ཀྱི་རྐྱེན་ལགས་པའི་སླད་དུ་སྲིད་པའི་འདོད་ཆགས་ལ་གནས་པའི་གནས་ཀྱི་ས་དང་མིང་འདྲ་བ་ལགས་སོ། །དེ་ལྟ་ལགས་ཀྱང་སྲིད་པའི་འདོད་ཆགས་ལ་གནས་པའི་གནས་ཀྱི་ས་དང་ལས་ཐུན་
D92.044.0266a03.01མོང་བ་ནི་མ་ལགས་ཏེ། བཅོམ་ལྡན་འདས་མ་རིག་པའི་གནས་ཀྱི་ས་ནི་གནས་ཀྱི་ས་བཞི་པོ་དག་ལས་ཐ་དད་པ་ཁོ་ན་ལགས་ཏེ། ཡོངས་སུ་གྲོལ་བའི་ས་པ་དང་། སངས་རྒྱས་ཀྱི་ས་སྤང་བར་བགྱི་བ་དང་། དེ་བཞིན་གཤེགས་པའི་བྱང་ཆུབ་ཀྱི་ཡེ་ཤེས་ཀྱིས་གཞོམ་
D92.044.0266a04.01པར་བགྱི་བ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་དགྲ་བཅོམ་པ་རྣམས་དང་། རང་སངས་རྒྱས་རྣམས་ཀྱི་ས་ནི་གནས་ཀྱི་ས་བཞི་སྤངས་ཀྱང་ཟག་པ་ཟད་པ་ལ་དབང་བའི་སྟོབས་ཀྱང་མི་འཐོབ། མངོན་སུམ་དུ་ཡང་མི་བགྱིད་དོ། །བཅོམ་ལྡན་འདས་ཟག་པ་
D92.044.0266a05.01ཟད་པ་ཞེས་བགྱི་བ་དེ་ནི་མ་རིག་པའི་གནས་ཀྱི་སའི་ཚིག་{བླ་དགས་,བླ་དྭགས་}ལགས་སོ། །བཅོམ་ལྡན་འདས་དེ་ལྟ་ལགས་པས་དགྲ་བཅོམ་པ་རྣམས་དང་། རང་སངས་རྒྱས་རྣམས་དང་། སྲིད་པ་ཐ་མ་པར་གཏོགས་པའི་བྱང་ཆུབ་སེམས་དཔའ་རྣམས་ཀྱང་མ་རིག་པའི་གནས་ཀྱི་སས་
D92.044.0266a06.01བསྒྲིབས་ཤིང་ཆོད་ལ་ཡོངས་སུ་དཀྲིས་ཏེ་ལྡོངས་པར་བགྱིས་པས་ཆོས་དེ་དང་དེ་དག་རབ་ཏུ་མ་འཚལ་ཅིང་མི་རྟོགས་སོ། །བཅོམ་ལྡན་འདས་ཆོས་དེ་དང་དེ་དག་མ་འཚལ་ཅིང་མ་མཐོང་བས་སྤང་བར་བགྱི་བའི་ཆོས་དེ་དང་དེ་དག་མི་སྤོངས་ཤིང་བྱང་བར་མི་བགྱིད་དོ། །བཅོམ་ལྡན་འདས་སྤང་
D92.044.0266a07.01