完整藏文原文 · 德格版页 当前仅加载第 59 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
འཇུངས་པ། ལོག་པར་ལྟ་བ་ལས་ལ་མི་ལྟ་བ། ལས་ཀྱི་རྣམ་པར་སྨིན་པ་ལ་མི་རྟོན་པ། སངས་རྒྱས་དང་། ཆོས་དང་། དགེ་འདུན་ལ་རྒྱབ་ཀྱིས་ཕྱོགས་པ། དགེ་སྦྱོང་དང་། བྲམ་ཟེ་གཞན་དག་ལ་མ་དད་ཅིང་མ་གུས་ལ། བསྟི་སྟང་མི་བྱེད་ཞེ་ས་མི་བྱེད། རི་
D167.059.0207a01.01མོ་མི་བྱེད་པ་དེ་དག་བྱང་ཆུབ་སེམས་དཔའ་དེ་མཐོང་བ་དང་། སྤྱོད་ལམ་མཐོང་བའམ། ཐོས་པ་ཉིད་ཀྱིས་དད་ཅིང་གུས་པར་འགྱུར། བསྟི་སྟང་བྱེད་ཞེ་ས་བྱེད། རི་མོ་བྱེད་དེ། རྣམ་པར་འཕྲུལ་པའི་རྒྱལ་པོ་དེ་ནི་བྱང་ཆུབ་སེམས་དཔའི་ཆོས་མ་འདྲེས་པ་བཅོ་ལྔ་པའོ། །ལྷའམ། ཀླུའམ།
D167.059.0207a02.01གནོད་སྦྱིན་ནམ། དྲི་ཟའམ། དྲང་སྲོང་རྣམས་སམ། ཚངས་པའམ། བདག་ཅག་ཉིད་སྟོན་པར་འདུ་ཤེས་ཤིང་འཇིག་རྟེན་ན་སྟོན་པར་གྲགས་པ་གང་དག་ཡིན་པ་དེ་དག་གི་ནང་ན་དེ་ཉིད་རབ་ཏུ་གྲགས་པར་འགྱུར་ཞིང་། ལྷའམ། ཀླུའམ། གནོད་སྦྱིན་ནམ། དྲི་ཟའམ། དྲང་སྲོང་ངམ་ཚངས་
D167.059.0207a03.01པར་སྟོན་པ་འདུ་ཤེས་པ་གང་དག་ཡིན་པ་དེ་དག་བྱང་ཆུབ་སེམས་དཔའ་དེ་ལ་འདུད། རབ་ཏུ་འདུད། དེ་ལ་རིམ་གྲོ་བྱེད། བསྙེན་བཀུར་བྱེད། དེ་དག་སྔོན་བདག་གི་སྟོན་པ་དེ་ཡིན་ནོ་སྙམ་པའི་འདུ་ཤེས་སུ་མཐོང་ནས་བསྩུར་འོང་། གུས་པར་བྱེད། འདི་ཉིད་གཙོ་བོ། འདི་ཉིད་མཆོག་ཡིན་ནོ། །སྙམ་
D167.059.0207a04.01ནས་དད་པ་འཐོབ་པར་འགྱུར་ཏེ། རྣམ་པར་འཕྲུལ་པའི་རྒྱལ་པོ་དེ་ནི་བྱང་ཆུབ་སེམས་དཔའི་ཆོས་མ་འདྲེས་པ་བཅུ་དྲུག་པའོ། །ཁྱིམ་འམ་གྲོང་ཁྱེར་གང་ན་དགེ་བའི་ཆོས་རྣམས་འཕེལ། མི་དགེ་བའི་ཆོས་རྣམས་སྤོང་ལ། སེམས་ཅན་ཡོངས་སུ་སྨིན་པ་དང་། དམ་པའི་ཆོས་ཡོངས་སུ་
D167.059.0207a05.01འཛིན་པར་འགྱུར་བ་དེར་དེ་ལྷུན་གྱིས་གྲུབ་པ་ཉིད་དུ་སྐྱེ་བར་ཏེ། དེ་དེར་ཡང་དག་པར་སོང་ཞིང་ཡང་དག་པར་ཞུགས་པའི་ཕ་མ་དང་ལྡན་པར་འགྱུར་རོ། །ཡུལ་ལམ། ལྗོངས་གང་དུ་བྱང་ཆུབ་སེམས་དཔའ་དེ་སྐྱེས་པ་དེར་སྟོན་པ་གཅིག་ཏུ་འགྱུར་ཏེ། རྗེད་ཅིང་མཆོད་པར་འགྱུར་རོ། །ལྗོངས་
D167.059.0207a06.01ཀྱིས་ཕྱོགས་དེ་ནས་སེམས་ཅན་གང་ཡང་ངན་འགྲོར་འགྲོ་བར་མི་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་དེའི་དགེ་བའི་རྩ་བས་དེ་དག་ཡོངས་སུ་ཟིན་པའི་ཕྱིར་ཏེ། དེ་དག་ཤི་འཕོས་ནས་ཀྱང་ལྷ་དང་མི་རྣམས་སུ་སྐྱེ་བར་འགྱུར་ཏེ། རྣམ་པར་འཕྲུལ་པའི་རྒྱལ་པོ་འདི་ནི་བྱང་
D167.059.0207a07.01