完整藏文原文 · 德格版页 当前仅加载第 44 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་རིགས་པ་རྣམས་ལ་ནི་ཚར་དགུམ། སྨན་གདགས་པའི་རིགས་པ་རྣམས་ལ་ནི་སྨན་གདགས་པར་འཚལ་ལ། དེ་ཅིའི་ཕྱིར་ཞེ་ན། བཅོམ་ལྡན་འདས་ཚར་དགུམ་པ་དང་། སྨན་གདགས་པས་ནི་འཇིག་རྟེན་དུ་དམ་པའི་ཆོས་ཡུན་རིང་དུ་གནས་པར་འགྱུར་བའི་སླད་དུ་སྟེ།
D92.044.0257b01.01དམ་པའི་ཆོས་ཡུན་རིང་དུ་གནས་ན་ལྷ་དང་མི་རྣམས་ཀྱི་ལུས་རྣམ་པར་འཕེལ་བར་འགྱུར་ཞིང་ངན་སོང་རྣམས་ཡོངས་སུ་འགྲིབ་པར་འགྱུར་ཏེ། བཅོམ་ལྡན་འདས་འདི་ནི་བཅོམ་ལྡན་འདས་ཀྱིས་ཆོས་ཀྱི་འཁོར་ལོ་བསྐོར་བའི་རྗེས་སུ་སྐོར་བར་བགྱིད་པ་ལགས་ཏེ། བཅོམ་ལྡན་
D92.044.0257b02.01འདས་ཡི་དམ་དགུ་པ་འདི་ཡང་བྱང་ཆུབ་ཀྱི་སྙིང་པོའི་མཐར་ཐུག་གི་བར་དུ་བདག་གིས་ཡང་དག་པར་བླང་ངོ་། །བཅོམ་ལྡན་འདས་ད་སླན་ཆད་བདག་གིས་དམ་པའི་ཆོས་ཡོངས་སུ་བཟུང་བ་ལས་བསྐྱུད་པར་བགྱི་བའི་སེམས་གཅིག་ཙམ་ཡང་བསྐྱེད་པར་མི་བགྱིའོ། །དེ་ཅིའི་སླད་དུ་
D92.044.0257b03.01ཞེ་ན། བཅོམ་ལྡན་འདས་དམ་པའི་ཆོས་གཟུང་བ་ལས་བསྐྱུད་ན་ཐེག་པ་ཆེན་པོ་བསྐྱུད་པར་འགྱུར་རོ། །བཅོམ་ལྡན་འདས་ཐེག་པ་ཆེན་པོ་བསྐྱུད་ན་ཕ་རོལ་ཏུ་ཕྱིན་པ་བསྐྱུད་པར་འགྱུར་རོ། །བཅོམ་ལྡན་འདས་ཕ་རོལ་ཏུ་ཕྱིན་པ་བསྐྱུད་ན་ཐེག་པ་ཆེན་པོ་ལས་མི་འདུན་པར་
D92.044.0257b04.01འགྱུར་རོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཐེག་པ་ཆེན་པོ་ལས་མ་ངེས་པ་དེ་ནི་དམ་པའི་ཆོས་ཡོངས་སུ་འཛིན་པ་ལ་མི་འདུན་པར་འགྱུར་ཞིང་རང་ཉམ་དུ་གནས་པར་འགྱུར་ཏེ། བཅོམ་ལྡན་འདས་དེ་ནི་བྱིས་པ་སོ་སོའི་སྐྱེ་བོའི་སར་མཆི་
D92.044.0257b05.01བའི་སྐལ་བ་ཅན་དུ་འགྱུར་ཏེ། བཅོམ་ལྡན་འདས་འདི་ནི་བདག་གིས་ཉེས་དམིགས་དང་། གནོད་པ་ཆེན་པོར་མཐོང་ལགས་སོ། །བཅོམ་ལྡན་འདས་དམ་པའི་ཆོས་ཡོངས་སུ་འཛིན་པ་ལས་ནི་བདག་དང་མ་འོངས་པའི་བྱང་ཆུབ་སེམས་དཔའ་རྣམས་ཀྱི་ཕན་ཡོན་དཔག་ཏུ་མ་མཆིས་
D92.044.0257b06.01པའི་དོན་ཡོངས་སུ་གྲུབ་པར་མཐོང་སྟེ། བཅོམ་ལྡན་འདས་དམ་པའི་ཆོས་ཡོངས་སུ་གཟུང་བའི་ཡི་དམ་བཅུ་པ་འདི་ཡང་བྱང་ཆུབ་ཀྱི་སྙིང་པོའི་མཐར་ཐུག་གི་བར་དུ་བདག་གིས་ཡང་དག་པར་བླང་ངོ་། །བཅོམ་ལྡན་འདས་བདག་གི་ཡི་དམ་ཆེན་པོ་བཅུ་པོ་འདི་དག་ནི་བཅོམ་ལྡན་
D92.044.0257b07.01