完整藏文原文 · 德格版页 当前仅加载第 44 函德格 260a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ནི་ས་ཆེན་པོ་བས་ཀྱང་ཆེས་ཁུར་ཆེན་པོ་ཁྱེར་བ་ལགས་ཏེ། བཅོམ་ལྡན་འདས་བཞི་པོ་དེ་དག་ནི་ཁུར་ཆེན་པོ་ལགས་སོ། །བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོ་དམ་པའི་ཆོས་ཡོངས་སུ་འཛིན་པ་ནི་ཁུར་ཆེན་པོ་འདི་བཞི་ཁྱེར་བ་ལགས་ཏེ། ས་
D92.044.0260a01.01ཆེན་པོ་བས་ཀྱང་ཆེས་རྟེན་དུ་གྱུར་པ་དང་། ས་ཆེན་པོ་བས་ཀྱང་ཆེས་ཁུར་ཆེན་པོ་ཁྱེར་བ་དང་། ཁུར་མཐའ་ཡས་པ་ཁྱེར་བ་དང་། སེམས་ཅན་ཐམས་ཅད་ཀྱི་གཞི་རྟེན་དུ་གྱུར་པ་དང་། བྱམས་པ་བགྱིས་པ་དང་སྙིང་རྗེ་ཅན་དང་། སྨན་པར་འཚལ་བ་དང་སྙིང་བརྩེ་བ་དང་། ཆོས་ཀྱིས་
D92.044.0260a02.01འཇིག་རྟེན་གྱི་མ་ཞེས་བགྱི་བ་ལགས་སོ། །བཅོམ་ལྡན་འདས་དཔེར་ན་ས་ཆེན་པོ་ནི་རིན་པོ་ཆེ་སྣ་བཞིའི་འབྱུང་གནས་ལགས་ཏེ། སྣ་བཞི་པོ་དེ་དག་གང་ཞེ་ན། རིན་པོ་ཆེ་རིན་ཐང་མ་མཆིས་པ་དག་གི་འབྱུང་གནས་དང་། རིན་པོ་ཆེ་རིན་ཐང་མཆིས་པ་དག་གི་འབྱུང་གནས་དང་། རིན་
D92.044.0260a03.01པོ་ཆེ་དེ་བས་ཆུང་བ་དག་གི་འབྱུང་གནས་དང་། རིན་པོ་ཆེ་དེ་བས་ཀྱང་ཆུང་བ་དག་གི་འབྱུང་གནས་ལགས་ཏེ་བཅོམ་ལྡན་འདས་ཇི་ལྟར་ས་ཆེན་པོ་རིན་པོ་ཆེ་སྣ་བཞི་པོ་འདི་དག་གི་འབྱུང་གནས་སུ་གྱུར་པ་དེ་བཞིན་དུ། བཅོམ་ལྡན་འདས་རིགས་ཀྱི་བུ་འམ་རིགས་ཀྱི་བུ་མོ་དམ་པའི་ཆོས་ཡོངས་སུ་
D92.044.0260a04.01འཛིན་པ་ལ་བརྟེན་ནས་སེམས་ཅན་རྣམས་ཀྱིས་རིན་པོ་ཆེའི་མཆོག་ཆེན་པོ་རིན་པོ་ཆེ་ཐམས་ཅད་ཀྱི་དམ་པར་གྱུར་པ་བཞིའི་ཁེ་རྙེད་པར་འགྱུར་རོ། །བཞི་གང་ཞེ་ན་དགེ་བའི་བཤེས་གཉེན་རིགས་ཀྱི་བུ་འམ། རིགས་ཀྱི་བུ་མོ་དེ་ལ་བརྟེན་ནས་སེམས་ཅན་རྣམས་ཀྱིས་ལྷ་དང་མིའི་ཕུན་སུམ་ཚོགས་པ་འཐོབ་
D92.044.0260a05.01པར་བགྱིད་པའི་བསོད་ནམས་ཀྱི་ཚོགས་ཀྱི་ཁེ་རྙེད་པར་འགྱུར་བ་དང་། ཉན་ཐོས་ཀྱི་ཐེག་པར་ཉེ་བར་འགྲོ་བའི་དགེ་བའི་རྩ་བ་ཐོབ་པར་བགྱི་བ་རྙེད་པར་འགྱུར་བ་དང་། རང་སངས་རྒྱས་ཀྱི་ཐེག་པར་ཉེ་བར་འགྲོ་བའི་དགེ་བའི་རྩ་བའི་ཚོགས་ཐོབ་པར་བགྱི་བ་རྙེད་པར་འགྱུར་བ་དང་། ཡང་དག་པར་
D92.044.0260a06.01རྫོགས་པའི་སངས་རྒྱས་སུ་ཉེ་བར་འགྲོ་བའི་བསོད་ནམས་ཀྱི་ཚོགས་ཆེས་མཐོན་པོ་ཐོབ་པར་བགྱི་བ་རྙེད་པར་འགྱུར་བ་སྟེ། བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོ་དམ་པའི་ཆོས་ཡོངས་སུ་འཛིན་པ་ལ་བརྟེན་ནས་སེམས་ཅན་རྣམས་ཀྱིས་རིན་པོ་ཆེ་ཐམས་ཅད་ཀྱི་མཆོག་ངོ་
D92.044.0260a07.01