完整藏文原文 · 德格版页 当前仅加载第 59 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
གཉིས་སུ་དབྱེར་མེད་དེ། གང་དེ་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །སྐྱེ་མཆེད་དྲུག་དང་། སྐྱེ་མཆེད་དྲུག་མེད་པ་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། གང་དེ་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་
D167.059.0193a01.01པའོ། །རེག་པ་དང་། རེག་པ་མེད་པ་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། གང་དེ་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །ཚོར་བ་དང་། ཚོར་བ་མེད་པ་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། གང་དེ་ཤེས་པ་
D167.059.0193a02.01དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །སྲེད་པ་དང་། སྲེད་པ་མེད་པ་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། གང་དེ་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །ལེན་པ་དང་། ལེན་པ་མེད་པ་དེ་ནི་གཉིས་སུ་མེད་ཅིང་གཉིས་སུ་
D167.059.0193a03.01དབྱེར་མེད་དེ། གང་དེ་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །སྲིད་པ་དང་། ཉིང་མཚམས་མི་སྦྱོར་བ་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། གང་དེ་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །སྐྱེ་བ་དང་། སྐྱེ་
D167.059.0193a04.01བ་མེད་པ་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། གང་དེ་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །རྒ་ཤི་དང་རྨི་ལམ་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། གང་དེ་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །
D167.059.0193a05.01གང་དེ་རྟེན་པ་དེ་ནི་མི་གནས་པའོ། །གང་རྟེན་པ་དེ་ནི་སྙིང་པོ་མེད་པ། གང་རྟེན་པ་དེ་ནི་མི་རྟག་པ། གང་རྟེན་པ་དེ་ནི་སྟོང་པ། གང་རྟེན་པ་དེ་ནི་སོང་བ་མེད་པ། འོང་བ་མེད་པ། གང་རྟེན་པ་དེ་ནི་མ་བྱུང་བ། གང་རྟེན་པ་དེ་ནི་རིལ་པོར་འཛིན་པ་
D167.059.0193a06.01མེད་པ། གང་རྟེན་པ་དེ་ནི་འཇུག་པ་མེད་པ་སྟེ། གང་དེ་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །གང་དེ་རྟེན་ཅིང་འབྲེལ་པར་འབྱུང་བ་མཐོང་བ་དེ་ནི་མ་རིག་པ་མི་མཐོང་། འདུ་བྱེད་རྣམས་མི་མཐོང་། རྣམ་པར་ཤེས་པ་མི་མཐོང་།
D167.059.0193a07.01