完整藏文原文 · 德格版页 当前仅加载第 44 函德格 258b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་བདག་གིས་དམ་པའི་ཆོས་རྟོགས་པ་དེ་ཐོབ་ནས་ཀྱང་ངལ་བ་དང་ཡོངས་སུ་སྐྱོ་བ་མ་མཆིས་པར་སེམས་ཅན་རྣམས་ལ་ཆོས་སྟོན་པར་གྱུར་ཅིག །བཅོམ་ལྡན་འདས་འདི་ནི་བདག་གི་སྨོན་ལམ་ཆེན་པོ་གཉིས་པ་ལགས་སོ། །བཅོམ་ལྡན་འདས་བདག་གིས་དམ་པའི་ཆོས་བསྟན་པ་དེ་ཡང་ལུས་དང་
D92.044.0258b01.01སྲོག་ལ་མི་ལྟ་བར་དམ་པའི་ཆོས་བསྲུང་བ་དང་། དམ་པའི་ཆོས་ཡོངས་སུ་གཟུང་བར་འཚལ་ལོ། །བཅོམ་ལྡན་འདས་འདི་ནི་བདག་གི་སྨོན་ལམ་ཆེན་པོ་གསུམ་པ་ལགས་ཏེ། བཅོམ་ལྡན་འདས་བདག་ནི་སྨོན་ལམ་ཆེན་པོ་གསུམ་པོ་དེ་དག་འདེབས་སོ། །དེ་ནས་བཅོམ་ལྡན་འདས་ཀྱིས་ལྷ་མོ་དཔལ་
D92.044.0258b02.01ཕྲེང་གི་སྨོན་ལམ་ཆེན་པོ་ཡུལ་ཆེ་བ་གསུམ་པོ་འདི་དག་ལུང་སྟོན་པ་མཛད་དེ། ལྷ་མོ་འདི་ལྟ་སྟེ་དཔེར་ན་གཟུགས་སུ་གཏོགས་པ་ཐམས་ཅད་ནི་ནམ་མཁའི་ཁམས་ཀྱི་ཁོངས་སུ་འདུས་ཤིང་ཁོངས་སུ་གཏོགས་ལ་ཁོངས་སུ་ཆུད་དོ། །ལྷ་མོ་དེ་བཞིན་དུ་བྱང་ཆུབ་སེམས་དཔའི་སྨོན་ལམ་གང་གཱའི་ཀླུང་གི་བྱེ་མ་སྙེད་
D92.044.0258b03.01དག་ཀྱང་སྨོན་ལམ་ཆེན་པོ་འདི་གསུམ་གྱི་ཁོངས་སུ་འདུས་ཤིང་ཁོངས་སུ་གཏོགས་ལ་ཁོངས་སུ་ཆུད་དེ། སྨོན་ལམ་ཆེན་པོ་གསུམ་པོ་དེ་དག་ནི་དེ་ལྟར་ཡུལ་ཆེའོ། །དེ་ནས་བཅོམ་ལྡན་འདས་ལ་ལྷ་མོ་དཔལ་ཕྲེང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལ་སྨོན་ལམ་ཆེན་པོའི་ཡུལ་བསྟན་པ་
D92.044.0258b04.01གཞན་ཡང་དེ་བཞིན་གཤེགས་པའི་མཐུས་བདག་གིས་སྤོབས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་ཁྱོད་ལ་དེ་བཞིན་གཤེགས་པས་གནང་གིས་ཁྱོད་སྤོབས་པར་གྱིས་ཤིག་དེ་ནས་བཅོམ་ལྡན་འདས་ལ་ལྷ་མོ་དཔལ་ཕྲེང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་
D92.044.0258b05.01དཔའི་སྨོན་ལམ་གང་གཱའི་ཀླུང་གི་བྱེ་མ་སྙེད་གང་དག་ལགས་པ་དེ་དག་ཐམས་ཅད་ཀྱང་འདི་ལྟར་དམ་པའི་ཆོས་ཡོངས་སུ་གཟུང་བའི་སྨོན་ལམ་ཆེན་པོ་གཅིག་གི་ཁོངས་སུ་འདུས་ཤིང་ཁོངས་སུ་ཆུད་དེ། བཅོམ་ལྡན་འདས་དམ་པའི་ཆོས་ཡོངས་སུ་འཛིན་པ་ནི་དེ་ལྟར་ཡུལ་ཆེ་བ་ལགས་སོ། །དེ་ནས་
D92.044.0258b06.01བཅོམ་ལྡན་འདས་ཀྱིས་ལྷ་མོ་དཔལ་ཕྲེང་ལ་ལེགས་སོ་ཞེས་བྱ་བ་བྱིན་ཏེ། ལྷ་མོ་ལེགས་སོ་ལེགས་སོ། །ལྷ་མོ་ཁྱོད་ནི་ཤེས་རབ་ཟབ་པ་སྟེ། ཐབས་ཀྱིས་ཡོངས་སུ་བསྒོས་པའི་ཤེས་རབ་དང་ལྡན་ནོ། །ལྷ་མོ་སེམས་ཅན་གང་དག་ཁྱོད་ཀྱིས་ཆོས་བསྟན་པའི་དོན་རྟོགས་པ་དེ་དག་ནི་དཀོན་པ་ཡིན་ཏེ།
D92.044.0258b07.01