完整藏文原文 · 德格版页 当前仅加载第 59 函德格 184a 版页；藏文 NFD、目录标记与异常页序保留在来源切片中，重复版页行以稳定序号区分。
བཞུགས་ལ་འཚོ་ཞིང་གཞེས་ཏེ། ཆོས་ཀྱང་སྟོན་པ་དེ་དག་གིས་ཆོས་བསྟན་པ་དེ་དག་ཐམས་ཅད་ཀྱང་དེའི་རྣ་བས་ཐོས་པར་འགྱུར་རོ། །དེ་ལ་སྒྲིབ་པའམ་ཀུན་ནས་དཀྲིས་ཏེ་འདུག་པར་ཡང་མི་འགྱུར་ལ། ཆོས་བསྟན་པ་དེ་དག་ཐམས་ཅད་
D167.059.0184a01.01ཐོས་ཤིང་ཇི་ལྟར་ཐོས་པ་ཡང་འཛིན་ཏོ། །ཟིན་ནས་ཀྱང་ཆོས་གང་ཡང་མི་བརྗེད་དོ། །ཇི་ལྟར་ན་དེ་གང་ཡང་མི་བརྗེད་ཅེ་ན། དེ་ནི་ཚིག་འགའ་ཡང་མ་རྟོགས་པར་མི་འགྱུར་བས་དེ་ལྟར་ན་མི་བརྗེད་དོ། །ཆོས་གང་དག་ཟག་པ་དང་བཅས་པ་དང་། ཟག་པ་མེད་པའམ།
D167.059.0184a02.01འདུས་བྱས་དང་འདུས་མ་བྱས་སམ། འཇིག་རྟེན་པ་དང་། འཇིག་རྟེན་ལས་འདས་པའམ། དགེ་བ་དང་། མི་དགེ་བའམ། ཁ་ན་མ་ཐོ་བ་དང་བཅས་པ་དང་། ཁ་ན་མ་ཐོ་བ་མེད་པ་རྣམས་སམ། ཉན་ཐོས་ཀྱི་ཐེག་པ་དང་ལྡན་པའམ། རང་སངས་རྒྱས་ཀྱི་
D167.059.0184a03.01ཐེག་པ་དང་ལྡན་པ་རྣམས་སམ། ཐེག་པ་ཆེན་པོ་དང་ལྡན་པ་རྣམས་ཐོས་ནས། འདི་ལྟ་སྟེ། དབེན་པའི་དབྱིངས་རོ་གཅིག་པ་ཉིད་ཀྱི་ཕྱིར་ཆོས་དེ་དག་ཐམས་ཅད་ཆོས་གཅིག་གི་ངོ་བོ་ཉིད་ཀྱི་རོ་ཡིན་པར་འཇུག་གོ། །དེ་ཆོས་ཉན་ཅིང་འཆད་ཀྱང་ཡུལ་ཐམས་ཅད་ལ་མི་
D167.059.0184a04.01འཆགས་སོ། །ཆོས་ཀྱང་ཉན་མོད་ཀྱི་མཚན་མ་ཐམས་ཅད་དང་ཡང་ལྷན་ཅིག་ཏུ་མི་གནས་སོ། །དེ་ཆོས་ལ་རྟེན་པ་ཡིན་གྱིས་ཆོས་མ་ཡིན་པ་ལ་མི་རྟེན་ཏོ། །དེ་ལ་ཆོས་གང་ཞེ་ན། ཆོས་ཞེས་བྱ་བ་ནི་འདོད་ཆགས་དང་བྲལ་བའོ། །ཆོས་ཞེས་བྱ་བ་ནི་མཚན་མ་མེད་པའོ། །
D167.059.0184a05.01ཆོས་ཞེས་བྱ་བ་ནི་འདུས་མ་བྱས་པའོ། །ཆོས་ཞེས་བྱ་བ་ནི་མཐའ་ཡས་པ། དཔེ་མེད་པ། མི་འགྱུར་བ། དམིགས་སུ་མེད་པ། མི་སྐྱེ་བ། མ་སྐྱེས་པ་སྟེ། གང་ཆོས་དེ་ལྟ་བུ་ལ་རློམ་སེམས་མེད་པ་དང་། རྟོག་པ་མེད་པ་དང་། འདུ་ཤེས་དང་། ཡིད་ཀྱི་འདུ་
D167.059.0184a06.01བྱེད་སྤྲོས་པ་མེད་པ་དང་། བླང་བ་མེད་པ་དང་། དོར་བ་མེད་པ་དེ་ནི་ཆོས་ཞེས་བྱའོ། །དེ་དོན་ལ་རྟོན་པ་ཡིན་གྱི་ཚིག་འབྲུ་ལ་རྟོན་པ་མ་ཡིན། ཚིག་འབྲུ་སྤོང་བས་དོན་ལ་རྟོན་པ་ཡང་མ་ཡིན་ནོ། །དེ་དོན་ལ་འབབ་པའི་བློས་ཆོས་ཉན་ཏེ། ཇི་ལྟར་ན་དོན་ལ་འབབ་པའི་བློ་
D167.059.0184a07.01