完整藏文原文 · 德格版页 当前仅加载第 44 函德格 256a 版页；藏文 NFD、目录标记与异常页序保留在来源切片中，重复版页行以稳定序号区分。
དཔལ་ཕྲེང་གིས་གསོལ་པ། །བདག་གིས་འདི་དང་གཞན་དག་ཏུ། །བསོད་ནམས་གང་དང་གང་བགྱིས་པ། །བསོད་ནམས་དེ་ཡིས་མགོན་པོ་ཁྱོད། །རྟག་ཏུ་བདག་གིས་མཐོང་བར་ཤོག །དེ་ནས་ལྷ་མོ་དཔལ་ཕྲེང་དང་ལྷན་ཅིག་ཏུ་བཙུན་མོ་ཀུན་དང་ཐམས་ཅད་
D92.044.0256a01.01དང་ལྡན་པའི་འཁོར་གྱིས་བཅོམ་ལྡན་འདས་ཀྱི་ཞབས་ལ་གཏུགས་སོ། །དེ་ནས་བཅོམ་ལྡན་འདས་ཀྱིས་འཁོར་འདུས་པའི་ནང་དུ་ལྷ་མོ་དཔལ་ཕྲེང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏེ། ལྷ་མོ་ཁྱོད་ཀྱིས་དེ་བཞིན་གཤེགས་པ་ལ་ཡང་དག་པའི་ཡོན་ཏན་
D92.044.0256a02.01དག་གིས་མངོན་པར་བསྟོད་པའི་བསོད་ནམས་བསགས་པ་གང་ཡིན་པའི་དགེ་བའི་རྩ་བ་འདིས་ལྷ་མོ་ཁྱོད་བསྐལ་པ་ཚད་མེད་གྲངས་མེད་པར་ལྷ་དང་མིའི་རྒྱལ་སྲིད་ཕུན་སུམ་ཚོགས་པ་མྱོང་བར་འགྱུར་ཏེ། ཚེ་རབས་ཐམས་ཅད་དུ་ཡང་ང་མཐོང་བ་དང་བྲལ་བར་མི་འགྱུར་ཞིང་ང་ལ་
D92.044.0256a03.01མངོན་སུམ་དུ་འདི་ལྟ་བུའི་བསྟོད་པ་བསྔགས་པས་བསྔགས་པར་འགྱུར་རོ། །སངས་རྒྱས་བཅོམ་ལྡན་འདས་དཔག་ཏུ་མེད་གྲངས་མེད་པ་དག་ལ་ཡང་མཆོད་པ་བྱེད་པར་འགྱུར་རོ། །ད་ཕྱིན་ཆད་བསྐལ་པ་བརྒྱ་སྟོང་ཕྲག་གྲངས་མེད་པ་ཉི་ཤུ་ན་ཁྱོད་དེ་བཞིན་གཤེགས་པ་དགྲ་བཅོམ་པ་ཡང་
D92.044.0256a04.01དག་པར་རྫོགས་པའི་སངས་རྒྱས་ཀུན་ཏུ་བཟང་པོ་ཞེས་བྱ་བར་འགྱུར་ཏེ། དེའི་ཚེ་ཡང་ལྷ་མོ་ཁྱོད་ཀྱི་སངས་རྒྱས་ཀྱི་ཞིང་དེར་ངན་སོང་དག་འབྱུང་བར་མི་འགྱུར་རོ། །དེའི་ཚེ་སེམས་ཅན་རྣམས་ཀྱང་དགེ་བ་བཅུའི་ལས་ཀྱི་ལམ་ལ་གནས་པར་འགྱུར་ཏེ། སེམས་ཅན་དེ་དག་ལ་ནད་ཀྱང་མེད་
D92.044.0256a05.01རྒ་བ་ཡང་མེད། །ཡིད་དུ་མི་འོང་བའི་གནོད་པ་ཡང་མེད་དེ། མི་དགེ་བའི་ལས་ཀྱི་ལམ་རྣམས་ཀྱི་མིང་ཡང་མི་གྲག་པར་འགྱུར་རོ། །སངས་རྒྱས་ཀྱི་ཞིང་དེར་སེམས་ཅན་གང་དག་འབྱུང་བ་དེ་དག་གིས་ནི་གཞན་འཕྲུལ་དབང་བྱེད་ཀྱི་ལྷ་རྣམས་ཀྱང་འདི་ལྟར་བདེ་བ་དང་། གཟུགས་
D92.044.0256a06.01དང་། ཁ་དོག་དང་། དཔལ་དང་། གཟི་བརྗིད་དང་། གཟུགས་དང་། སྒྲ་དང་། དྲི་དང་། རོ་དང་། རེག་བྱ་དང་། ལོངས་སྤྱོད་ཐམས་ཅད་ཀྱིས་ཟིལ་གྱིས་ནོན་པར་འགྱུར་ཏེ། སེམས་ཅན་དེ་དག་ཤིན་ཏུ་བདེ་བ་དང་ལྡན་པར་འགྱུར་རོ། །ལྷ་མོ་སངས་རྒྱས་ཀྱི་ཞིང་དེར་
D92.044.0256a07.01