完整藏文原文 · 德格版页 当前仅加载第 44 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
ཉོན་མོངས་པ་དང་། ཞི་གནས་ཀྱི་ཉེ་བའི་ཉོན་མོངས་པ་དང་། ལྷག་མཐོང་གི་ཉེ་བའི་ཉོན་མོངས་པ་དང་། བསམ་གཏན་གྱི་ཉེ་བའི་ཉོན་མོངས་པ་དང་། ཏིང་ངེ་འཛིན་གྱི་ཉེ་བའི་ཉོན་མོངས་པ་དང་། སྙོམས་པར་འཇུག་པའི་ཉེ་བའི་ཉོན་མོངས་པ་དང་། རྣལ་འབྱོར་གྱི་ཉེ་
D92.044.0267b01.01བའི་ཉོན་མོངས་པ་དང་། ཤེས་པའི་ཉེ་བའི་ཉོན་མོངས་པ་དང་། འབྲས་བུའི་ཉེ་བའི་ཉོན་མོངས་པ་དང་། རྟོགས་པའི་ཉེ་བའི་ཉོན་མོངས་པ་དང་། སྟོབས་ཀྱི་ཉེ་བའི་ཉོན་མོངས་པ་དང་། མི་འཇིགས་པའི་ཉེ་བའི་ཉོན་མོངས་པ་ཡང་འབྱུང་ལགས་སོ། །བཅོམ་ལྡན་
D92.044.0267b02.01འདས་ཉེ་བའི་ཉོན་མོངས་པ་གང་གཱའི་ཀླུང་གི་བྱེ་མ་ལས་འདས་པ་སྙེད་དེ་བཞིན་གཤེགས་པའི་བྱང་ཆུབ་ཀྱི་ཡེ་ཤེས་ཀྱིས་གཞོམ་པར་བགྱི་བ་དེ་དག་ཐམས་ཅད་ཀྱང་མ་རིག་པའི་གནས་ཀྱི་ས་ལས་འབྱུང་ལགས་སོ། །བཅོམ་ལྡན་འདས་མ་རིག་པའི་གནས་ཀྱི་ས་ནི་ཉེ་བའི་ཉོན་མོངས་
D92.044.0267b03.01པ་དང་། ཀུན་ནས་ལྡང་བ་ཐམས་ཅད་ཀྱི་རྒྱུ་དང་། གཞི་དང་། རྐྱེན་ལགས་སོ། །བཅོམ་ལྡན་འདས་ཀུན་ནས་ལྡང་བ་གང་ལགས་པ་དེ་དག་ནི་སྐད་ཅིག་པ་སྟེ། སེམས་ཀྱི་སྐད་ཅིག་པ་དང་མཚུངས་པར་ལྡན་པ་ལགས་སོ། །བཅོམ་ལྡན་འདས་མ་རིག་པའི་གནས་ཀྱི་
D92.044.0267b04.01ས་ཐོག་མ་མ་མཆིས་པའི་དུས་ནས་མཆིས་པ་ནི་སེམས་དང་མི་ལྡན་པ་ལགས་སོ། །བཅོམ་ལྡན་འདས་སྤང་བར་བགྱི་བའི་ཆོས་གང་གཱའི་ཀླུང་གི་བྱེ་མ་ལས་འདས་པ་སྙེད་གང་དག་དེ་བཞིན་གཤེགས་པའི་བྱང་ཆུབ་ཀྱི་ཡེ་ཤེས་ཀྱིས་གཞོམ་ཞིང་སྤང་བར་བགྱི་བའི་ཆོས་དེ་དག་ཐམས་
D92.044.0267b05.01ཅད་ཀྱི་གཞི་དང་རྟེན་ནི་འདི་ལྟར་མ་རིག་པའི་གནས་ཀྱི་ས་ལགས་སོ། །བཅོམ་ལྡན་འདས་དཔེར་ན་ས་བོན་གྱི་རྣམ་པ་གང་ཅི་ལགས་པ་དག་དང་། རྩྭ་དང་། ཤིང་གེལ་པ་དང་། སྨན་དང་། ནགས་ཚལ་དེ་དག་ཐམས་ཅད་ནི་བཅོམ་ལྡན་འདས་ས་ལ་བརྟེན་ཅིང་ས་ལ་
D92.044.0267b06.01གནས་ཏེ་སྐྱེ་ཞིང་འཕེལ་ལ་རྒྱས་པར་འགྱུར་ལགས་སོ། །བཅོམ་ལྡན་འདས་ས་ཆེན་པོ་ཚིག་ཅིང་ཞིག་ལ་མི་གདའ་བར་གྱུར་ཏེ་མ་མཆིས་པར་གྱུར་ན་ནི་ས་བོན་གྱི་རྣམ་པ་གང་ཅི་ལགས་པ་དག་དང་། རྩྭ་དང་། ཤིང་གེལ་པ་དང་། སྨན་དང་། ནགས་ཚལ་དེ་དག་ཐམས་ཅད་
D92.044.0267b07.01