完整藏文原文 · 德格版页 当前仅加载第 44 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཐེག་པ་ཆེན་པོ་གནས་པ་ཉིད་ནི་དམ་པའི་ཆོས་གནས་པ་ལགས་སོ། །བཅོམ་ལྡན་འདས་དམ་པའི་ཆོས་ནུབ་པར་འགྱུར་བ་ཞེས་བགྱི་བའི་བཏགས་པ་འདི་ནི་ཐེག་པ་ཆེན་པོའི་དགོངས་པ་ཅན་ལགས་ཏེ། བཅོམ་ལྡན་འདས་ཐེག་པ་ཆེན་པོ་ནུབ་པ་ཉིད་ནི་དམ་པའི་ཆོས་
D92.044.0263b01.01ནུབ་པ་ལགས་སོ། །བཅོམ་ལྡན་འདས་སོ་སོར་ཐར་པ་དང་འདུལ་བ་ཞེས་བགྱི་བའི་ཆོས་འདི་གཉིས་ནི་དོན་གཅིག་སྟེ། ཡི་གེའི་འབྲུ་ནི་ཐ་དད་ལགས་སོ། །བཅོམ་ལྡན་འདས་འདུལ་བ་ཞེས་བགྱི་བ་འདི་ནི་ཐེག་པ་ཆེན་པོ་པ་རྣམས་ཀྱི་བསླབ་པ་ལགས་སོ། །དེ་ཅིའི་སླད་དུ་ཞེ་ན།
D92.044.0263b02.01བཅོམ་ལྡན་འདས་འདི་ལྟར་དེ་བཞིན་གཤེགས་པ་ཉིད་ཀྱི་སླད་དུ་རབ་ཏུ་འབྱུང་བ་དང་། བསྙེན་པར་རྫོགས་པ་ལགས་པའི་སླད་དུ་སྟེ། བཅོམ་ལྡན་འདས་དེ་ལྟ་ལགས་པས་འདི་ལྟར་འདུལ་བ་ཞེས་བགྱི་བ་དང་རབ་ཏུ་འབྱུང་བ་དང་། བསྙེན་པར་རྫོགས་པ་ཞེས་བགྱི་བའི་བཏགས་པ་འདི་ནི་
D92.044.0263b03.01ཐེག་པ་ཆེན་པོའི་ཆོ་གའི་ཚུལ་ཁྲིམས་ཀྱི་ཕུང་པོ་ལགས་སོ། །བཅོམ་ལྡན་འདས་ཉན་ཐོས་དང་རང་སངས་རྒྱས་ཀྱི་ཐེག་པ་ལ་རབ་ཏུ་འབྱུང་བ་དང་བསྙེན་པར་རྫོགས་པ་མ་མཆིས་སོ། །དེ་ཅིའི་སླད་དུ་ཞེ་ན། ཉན་ཐོས་དང་རང་སངས་རྒྱས་ཀྱི་སླད་དུ་རབ་ཏུ་འབྱུང་བ་དང་། བསྙེན་པར་རྫོགས་པ་
D92.044.0263b04.01ནི་མ་མཆིས་ཀྱི། བཅོམ་ལྡན་འདས་དེ་བཞིན་གཤེགས་པ་ཉིད་ཀྱི་སླད་དུ་ཉན་ཐོས་རྣམས་དང་། རང་སངས་རྒྱས་རྣམས་རབ་ཏུ་འབྱུང་ཞིང་བསྙེན་པར་རྫོགས་པ་ལགས་པའི་སླད་དུའོ། །བཅོམ་ལྡན་འདས་དགྲ་བཅོམ་པ་རྣམས་དང་། རང་སངས་རྒྱས་རྣམས་ཀྱང་དེ་བཞིན་གཤེགས་
D92.044.0263b05.01པ་ཉིད་ལ་སྐྱབས་སུ་མཆི་བ་ལགས་ཏེ། བཅོམ་ལྡན་འདས་དགྲ་བཅོམ་པ་རྣམས་དང་། རང་སངས་རྒྱས་རྣམས་ཀྱང་འཇིགས་པ་དང་བཅས་པ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་དགྲ་བཅོམ་པ་རྣམས་དང་། རང་སངས་རྒྱས་རྣམས་ཀྱང་འདུ་བྱེད་ཐམས་ཅད་ལ་མི་
D92.044.0263b06.01བཟད་པར་འཇིགས་པའི་འདུ་ཤེས་ཉེ་བར་གནས་པ་ལགས་པའི་སླད་དུའོ། །བཅོམ་ལྡན་འདས་དཔེར་ན་གཤེད་མས་རལ་གྲི་གཟས་པ་བཞིན་ཏེ། བཅོམ་ལྡན་འདས་དེ་ལྟ་ལགས་པས་དེ་དག་ཀྱང་ངེས་པར་འབྱུང་བ་ཤིན་ཏུ་བདེ་བ་ཐོབ་པ་མ་ལགས་སོ། །བཅོམ་ལྡན་འདས་དེ་ཅིའི་སླད་དུ་ཞེ་ན།
D92.044.0263b07.01