完整藏文原文 · 德格版页 当前仅加载第 44 函德格 260b 版页；藏文 NFD、目录标记与异常页序保留在来源切片中，重复版页行以稳定序号区分。
མཚར་རྨད་དུ་བྱུང་བའི་རིན་པོ་ཆེ་ཆེན་པོ་བཞིའི་ཁེ་རྙེད་པར་འགྱུར་རོ། །བཅོམ་ལྡན་འདས་གཏེར་ཆེན་པོ་རིན་པོ་ཆེ་མཐའ་ཡས་པའི་འབྱུང་གནས་ཞེས་བགྱི་བ་དེ་ནི་དམ་པའི་ཆོས་ཡོངས་སུ་འཛིན་པའི་ཚིག་{བླ་དགས་,བླ་དྭགས་}ལགས་སོ། །བཅོམ་ལྡན་འདས་དམ་པའི་ཆོས་ཡོངས་སུ་འཛིན་པ་དམ་པའི་
D92.044.0260b01.01ཆོས་ཡོངས་སུ་འཛིན་པ་ཞེས་བགྱི་བ་ནི་བཅོམ་ལྡན་འདས་དམ་པའི་ཆོས་ཀྱང་གཞན་མ་ལགས་ལ། དམ་པའི་ཆོས་ཡོངས་སུ་འཛིན་པ་པོ་ཡང་གཞན་མ་ལགས་ཏེ། བཅོམ་ལྡན་འདས་དམ་པའི་ཆོས་ཡོངས་སུ་འཛིན་པ་པོ་ཉིད་དམ་པའི་ཆོས་ལགས་སོ། །བཅོམ་ལྡན་འདས་ཕ་རོལ་ཏུ་ཕྱིན་པ་
D92.044.0260b02.01རྣམས་ཀྱང་གཞན་མ་ལགས་དམ་པའི་ཆོས་ཡོངས་སུ་འཛིན་པ་པོ་ཡང་གཞན་མ་ལགས་ཏེ། བཅོམ་ལྡན་འདས་དམ་པའི་ཆོས་ཡོངས་སུ་འཛིན་པ་ཉིད་ཕ་རོལ་དུ་ཕྱིན་པ་རྣམས་ལགས་སོ། །བཅོམ་ལྡན་འདས་དེ་ཅིའི་སླད་དུ་ཞེ་ན། རིགས་ཀྱི་བུ་འམ་རིགས་ཀྱི་བུ་མོ་དམ་པའི་ཆོས་ཡོངས་
D92.044.0260b03.01སུ་འཛིན་པ་ནི་སེམས་ཅན་གང་དག་སྦྱིན་པས་ཡོངས་སུ་སྨིན་པར་བགྱི་བ་དེ་དག་ནི་སྦྱིན་པས་ཡོངས་སུ་སྨིན་པར་བགྱིད་དེ། ཐ་ན་ལུས་ཀྱི་ཡན་ལག་དང་ཉིང་ལག་ཡོངས་སུ་གཏོང་བས་ཀྱང་ཡོངས་སུ་སྨིན་པར་བགྱིད་དེ། དེ་ལྟར་ཡོངས་སུ་སྨིན་པར་བགྱིས་པ་རྣམས་དམ་པའི་ཆོས་ལ་གནས་པར་
D92.044.0260b04.01འགྱུར་བ་འདི་ནི་དེའི་སྦྱིན་པའི་ཕ་རོལ་ཏུ་ཕྱིན་པ་ལགས་སོ། །བཅོམ་ལྡན་འདས་སེམས་ཅན་གང་དག་ཚུལ་ཁྲིམས་ཀྱིས་ཡོངས་སུ་སྨིན་པར་བགྱི་བའི་སེམས་ཅན་དེ་དག་ནི་དབང་པོ་དྲུག་བསྡམས་པ་དང་། ལུས་དང་། ངག་དང་། ཡིད་ཀྱི་ལས་ཡོངས་སུ་དག་པས་ཡོངས་སུ་སྨིན་པར་བགྱིད་
D92.044.0260b05.01དེ། ཐ་ན་སྤྱོད་ལམ་གྱིས་ཀྱང་དེ་དག་གི་སེམས་བསྲུང་ཞིང་ཡོངས་སུ་སྨིན་པར་བགྱིད་དེ། དེ་དག་དེ་ལྟ་དེ་ལྟར་ཡོངས་སུ་སྨིན་པར་བགྱིས་པས་དམ་པའི་ཆོས་ལ་གནས་པར་འགྱུར་བ་འདི་ནི་དེའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལགས་སོ། །བཅོམ་ལྡན་འདས་སེམས་ཅན་གང་དག་བཟོད་
D92.044.0260b06.01པས་ཡོངས་སུ་སྨིན་པར་བགྱི་བའི་སེམས་ཅན་དེ་དག་ལ་ནི་དེ་དག་གིས་དེ་ལ་སྤྱོས་བརྒྱད་དེ་གཙེ་བར་བགྱིས་ཀྱང་གནོད་སེམས་མ་མཆིས་ཤིང་སྨན་པར་འཚལ་བ་དང་། བཟོད་པའི་སྟོབས་དམ་པ་དང་ལྡན་པས་ཡོངས་སུ་སྨིན་པར་བགྱིད་དེ། ཐ་ན་བཞིན་གྱི་མདངས་ཀྱིས་ཀྱང་དེ་དག་གི་སེམས་
D92.044.0260b07.01