完整藏文原文 · 德格版页 当前仅加载第 44 函德格 267a 版页；藏文 NFD、目录标记与异常页序保留在来源切片中，重复版页行以稳定序号区分。
འགོག་པར་འགྲོ་བའི་ལམ་ཐམས་ཅད་བསྒོམས་པ་གང་ལགས་པ་དེ་དག་ནི། བཅོམ་ལྡན་འདས་མི་རྟག་པས་བཅོམ་ཞིང་རྟག་ཏུ་ན་བའི་འཇིག་རྟེན་དུ་རྟག་པ་དང་། ཞི་བ་དང་བསིལ་བའི་དངོས་པོའི་མྱ་ངན་ལས་འདས་པ་ཐོབ་སྟེ། བཅོམ་ལྡན་
D92.044.0267a01.01འདས་དེ་དག་ནི་སྐྱོབ་པ་མ་མཆིས་པ་དང་། སྐྱབས་མ་མཆིས་པའི་འཇིག་རྟེན་ན། འཇིག་རྟེན་གྱི་སྐྱོབ་པ་དང་། སྐྱབས་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་བཟང་ངན་དུ་འབྱེད་པའི་ཆོས་ཅན་དག་ནི་མྱ་ངན་ལས་འདས་པ་ཐོབ་པ་མ་ལགས་ཀྱི།
D92.044.0267a02.01བཅོམ་ལྡན་འདས་ཡེ་ཤེས་མཉམ་པ་དག་གིས་མྱ་ངན་ལས་འདས་པ་ཐོབ། བཅོམ་ལྡན་འདས་རྣམ་པར་གྲོལ་བ་མཉམ་པ་དག་གིས་མྱ་ངན་ལས་འདས་པ་ཐོབ། བཅོམ་ལྡན་འདས་རྣམ་པར་དག་པའི་ཡེ་ཤེས་གཟིགས་པ་མཉམ་པ་དག་གིས་མྱ་ངན་ལས་འདས་པ་ཐོབ་པའི་སླད་
D92.044.0267a03.01དུའོ། །བཅོམ་ལྡན་འདས་དེ་ལྟ་ལགས་པས་མྱ་ངན་ལས་འདས་པའི་དབྱིངས་ནི་རོ་གཅིག་སྟེ། འདི་ལྟར་རིག་པ་དང་རྣམ་པར་གྲོལ་བའི་རོར་རོ་མཚུངས་པ་ལགས་སོ། །བཅོམ་ལྡན་འདས་གང་ལ་ལ་དག་མ་རིག་པའི་གནས་ཀྱི་ས་མ་སྤངས་ཤིང་བྱང་བར་མ་བགྱིས་པ་དེ་དག་
D92.044.0267a04.01ནི་བཅོམ་ལྡན་འདས་མྱ་ངན་ལས་འདས་པའི་དབྱིངས་སུ་རོ་གཅིག་པ་མ་ལགས་ཏེ། འདི་ལྟར་རིག་པ་དང་རྣམ་པར་གྲོལ་བར་རོ་མཚུངས་པ་མ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་མ་རིག་པའི་གནས་ཀྱིས་མ་སྤངས་ཤིང་མ་སྦྱངས་པས་ནི་སྤང་བར་བགྱི་བའི་
D92.044.0267a05.01ཆོས་གང་གཱའི་ཀླུང་གི་བྱེ་མ་ལས་འདས་པ་སྙེད་མ་སྤངས་ཤིང་མ་སྦྱངས་པའི་སླད་དུ་སྟེ། བཅོམ་ལྡན་འདས་སྤང་བར་བགྱི་བའི་ཆོས་གང་གཱའི་ཀླུང་གི་བྱེ་མ་ལས་འདས་པ་སྙེད་དེ་དག་མ་སྤངས་ཤིང་མ་སྦྱངས་པས་ཆོས་གང་གཱའི་ཀླུང་གི་བྱེ་མ་ལས་འདས་པ་སྙེད་མ་ཐོབ་ཅིང་མངོན་
D92.044.0267a06.01སུམ་དུ་མ་བགྱིས་པར་གྱུར་པའི་སླད་དུའོ། །བཅོམ་ལྡན་འདས་དེ་ལྟ་ལགས་པས་མ་རིག་པའི་གནས་ཀྱི་ས་ནི་སྒོམ་པས་སྤང་བར་བགྱི་བའི་ཉོན་མོངས་པ་དང་ཉེ་བའི་ཉོན་མོངས་པ་ཐམས་ཅད་འབྱུང་བའི་འབྱུང་གནས་ལགས་ཏེ། བཅོམ་ལྡན་འདས་དེ་ལས་ནི་སེམས་ཀྱི་ཉེ་བའི་
D92.044.0267a07.01