完整藏文原文 · 德格版页 当前仅加载第 44 函德格 269b 版页；藏文 NFD、目录标记与异常页序保留在来源切片中，重复版页行以稳定序号区分。
ལགས་པས་འདི་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་སྐྱབས་མ་མཆིས་པ་དང་། སྐྱོབ་པ་མ་མཆིས་པའི་འཇིག་རྟེན་ན་ཕྱི་མའི་མཐར་ཐུག་པར་སྐྱབས་མི་ཟད་པ་དང་། སྐྱབས་རྟག་པ་དང་། སྐྱབས་བརྟན་པ་ལགས་
D92.044.0269b01.01སོ། །བཅོམ་ལྡན་འདས་ཆོས་ཞེས་བགྱི་བ་དེ་ནི་ཐེག་པ་གཅིག་གི་ལམ་བསྟན་པའི་ཚིག་{བླ་དགས་,བླ་དྭགས་}ལགས་སོ། །བཅོམ་ལྡན་འདས་དགེ་འདུན་ཞེས་བགྱི་བ་དེ་ནི་ཐེག་པ་གསུམ་པའི་ཚོགས་ཀྱི་ཚིག་{བླ་དགས་,བླ་དྭགས་}ལགས་སོ། །བཅོམ་ལྡན་འདས་སྐྱབས་འདི་གཉིས་ནི་དེའི་
D92.044.0269b02.01ཡན་ལག་གི་སྐྱབས་ཞེས་བགྱི་སྟེ་སྐྱབས་ཀྱི་རབ་མ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཐེག་པ་གཅིག་གི་ལམ་བསྟན་པའི་ཆོས་ཀྱང་ཆོས་ཀྱི་སྐུ་རྟོགས་པའི་མཐའ་ལགས་ཏེ། བཅོམ་ལྡན་འདས་དེའི་ཕ་རོལ་ན་ཐེག་པ་གཅིག་གི་ལམ་བསྟན་པའི་ཆོས་
D92.044.0269b03.01ཀྱིས་ནི་བགྱི་བ་ཅི་ཡང་མ་མཆིས་སོ། །བཅོམ་ལྡན་འདས་ཐེག་པ་གསུམ་པའི་ཚོགས་ཀྱང་འཇིག་པ་དང་བཅས་པས་དེ་བཞིན་གཤེགས་པ་ལ་སྐྱབས་སུ་མཆིས་པ་དང་། འབྱུང་བའི་ཐབས་ཚོལ་བ་དང་། སློབ་པ་དང་། བགྱི་བ་དང་བཅས་པ་དང་། བླ་ན་མེད་པ་
D92.044.0269b04.01ཡང་དག་པར་རྫོགས་པའི་བྱང་ཆུབ་ལ་ཞུགས་པ་ལགས་སོ། །བཅོམ་ལྡན་འདས་དེ་ལྟར་ན་སྐྱབས་འདི་གཉིས་ནི་སྐྱབས་ཀྱི་རབ་མ་ལགས་ཏེ། དུས་ཀྱི་མཐའ་མཆིས་པའི་སྐྱབས་ལགས་སོ། །བཅོམ་ལྡན་འདས་སེམས་ཅན་གང་དག་དེ་བཞིན་གཤེགས་པས་
D92.044.0269b05.01བཏུལ་བ་དེ་དག་ནི་དེ་བཞིན་གཤེགས་པ་ལ་སྐྱབས་སུ་མཆི་བ་ན་ཆོས་ཉིད་ཀྱི་རྒྱུ་འཐུན་པ་ལ་མངོན་པར་དད་པས་ཆོས་དང་དགེ་སློང་གི་དགེ་འདུན་ལ་ཡང་སྐྱབས་སུ་མཆི་སྟེ། བཅོམ་ལྡན་འདས་ཆོས་ཉིད་ཀྱི་རྒྱུ་འཐུན་པ་ལ་མངོན་པར་དད་པས་སྐྱབས་སུ་མཆི་བ་གཉིས་ལ་
D92.044.0269b06.01སྐྱབས་སུ་མཆི་བར་བགྱི་བ་ལགས་སོ། །བཅོམ་ལྡན་འདས་དེ་བཞིན་གཤེགས་པ་ལ་སྐྱབས་སུ་མཆི་བ་ནི་ཆོས་ཉིད་ཀྱི་རྒྱུ་འཐུན་པ་ལ་མངོན་པར་དད་པས་མཆི་བར་བགྱི་བ་མ་ལགས་ཏེ། བཅོམ་ལྡན་འདས་དེ་བཞིན་གཤེགས་པ་ལ་སྐྱབས་སུ་མཆི་བ་ནི་སྐྱབས་སུ་
D92.044.0269b07.01