完整藏文原文 · 德格版页 当前仅加载第 44 函德格 270b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཤེས་པ་རྣམ་པ་གཉིས་ཀྱིས་གནས་ཀྱི་ས་སྤོང་བ་ནི་མ་མཆིས་སོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་ཉན་ཐོས་དང་། རང་སངས་རྒྱས་ཐམས་ཅད་ཀྱི་སྤྱོད་ཡུལ་མ་ལགས་པ་དང་། བསམ་གྱིས་
D92.044.0270b01.01མི་ཁྱབ་པ་དང་། སྟོང་པ་ཉིད་ཀྱི་ཡེ་ཤེས་ཀྱིས་ཉོན་མོངས་པ་ཐམས་ཅད་ཀྱི་སྦུབས་སྤོང་ལགས་སོ། །བཅོམ་ལྡན་འདས་ཉོན་མོངས་པའི་སྦུབས་ཐམས་ཅད་འབྱེད་པའི་མཐར་ཕྱིན་པའི་ཡེ་ཤེས་གང་ལགས་པ་དེ་ནི་ཡང་དག་པའི་ཡེ་ཤེས་ཞེས་བགྱིའོ། །བཅོམ་ལྡན་
D92.044.0270b02.01འདས་འཕགས་པའི་བདེན་པ་འཚལ་བ་དང་པོ་ནི་མཐར་ཕྱིན་པའི་ཤེས་པ་མ་ལགས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཞུགས་པའི་ཤེས་པ་ལགས་སོ། །བཅོམ་ལྡན་འདས་འཕགས་པའི་དོན་དེ་ནི་ཉན་ཐོས་དང་། རང་སངས་རྒྱས་ཐམས་ཅད་ཀྱི་ཚིག་བླ་
D92.044.0270b03.01དགས་མ་ལགས་སོ། །བཅོམ་ལྡན་འདས་ཉན་ཐོས་དང་། རང་སངས་རྒྱས་ཐམས་ཅད་ནི་ཡོན་ཏན་ཚད་མཆིས་པ་ལགས་ཏེ། བཅོམ་ལྡན་འདས་དེའི་ཡན་ལག་གི་ཡོན་ཏན་དང་ལྡན་པའི་སླད་དུ་ཉན་ཐོས་དང་། རང་སངས་རྒྱས་རྣམས་ལ་འཕགས་པ་ཞེས་བགྱིའོ། །
D92.044.0270b04.01བཅོམ་ལྡན་འདས་འཕགས་པའི་བདེན་པ་རྣམས་ཞེས་བགྱི་བ་དེ་དག་ནི་ཉན་ཐོས་དང་། རང་སངས་རྒྱས་རྣམས་ཀྱི་བདེན་པ་མ་ལགས། ཉན་ཐོས་དང་། རང་སངས་རྒྱས་རྣམས་ཀྱི་ཡོན་ཏན་མ་ལགས་ཏེ། བདེན་པ་འདི་དག་ནི་དེ་བཞིན་གཤེགས་པ་དགྲ་བཅོམ་པ་ཡང་
D92.044.0270b05.01དག་པར་རྫོགས་པའི་སངས་རྒྱས་རྣམས་ཀྱིས་ཐོག་མར་མངོན་པར་རྫོགས་པར་སངས་རྒྱས་ཤིང་མངོན་པར་མཁྱེན་ལ་སོ་སོར་རྟོགས་ནས་དེ་མངོན་པར་མཁྱེན་པའི་འོག་ཏུ་དེ་བཞིན་གཤེགས་པ་རྣམས་ཀྱིས་མ་རིག་པའི་སྒོ་ངའི་སྦུབས་སུ་བཅུག་པའི་འཇིག་རྟེན་ལ་བསྟན་ཅིང་
D92.044.0270b06.01བཏགས་ཏེ། དེའི་སླད་དུ་འཕགས་པའི་བདེན་པ་རྣམས་ཤེས་བགྱིའོ། །བཅོམ་ལྡན་འདས་འཕགས་པའི་བདེན་པའི་དོན་བཤད་པ་ནི་ཟབ་ཅིང་ཕྲ་ལ་བརྟགས་པར་དཀའ་སྟེ་ཁོང་དུ་ཆུད་པར་དཀའ་ཞིང་བརྟག་མི་ནུས་ལ་རྟོག་གེའི་སྤྱོད་པ་མ་ལགས་ཏེ། མཁས་ཤིང་
D92.044.0270b07.01