完整藏文原文 · 德格版页 当前仅加载第 44 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་དེ་དག་ལ་དམ་པའི་ཆོས་ལ་རྒྱབ་ཀྱིས་ཕྱོགས་པ་དང་། གཞན་མུ་སྟེགས་ཅན་དག་ས་བོན་རུལ་བ་ལགས་ཏེ། རྒྱལ་པོའི་ཐད་དུ་ཡང་མཆིས་ལ་བརླག་པར་བགྱིའོ་ཞེས་མཆིའོ། །བཅོམ་ལྡན་འདས་ས་བོན་རུལ་བར་གྱུར་པ་དེ་དག་ནི་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་
D92.044.0276b01.01གྱིས་ལེགས་པར་ཚར་གཅད་པར་བགྱི་བ་ལགས་སོ། །དེ་ནས་ལྷ་མོ་དཔལ་ཕྲེང་གིས་དེ་སྐད་ཅེས་གསོལ་ནས། འཁོར་དང་བཅས་པས་བཅོམ་ལྡན་འདས་ཀྱི་ཞབས་ལ་གཏུགས་སོ། །དེ་ནས་བཅོམ་ལྡན་འདས་ཀྱིས་ལྷ་མོ་དཔལ་ཕྲེང་ལ་ལེགས་སོ་ཞེས་བྱ་བ་བྱིན་ཏེ། ལྷ་མོ་ཁྱོད་ཀྱིས་
D92.044.0276b02.01དུས་དང་སྐབས་སུ་ཆོས་ཟབ་མོ་དག་ལ་བདག་ཉིད་ཡང་དག་པར་བསྲུང་བའི་ཐབས་ཀྱི་དོན་བསྟན་པ་བཤད་པ་དང་། དམ་པའི་ཆོས་ཀྱི་དགྲ་ཚར་བཅད་པ་བཤད་པ་ལེགས་སོ། །ལྷ་མོ་ཁྱོད་ནི་སངས་རྒྱས་འབུམ་ཕྲག་བྱེ་བ་མང་པོ་ལ་བསྙེན་བཀུར་བྱས་པ་ཡིན་པས་ཁྱོད་ཀྱིས་དོན་
D92.044.0276b03.01བཤད་པ་འདི་ལས་ངོ་མཚར་ཆེ་བ་མེད་དོ། །དེ་ནས་བཅོམ་ལྡན་འདས་དཔལ་འབར་བས་འཁོར་གྱི་དཀྱིལ་འཁོར་ཐམས་ཅད་ཀྱི་ལུས་ལ་འོད་ཀྱིས་ཁྱབ་པར་མཛད་ནས་ཏ་ལ་བདུན་སྲིད་ཙམ་དུ་ནམ་མཁའ་ལ་མངོན་པར་འཕགས་ཏེ། ཞབས་ཀྱི་གོམ་པ་འདོར་བའི་རྫུ་འཕྲུལ་གྱིས་མཉན་
D92.044.0276b04.01ཡོད་ཀྱི་གྲོང་ཁྱེར་ག་ལ་བ་དེར་གཤེགས་སོ། །དེ་ནས་ལྷ་མོ་དཔལ་ཕྲེང་འཁོར་དང་བཅས་པས་སྤྱི་བོར་ཐལ་མོ་སྦྱར་ནས་ལྟ་བས་ཆོག་མི་ཤེས་ཤིང་མིག་མི་འཛུམས་པར་ལྟ་བས་བཅོམ་ལྡན་འདས་ལ་ལྟ་ཞིང་འཁོད་པར་གྱུར་ཏོ། །གང་གི་ཚེ་བཅོམ་ལྡན་འདས་དེ་དག་གི་མིག་རྒྱང་གིས་མི་
D92.044.0276b05.01སླེབས་པར་གྱུར་པ་དེའི་ཚེ་ལྷ་མོ་དཔལ་ཕྲེང་འཁོར་དང་བཅས་པ་མཆོག་ཏུ་དགའ་ཞིང་རབ་ཏུ་མགུ་བའི་བཞིན་དང་ལྡན་པས་གཅིག་གིས་གཅིག་གི་མདུན་དུ་དེ་བཞིན་གཤེགས་པའི་ཡོན་ཏན་རྣམས་རྣམ་པ་དུ་མར་བསྔགས་ཤིང་སངས་རྒྱས་རྗེས་སུ་དྲན་པ་ཡིད་ལ་བྱེད་པ་མ་བརྗེད་བཞིན་དུ་གྲོང་ཁྱེར་
D92.044.0276b06.01འཐབ་མེད་དུ་དོང་ངོ་། །དེ་ནས་ལྷ་མོ་དཔལ་ཕྲེང་གིས་རང་གི་ཁྱིམ་ཐབ་རྒྱལ་པོ་གྲགས་པའི་བཤེས་གཉེན་ཐེག་པ་ཆེན་པོ་ལ་ངེས་པར་བཅུག་གོ །གྲོང་ཁྱེར་ཆེན་པོའི་བུད་མེད་ཀྱི་ཚོགས་བུ་མོ་ལོ་བདུན་ལོན་པ་ཡན་ཆད་ཐམས་ཅད་ཐེག་པ་ཆེན་པོ་ལ་བཙུད་དོ། །རྒྱལ་པོ་གྲགས་པའི་བཤེས་
D92.044.0276b07.01