完整藏文原文 · 德格版页 当前仅加载第 59 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལ་བྱང་ཆུབ་སེམས་དཔའ་རྣམས་ཀྱི་མངོན་པར་ཤེས་པའི་རྣམ་པར་འཕྲུལ་པ་གང་ཞེ་ན། མངོན་པར་ཤེས་པའི་རྣམ་པར་འཕྲུལ་པ་ཞེས་བྱ་བ་ནི་རྣམ་པ་ལྔ་སྟེ། འདི་ལྟ་སྟེ། ལྷའི་མིག་དང་། ལྷའི་རྣ་བ་དང་། ཕ་རོལ་གྱི་སེམས་ཤེས་པ་དང་། སྔོན་གྱི་གནས་རྗེས་སུ་དྲན་པ་དང་།
D167.059.0182b01.01རྫུ་འཕྲུལ་བྱ་བའོ། །རྣམ་པར་འཕྲུལ་པའི་རྒྱལ་པོ་དེ་ལ་བྱང་ཆུབ་སེམས་དཔའ་རྣམས་ཀྱི་ལྷའི་མིག་གི་རྣམ་པར་འཕྲུལ་པའི་མངོན་པར་ཤེས་པ་ཇི་ལྟ་བུ་ཞེ་ན། མིག་གི་རྣམ་པར་འཕྲུལ་པའི་མངོན་པར་ཤེས་པ་གང་གིས་བྱང་ཆུབ་སེམས་དཔའི་མིག་གི་དབང་པོ་རྩིག་པ་རྣམས་
D167.059.0182b02.01ཀྱིས་མི་སྒྲིབ། ཤིང་རྣམས་ཀྱིས་མི་སྒྲིབ། རི་རྣམས་ཀྱིས་མི་སྒྲིབ། ནགས་ཚལ་རྣམས་ཀྱིས་མི་སྒྲིབ། ཁོར་ཡུག་དང་། ཁོར་ཡུག་ཆེན་པོའི་རི་རྣམས་ཀྱིས་མི་སྒྲིབ། རི་རབ་ཀྱིས་མི་སྒྲིབ། འཇིག་རྟེན་གྱི་བར་རྣམས་ཀྱིས་མི་སྒྲིབ་སྟེ། དེ་སྒྲིབ་པ་མེད་པའི་མིག་གིས་
D167.059.0182b03.01ཕྱོགས་བཅུར་སངས་རྒྱས་ཀྱི་ཞིང་དཔག་ཏུ་མེད། གྲངས་མེད་པ་རྣམས་མཐོང་ཞིང་དེ་དག་ཐམས་ཅད་ཀྱང་སངས་རྒྱས་ཀྱི་ཞིང་གཅིག་ཏུ་རབ་ཏུ་ཤེས་ཏེ། འདི་ལྟ་སྟེ། ནམ་མཁའ་ལ་ཐ་དད་པ་མེད་པའི་ཕྱིར་རོ། །ཞིང་ལ་ཞིང་སྦྱོར་བར་ཡང་མི་བྱེད། ཐ་དད་པར་ཡང་མི་བྱེད་དོ། །
D167.059.0182b04.01སངས་རྒྱས་ཀྱི་ཞིང་དེ་དག་ན་སངས་རྒྱས་བཅོམ་ལྡན་འདས་ཉན་ཐོས་ཀྱི་ཚོགས་དང་བཅས་པ་གང་དག་བཞུགས་པ་དེ་དག་ཐམས་ཅད་ཀྱང་མཐོང་ཞིང་ཆོས་ཀྱི་དབྱིངས་དབྱེར་མེད་པའི་ཚུལ་གྱིས་སངས་རྒྱས་ཐམས་ཅད་ཀྱང་མཐོང་ཞིང་། ཆོས་ཀྱི་དབྱིངས་དབྱེར་མེད་པའི་ཚུལ་གྱིས་སངས་
D167.059.0182b05.01རྒྱས་ཐམས་ཅད་སངས་རྒྱས་གཅིག་ཏུ་མོས་སོ། །སངས་རྒྱས་གཅིག་མཐོང་བས་ཀྱང་སངས་རྒྱས་ཐམས་ཅད་མཐོང་བ་རྣམ་པར་སྦྱོང་བར་བྱེད་དོ། །སངས་རྒྱས་ཐམས་ཅད་མཐོང་བས་ཀྱང་སངས་རྒྱས་གཅིག་མཐོང་བ་རྣམ་པར་སྦྱོང་བར་བྱེད་དོ། །སངས་རྒྱས་མཐོང་བ་རྣམ་པར་
D167.059.0182b06.01དག་པ་དེས་ཀྱང་བདག་མཐོང་བ་རྣམ་པར་དག་པ་ལ་འཇུག་གོ། །རྣམ་པར་དག་པ་དེ་ཉིད་ཀྱིས་ཆོས་ཐམས་ཅད་མཐོང་བ་རྣམ་པར་དག་པ་ལ་འཇུག་སྟེ། བདག་མཐོང་བ་རྣམ་པར་དག་པའམ། ཆོས་མཐོང་བ་རྣམ་པར་དག་པ་ལ་འདུ་ཤེས་གཉིས་སུ་ཡང་མི་འགྱུར་རོ། །སངས་
D167.059.0182b07.01