完整藏文原文 · 德格版页 当前仅加载第 44 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
ཡུན་རིང་པོ་ནས་སངས་རྒྱས་དུ་མ་ལ་དགེ་བའི་རྩ་བ་བསྐྱེད་བསྐྱེད་པ་ཡིན་ནོ། །ལྷ་མོ་ཁྱོད་ཀྱིས་དམ་པའི་ཆོས་ཡོངས་སུ་གཟུང་བ་བསྟན་པ་ཇི་སྐད་བཤད་པ་དེ་བཞིན་དུ་འདས་པ་དང་། མ་འོངས་པ་དང་། ད་ལྟར་བྱུང་བའི་དེ་བཞིན་གཤེགས་པ་རྣམས་ཀྱིས་ཀྱང་དམ་པའི་
D92.044.0259a01.01ཆོས་ཡོངས་སུ་གཟུང་བ་བསྟན་པ་དེ་ཉིད་བཤད་དོ། །འཆད་དོ། །འཆད་པར་འགྱུར་རོ། །ལྷ་མོ་ང་ཡང་ད་ལྟར་མངོན་པར་རྫོགས་པའི་བྱང་ཆུབ་མཆོག་ཐོབ་ནས་དམ་པའི་ཆོས་ཡོངས་སུ་གཟུང་བ་བསྟན་པ་རྣམ་པ་དུ་མར་སྟོན་ཏེ། ལྷ་མོ་དེ་ལྟར་དམ་པའི་ཆོས་ཡོངས་སུ་གཟུང་བ་བསྟན་པ་ངས་རྣམ་པ་དུ་
D92.044.0259a02.01མར་བཤད་ཀྱང་དམ་པའི་ཆོས་ཡོངས་སུ་འཛིན་པའི་ཡོན་ཏན་རྣམས་ཀྱི་མཐའ་འམ་མུ་ཐུག་པ་མེད་དོ། །དེ་བཞིན་གཤེགས་པའི་སྤོབས་པ་ལ་ཡང་མཐའ་འམ་མུ་ཐུག་པ་མེད་དོ། །ལྷ་མོ་དམ་པའི་ཆོས་ཡོངས་སུ་འཛིན་པ་ནི་དེ་ལྟར་དོན་ཆེའོ། །ལྷ་མོ་དམ་པའི་ཆོས་ཡོངས་སུ་འཛིན་པ་ནི་དེ་ལྟར་
D92.044.0259a03.01ཕན་ཡོན་ཆེའོ། །དེ་ནས་བཅོམ་ལྡན་འདས་ལ་ལྷ་མོ་དཔལ་ཕྲེང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པའི་མཐུས་དོན་ཆེན་པོ་བསྟན་པ་གཞན་ཡང་བདག་གིས་སྤོབས་སོ། །བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་ད་དེའི་དུས་ལ་བབ་པར་ཤེས་
D92.044.0259a04.01ན་ཁྱོད་སྤོབས་པར་གྱིས་ཤིག །དེ་ནས་བཅོམ་ལྡན་འདས་ཀྱིས་གནང་ནས་བཅོམ་ལྡན་འདས་ལ་ལྷ་མོ་དཔལ་ཕྲེང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་དམ་པའི་ཆོས་ཡོངས་སུ་འཛིན་པ་ནི་སངས་རྒྱས་ཀྱི་ཆོས་དཔག་ཏུ་མ་མཆིས་པ་ཐམས་ཅད་ཡོངས་སུ་རྫོགས་པར་འགྱུར་བ་ལགས་
D92.044.0259a05.01སོ། །བཅོམ་ལྡན་འདས་དམ་པའི་ཆོས་ཡོངས་སུ་འཛིན་པ་ནི་ཆོས་ཀྱི་སྒོ་བརྒྱད་ཁྲི་བཞི་སྟོང་སྡུད་པ་ལགས་སོ། །བཅོམ་ལྡན་འདས་དཔེར་ན་འཆགས་པའི་དུས་ཀྱི་ཚེའི་སྤྲིན་ཆེན་པོའི་ནི་བདོག་མཐའ་ཡས་པའི་རྒྱུན་དང་། རིན་པོ་ཆེ་མཐའ་ཡས་པའི་རྒྱུན་དང་ལྡན་པ་ལགས་སོ། །བཅོམ་ལྡན་འདས་དེ་བཞིན་དུ་
D92.044.0259a06.01དམ་པའི་ཆོས་ཡོངས་སུ་འཛིན་པ་ཡང་བསོད་ནམས་ཀྱི་རྣམ་པར་སྨིན་པའི་ཆབ་ཀྱི་རྒྱུན་དཔག་ཏུ་མ་མཆིས་པ་དང་། ཡེ་ཤེས་རིན་པོ་ཆེའི་རྒྱུན་དཔག་ཏུ་མ་མཆིས་པ་དང་ལྡན་པ་ལགས་སོ། །བཅོམ་ལྡན་འདས་དཔེར་ན་འཆགས་པའི་དུས་ཀྱི་ཚེ་ཆབ་ཀྱི་ཕུང་པོ་ཆེན་པོ་སྟོང་གསུམ་གྱི་སྟོང་ཆེན་པོའི་
D92.044.0259a07.01